මගේ නොවන මගේම අහවල් එක

www.thesaleslion.com/wp-content/uploads

/2013/02/blogging-employees1.jpg

අපි දැං මේ  තනි ඇඟිල්ලෙන් සිංග්ලිෂ් කොට, කොට  දුකසේ බ්ලොග් ලියනව නේද? එතකොට ඔහෙලා හිතන්නෙ මේව්ව අපේ කියලද?


බ්ලොගේ අපේ කියල කිව්වට , මේක අපේ නොවන අපේම දෙයක්. මොකද මේකෙ අයිතිය තියෙන්නෙ ගුගල්ට, තියෙන්නෙ එයැයිගෙ  ඉඩමෙ. මේ තිත්ත ඇත්ත මට මතක් කලේ ගුගල්ම තමා. අද උදේ බ්ලොගෙට ගොඩ වෙන්න ගිය මාව, මේකා කණෙන් තට්ටකින්  අල්ලලාම එලියට දැම්ම නෙව, මෙන්න මෙහෙම:

දැං මේකා කියන්නෙත් නෑ, මං වයලේට් කොලේ උගේ අහවල් එකද කියලා,  ඉතිං මොකේදෑ දං වළඳන්නෙ?

අපි වගේ  හුදී ජනයාට මේ වගේ අකරතැබ්බයක් වුනාම , අනිත් අය කරනදේ මාත් කොලා - අහල බැලුව දන්න අයගෙන්. ඔන්න එකෙක් කියාපි, ඕක ජාවා ඉස්කිරිප්ට් ලෙඩක් කියලා. තව එකෙක් කිව්වා  මැල්වෙයාය, හොර සයිට් එකකට ලින්ක් එකක් ඇතිය, අරකය මේකය , ඔය වගේ ආරළු-බුරුළු තොගයක්. මං ඉතිං ඔය දන්න කියන ගැජට්-බැජට්, ජාවා ඉස්කිරිප්ට් තියන එව්වා අයින් කරලා බැලුවා . ම්හු.. මේකා කියන්නෙම  කලින් කියපු සිංදුවමයි.

මෙන්න බකුසු මැතඩ් එක. (බාගදා, මේක මට කලින් තව කවුරු හරි හොයාගෙනත් ඇති )

1. ඉස්සෙල්ලාම ගත්තා බැකප් එකක්. ටෙම්ප්ලේට් එක නෙමෙයි බ්ලොග් එකේ - XML  එක

2. කලින්  වේලි, වේලි තිබ්බ wordpress බ්ලොග් එකකට  ඔක්කොම පෝස්ට් ටික export  කලා - මේ අමතර පියවරක්. ඒත් වෙච්ච සැන්තෑසිය අනුව බොලොගර්ව  මට සතේකට සුවර් නැත :)

3. බ්ලොග් එකට ලොග් වෙලා, හැදුව   තව අලුත් බ්ලොග් එකක්. ඒකට import කලා කලින් එකේ පොස්ට් ඔක්කෝම.

4. වැදගත්ම කොටස : කලින් බ්ලොග් එකේ ඇඩ්‍රස් එක. 

කලින් බ්ලොග් එකේ ඇඩ්‍රස් එක පොඩ්ඩක් වෙනස් කලා, අගට '1" දාලා, දැන්  අලුත් එකට , පරණ එකේ ඇඩ්‍රස් එක කොපි කලා.

දැන් අලුත් එකයි , පරණ එකයි දෙකම තියනවා. පරණ ඇඩ්‍රස් එකට පෙන්නන්නෙ අලුතෙන් හදපු එක නිසා, ඒක බ්ලොක් වෙලා නෑ. පරණ එක බැකප් එකක් විදිහට තියනවා. මට ඇඩ්මින් විදිහට ලොග් වෙන්න ඇහැකි නිසා අවුලක් නෑ. දැං ඉතිං හිමීට , අනික්  ගැජට්-බෑජට් පරණ එකෙන් අලුත් එකට ගෙනෙමින් පවතිනවා .

උන්නු හැටියට මලා මදැයි, කිව්වලු :)




ප.ලි: 


දැං හරි, අවුල ජාවා ස්ක්‍රිප්ට් තමා. තිබ්බෙ  පේජ් වල දාපු එකක.

අවවාදය : නිකං දෙන  බඩුවල හිල් තිබිය හැක



අනුග්‍රහය - බුරා :)

‍ටු මී or නොට් ‍ටු මී

ජර්මන් නාගසලං වාදකයෙක්

සුපුරුදු පරිදි මං ගියා නෙව හැලප ගිලින්න. කොහෙද? කීප පොලකම " කමෙන්ට් මොඩරේෂන්" දාලා, ආයෙත් මේ ඇනෝ මි කරදරේ.



ඔය මීය ඉන්නව නේද ආයිබෝං, ඇතුවත් බැරි, නැතුවත් බැරි සතා. මට ඔය කතාව කිව්වෙ රා මුට්ටියකට වැටිච්ච හික් මීයෙක්.





හික් මීයා: "බලාපං බෂ්ෂො. අපේ මි මුත්තෙක් කියල තියෙනවා, අද මැරුනත් හිතට සැපයි හෙට ජොලි කරලා කියලා. මං රා මුට්ටියට පැන්නෙ හිතේ අමාරුවට ගිලිල මැරෙන්නමයි. අපිට හරියට කෙනහිලි කරනව, අපි එනවට සමහර බ්ලොග්  සම්බාධක දාල නෙව. ආන්න අපේ අං දිග ගෝණා තුමා විතරයි, අපෙන් වෙන සේවය අගේ කරන්නෙ.  එතුමයි අපියි හරියට " ගහයි පොත්තයි" වගේ නොවැ. හික්.."මීයා නාහෙන් අඬන්න තිබා ගත්තා.

" ඒක නං මටත් පේනවා . එතුමා සමහර වෙලාවට " බීරි අලියා" වගේ නොදැක්කා සේ ඉන්නෙ ඒක නිසා කියලා"

" එක්ස්කියුස් මී" මීයාට කේන්ති ගියා.





" නෑ , මං මේ කිව්වෙ  එයා දන්නව නෙව  " මී මැනේජ්මන්ට්." ඒකයි"

උගත් මීයෙක්

"ආන්න ඔහේට තේරුනා. එතුමා දැණ උගතා නෙව. අපි එහේ පිනුං ගැහැව්වත්, කවදාවත් අපිට බනින්නෙ නෑ .ඕනෙවට වැඩිය නැ‍ටුවොත්, පොඩි  තර්ජනයක් දානවා, එච්චරයි, ඔක්කොම මීයො සරෙන්ඩර් "

" ඒ වුනාට , ඔය සමහර මීයො මහ කුජීත වැඩ කරනව නෙව. මං දැකලා තියනව සමහර තැන් වනසලා තියනවා"

" ඇත්ත. ඔය මීයො කිව්වාම නානා ප්‍රකාරයි නෙව. හික් මීයා, බ‍ටු මීයා, කොස් ඇට මීයා, ඌරු මීයා , තව ඉන්නවා .ඔය එකෙක්, දෙන්නෙක් එහෙම කලාට අපි හැමෝම එහෙම නෑ. අනික මං ඔහේට කාරණාවක් කියන්නද? පල ඇති රුකට නෙව වව්ලො එන්නෙ. ඒවගේ ජනප්‍රිය තැන් වලට ගියාට , අපි මේ වගේ  වේලෙන බ්ලොග් ක‍ටු වලට කවදාවත් එනවද? නෑනෙ, පාර්ට් ඇන්ඩ් පාර්සල් ඔෆ් දි පැකේජ්, යූ නෝ?" මීයා ඉංගිලිස් කෑල්ලක් දැම්මා. මූ සිරි ලංකා මීයෙක්, උන් ආසයි ඔය බරපතල ඉංගිලිසි කෑලි ඔබල කතා කරන්න.



" යෙස්, යෙස්, අයි නෝ හූනෝ බකමූනෝ" මාත් ඇරියෙ නෑ, හහ්, මං මොකටෑ මීයොකුට නෝන්ඩි වෙන්න?



මියා නිකං කරකවල අත් හැරියා වගේ මයෙ දිහා බලල " බීට්ස් මී" කියල කේන්තියෙන් කිව්වා.



" ඇනෝ මී අයිතිය කියන්නෙ අපි ‍රැකගන්න ඕනෙ දෙයක් . ඔහෙට අපේ සාඩම්බර ' මී පුරාණය' දැණගන්න ඕනෙ නං මං දන්නව ඒකට හරි යන කෙනෙක්"." ෆලෝ මී" කියල කියපු මීයා, අහල, පහල ගල්, මුල් වල වැදෙමින් දෙපැත්ත වැනි, වැනි  මාව එක්කන් ගියා  තව මීයෙක් වෙතට. 

" ඔන්න බෂ්ෂො, මේ ඉන්නෙ අපේ ගුරුන්නාන්සෙ. එතුමා පොත් හත අටක් ලියලා තියන උගතා. ඔය දැනුත් ලියන්නෙ, මං හිතන්නෙ හිංගල නවකතාවක්"



උපැස් යුවලක් පැළඳි උගත් පෙණුමක් ඇති මීයෙක් " තුහ්, තුහ්, දැන් කාලෙ පොත් මෙලෝ රහක් නෑ, හප්පා ඒ වගේද ඉස්සර කාලෙ පොත්. සුවඳ දැනුනත් කටට කෙල උනනවා" කියමින් පොතක් ලියනු පෙනේ.

මා දු‍ටු විගස, ලිය ලියා හිටි පොතත් පැත්තකට විසි කරගෙන දුවන්න ලෑස්ති වුනු ගුරුන්නාන්සෙ මීයා නැවැත්වු කොස් ඇට මීයා 

" හා, හා. බයවෙන්න එපා ගුරුන්නාසෙ. මෙයා වැජිටේරියන් බෂ්ෂෙක්" කිව්වා.

ටිකක්  හති ඇරිය ගුරුන්නාසෙ මීයා, පැත්තකට විසි වෙච්ච කණ්නාඩි කුට්ටම පැළඳගත්තා .

"ගුරුන්නාන්සෙ. මේ අපේ බෂ්ෂට කියල දෙන්නකො අපේ වංස පුරාණෙ ගැන"

" හා , ඔහෙට කියන්න. අපි මීයො කියන්නෙ දෙස් විදෙස් වල පවා පතල ජාතියක්. කොටින්ම අපි ගැන ජනකතා පවා තියනවා. දැන් බලාන්ට, ඔහේ අහල තියනවද " පයිඩ් පයිපර් ඔෆ් හැම්ලින්" කියන ජර්මන් ජනකතාව?. . ඔය ජනකතාවෙ ප්‍රධාන චරිතෙ කව්ද? මීයො නෙව?"  ගුරුන්නාන්සෙ මීයා උපැස් යුවල යටින් බලල කීවා

"අප්පට සිරි ගජ, ගුරුන්නාන්සෙත් දන්න දේවල් "

http://studdblog.blogspot.ca/2012/02/lost-children-of-hamelin.html

"ඔහෙට කියන්න බස්සො. මධ්‍යම යුගයේ වුනාය කියන ඔය කතාව,  නිකම්ම ජනකතාවක් නෙමෙයි. හැම්ලින් කියල ජර්මන් නගරයක් ඇත්තටම අදටත් තියනවා.කතාව සම්පූර්ණයෙන් ගෙතිල තියෙන්නෙ මීයො වටා. පුහ්, බලන්න එපැයි, ඒ ජර්මන් මීයන්ගෙ වැඩ. කොටින්ම ජර්මන් බල්ලො, බලල්ලුන්ට දුවන්නම දීල තියෙනව. කොටින්ම එහෙ දේවස්ථානයක , ඔය සිද්ධිය ගැන කරපු  පිංතූරෙකුත් තියනවා.

" මේ ගුරුන්නාන්සෙ, බැරිද ඒ කතාව අපට කියල දෙන්න"

" මොකෑ බැරි, එහෙනං ඔය ඉඩ ඇති තැනක් බලල, ඈඳි ගන්නවකො"

මායි, හික් මීයයි හරි බැරි ගැහිලා වාඩි වුනා. 

http://upload.wikimedia.org/wikipedia/commons/f/f5/Hameln1.jpg

කතාව කුට්ටි කරන නිසා ඒකට හිලව්වට,  මෙන්න මීයොන්ට  කුරුල්ලන්ගෙන් පාඩමක්....

ප.ලි: මට කම්මැලියි අප්පා. සෙස්ස පස්සට ......... :)

කතාවේ සමහර කොටස් අනුන්ගෙන් උස්සා ඇත :)

කතෘ අනාතයි

පිංතූර පොත

ආයෙ බොරු කියන්නෙ මොකටෑ, මේක නං අලි වංචාවක් :)

කව්රු ගත්ත පිංතූරද මන්දා, මට ඊ-මේල් එකකින් ආවෙ. සමහරවිට ඔහෙලා දැකලත් ඇති. ලියන්න වස කම්මැලියි අප්පා. 

බර නං ඉහිලුවෑකි.. හප්පා ඒකටත් එක්ක බොගේ පස්චාත් බාගෙ  සුවඳ...?

බලු සෙනෙහස- උඹේ කටෙත් පස්, මයේ කටෙත් පස්!

හීතලද, මචං?

නන්නාඳුනන  අපේ කාලේ විරුවන්

හා, එන්ටෝ.. නාවනවා, සබන් ගානවා...

ෆලෝ.........මී

පවුලේ චායාරූපයක්

ගිහින් එඤ්ඤං  ඈ :)

ලෙලදෙන කොට පැනල ඇවිත් අපිව කයිද

ස්ථානය: කඩ මණ්ඩියෙ එළවළු ලෑල්ල යට...

එහි සැතපී සිටියේ, ලෝක ඉතිහාසයේ, එක්තරා කාලයක,එක්තරා අන්දමක කිසිම විප්ලවයක් නොකල, නිකම්ම නිකං, පරයා ඩෝග් වර්ගයේ, අයාලේ යන සුනඛයෙකි.. බල්ලා ඉඳහිට කන්පට ගසයි, හීනෙන් බුරයි. සමහරවිට  ඌ හීනෙන් පූසෙක් හෝ මීයෙක් පස්සේ පන්නනවා විය හැක. 



මේ සනිදා හිමිදිරි උදෑසනයි. කඩ  මණ්ඩිය පාලුවට ගොස්ය, තවම පෙරදා නිදාගත් නගරය අවදි වී නැත. මේ  පරිසරයේ නිසලබව බිඳුනේ, හංදියේ බේකරියේ පස්සා දොරින් මතුවූ බඩ තඩි පුද්ගලයෙකු, කාටදෝ බැණ වදින හඬකිනි.





" නොදකින්, අදත් මේ පරයා  පාං බාගයක් උස්සල නෙව. අම්මපා, මට  අහුවුනොත් ඕකව, කඩනවා අණ්ඩක්. බැල්ලිගෙ පුතා"



විදුලි සැර වැදුනා සේ, උඩ විසි වී ඇහැරුනු අපේ "ප්‍රොටැගොනිස්ට්" බලු තඩියා ( ස්තූතිය කකා) , ආ‍ඳෙක් සේ හෙමීට ලිස්සා, පල්ලං බසිනු පෙනේ.



ජවනිකා අංක 1:



හංදියේ නිත්‍ය සාමාජිකයින් වු,  පිං ගවයා, නිතරම පොර කන බළලුන් දෙදෙනා , සහ  හික්මීයා සිටියේ විනෝදයෙනි. ඔවුන්ගේ සිනාව,තැන්වල කෙරුනු පොර කෑම, වැනි දෑ හින්දා හරිම කඩිසරබවකුත් දැකගන්නට ලැබුනි. මේ අය අතරින් පිං ගොනාට හැමෝම බිය මුසු ගෞරවයක් දැක් වුයේ, උගේ ඇඟේ "පිං' කියා පච්චයක් කොටාගෙන තිබුණු බැවිනි.



පරිසරයේ මේ නිසලබව බින්දේ, ඉඳ හිට යන එන පෞද්ගලික බස් රියකිනි .හංදියේ නැවතූ  බස් රියක සංගීතයක් ඇසේ: 



පාර්ලිමෙන්තුවට බල්ලො බුරනවා

පාර්ලිමෙන්තුවට ඇතුලට සඳ පායනවා



සිංහයගෙ අතට කඩුව දුන්නෙ කව්ද

ලෙලදෙන කොට පැනල ඇවිත් අපිව කයිද





කන්දෙක උස්සා ඒ හඬට කන්දෙන  සුනඛයා  කල්පනාවකට වැටෙයි.

පිංගොනා , අසල කුණු ගොඩින් ඇද ගත් ගෝවා  කොලයක් තලු මරනු පෙනේ.



" ඈ බං ටොමියො, කාටදෑ,මේ හිමිදිරි පාන්දර , බේකරියෙ පාං බාස් දෙස් දෙවොල් තියන්නෙ? උඹට නේද?  අදත් උඹ පාං හොරා කෑවද?"



" පිස්සුද, බං, මං  ඔය අතමාරුවට නෙව  පාං කෑල්ලක් ගන්නෙ. මං ඉතිං බේකරියෙ " ඩේලි කස්ටමර්" නොවැ? ඔය බැන්නට පාං බාසා, මට හරි ආදරෙයි. බැල්ලිගෙ  පුතා කියලමයි කියන්නෙ. කොටින්ම , කුස්සිට රිංගල මාට්‍ටු උනොත්, මට ගහන්නෙ  ගල් බනිස් ගෙඩියකින් හරි පොල් බෑවකින් හරි තමයි. මාත් ඉතිං 'බෑහ්..' ගාලා , රිදුනා වගේ ඇක්ටිං පාරක් එහෙම දාලා, තුන් අණ්ඩෙන් අර ගහපු එකත් අරගෙනම තමා දුවන්නෙ"

"ඇක්ටිං කිව්වා. ඔන්න ගොයියෝ දියුණු කර ගන්නව නං වැඩේ. කෙලින්ම කවුන්සලේටම යන්න ඇහැකි"



" කවුන්සලේ කිව්වෙ අර අපේ කස්ටිය බුරනවැයි කියලා , බස් සිංදුවෙ කියපු පාර්ලි හෝන්තුවද?"" ඒක නෙමෙයි, බොස්, ඇයි අපේ කස්ටිය  ඒකට බුරන්නෙ? එහෙම නං මාත් සපෝට් එකක් දෙන්න එපෑ?"

" හී...හෙහ්..හෙහ්. හෝන්තුව  නෙමෙයි බොල, පාර්ලිමේන්තුව. ඒක මේ  උඹලා අපි වගේ හුදී ජනයාට  ඔට්‍ටු වෙන්න පුලුවන් තැනක් නෙමෙයි බොල. ඒකට යන්න, විසේස සුදුසුකං තියෙන්නෙ ඕනෙ"

" විසේස සුදුසුකං  කිව්වෙ?"

දැන්, දැන්  මේ දෙන්නාගේ කතාවට, අහුමුළුවල සිටි මීයෝ, අසල ගසක සිටි වඳුරෙක් සහ පෙර කී බළලුන් දෙදෙනාද එක් වේ.තමන්ට  ප්‍රේක්ෂකයින් වැඩිවන බව දක්නා පිංගොනා, අං දිග ගෝණෙකු සේ කඳ කෙලින් කොට උස් හඬින් කතා කරයි.

"විසේස සුදුසුකං  කිව්වෙ, රටේ නං දරාපු 'පොරක්' වෙන්න ඕනෙ කියන එකයි"

" ඉතිං  බොස්, කොහොමද එහෙම පොරක් වෙන්නෙ?"

"හොහ්..හොහ්, ඇයි උඹටත් පොරක් වෙන්න හිතුනද? බොල  පොරක් වෙන්න නං, ආස්චර්ය භාණ්ඩ කන්ටේනර් ඒකක් , දෙකක්වත් ගෙන්නන්න ඕනෙ. පාවිච්චි කරපු භාණ්ඩ නං අඩුමගානේ හාර සීයේ පාටිය වත් ගන්න ඕනෙ. නැත්නම්, ඉතිං රත්තරං කිලෝ දෙක තුනක වැඩිං ගිෆ්ට් එකක් දෙන්න ඕනෙ. ආං එතකොට පුළුවනි, ඕන ලොක්කෙකුට බැස්ටිය දීලා 'මට මතක නෑනෙ' කියන්න. හැබැයි, ලෙමන් ෆෆ් නං, පෙට්ටියක් හොඳටෝම ඇති"

" අර ලෙමන් ෆෆ් පෙට්ටිය කොටා බාන වැඩේ නං මටහ් පුළුවනි නෙව, බොස්?"

"මං හිතුව ‍තෝ බඩජාරි කොමට ඕක කියයි කියලා. හහ්.. හිතුව මඳි, ලෙමන් ෆෆ්  කාලා පොරක් වෙන්න. බොල, ඒ විතරක් මඳි, කවදාවත් සීගිරි නොගිය  ගිරවෙකුට විතරයි ලෙමන් ෆෆ් කාලා පොරක් වෙන්න ඇහැකි"

කතාව අසා සිටි වඳුරා ඔලුව කසමින්  :

" මටත් හිතෙනව, බොස් පොරක් වෙන්න. මං හිතන් ඉන්නෙ  දෙල් ගහ ලඟ කූඹි ගුලට  බැස්ටිය දෙන්න. හැබැයි දෙන්න ඕනෙ ධර්මෙන්. මගේ කල්පනාව 'නංවමු කොලනිය' කියලා ව්‍යාපෘතියක් අරඹලා බලෙන්ම ආධාර  එකතු කරන්න. මෙහෙම හිටියට කිසිම වගතුවක් නෑ, ලොක්කා." 

පිං ගොනා තප්පු ලෑවා.

" ආං ඔහේට තේරුනා කතන්දරේ. මේ ටොමියො, ආන්න එයාගෙන්වත් ඉගෙන ගනින් පොරක් වෙන හැටි"

" ඕනෙ නෑ බොස්, ඒක ඇරිච්චාවෙකො. එතකොට සිංහයගෙ අතට කඩුව දුන්නෙ කව්ද?"

" මොකක් කිව්වා? අනේ බං, මං නං නෙමෙයි. අර බල සේනා කස්ටියවත්ද දන්නෙ නෑ?"

" දැන් එතකොට 'ලෙලදෙන කොට පැනල ඇවිත් අපිව කයිද?'"

" එව්වා කියන්න බෑ ටොමියො. ඇවිත් කෑවොත්, රතුපස් කන්න තමයි වෙන්නෙ"

ප.ලි:  නොතේරේ නං, බැන්නාට අමනාපයක් නැත :)

 පැහැදිලි කරදීමට නොහැකි බව  කරුණාවෙන් සළකන්න .

කතාවේ ටැම්ප්ලේට් එක හොරා කෑවේ .....ගෙනි. දන්නෝ දනිති :)

නයි සහ හොරා කයි

ඕං මේ ඊයෙ පෙරෙයිදා උදේක , මං සුපුරුදු පරිදි , හීල සප්පායම් වෙලා ත‍ටු දෙකත් පොරෝගෙන හොඳ නිදි වඩියකට ලක ලෑස්ති වුනා. මට ඇහෙනවා කව්දෝ පිඹිනවා - සුපුරුදු සද්දයක් , ෂූ..ෂූ.... බැලින්නං මෙන්න බොලේ අපේ කොබෝ නයි උන්නාන්සෙ, ආයෙත් අත්ත උඩට වැඩලා.



" අප්පට සිරි ගජ. මේ අපේ ඒජන්ට් කොබා නාග රාජෝත්තමය නොවැ. ඉතිං, ඉතිං , කොහොමද සැප සනීප?  අර එදා හොට බිම ඇනිච්ච එකට තාම පත්තු බඳිනවද? මං නං හිතුවෙ නෑ ඒ වෙච්ච අලකලංචියෙන් පස්සෙ ඔබතුමා ආයෙ මෙහාට සැපත් වෙයි කියලා"





" ආ, ඒ මේ පොඩි ලෑන්ඩින් ගියර් අප්සැට් එකක්, පස්සෙ මං ඒක හදා ගත්තා"



" ඉතිං, මොකදෑ, ඔබතුමා මේ උදෑනැක්කෙ? ආයෙ පැමිණිල්ලක් වත්ද?"



" පැමිණිල්ලක් නං තමා. ඒත් බයවෙන්න කාරි නෑ, මේක ඔහෙට විරුද්ධව දාපු එකක් නොවෙයි. ඔහේ දන්නව නෙව, අර ඇනෝ මී සැට් එක, එයාල කියනවා, අද වැඩිදෙනෙක් ලියනවා කියල කරන්නෙ, කාගෙ හරි එකක් හොරා කන එකලු. ස්වතන්ත්‍ර නිර්මාණ කියලා දෙයක් ඇත්තෙම නැතිලු. එක්කෝ කාගෙහරි එකක්, අරගෙන තමන්ගෙ වගේ දානවලු. නැත්නම් විකි පීඩියාව ගෙඩි පිටින් කොපි කරල දානවලු"

" ඒකෙත් ඇත්තක් නැත්තෙමත් නැ, බලාන ගියාම"

" එක නෙව බස්සො කියන්නෙ. මං අහන්නෙ, ඇයි මුන්දලට බැරි,  ඔය කැත වැඩේ නවත්වන්න. කුජීතයි නෙව? හා, මං කියන්නෙ බොරුද?"

" මේ මොනව කියනවද? ඔබ තුමාගෙ සිරි මුකයෙන් යමක් කීවොත් ආයෙ ඒකෙ හෝදන්න දැයක් තියනවායැ? ඒක නෙමෙයි, සෑර්, ඔය මී සැට් එක  කවදාවත්  හොරකමක් කරලම නැත්ද? නෑ, මං කියන්නෙ , අඩුම තරමේ  මේ චීස් කෑල්ලක්වත්?"

" චෑ,චෑ, අන්න කිව්ව කැත කතාවක්. අපේ  මීයො චීස් හොරා නොකාන බව මං ඉන්තේරුවෙන්ම විස්වාසයි. අනික, චීස් තියෙන්න එපෑයැ කන්න. ඔය පොල් කෑල්ලක් දෙකක් නං පන්නගෙන යන්න ඇති. ඒත් ඒක  ගෙවල්වල කස්ටිය, කරකරලා කැමැත්තෙන්ම දෙන දේ නොවැ? එතන කොහොද හොර කමක්?"

" නෑ මං කිව්වෙ, ඔය මීයො  ලියන කට්ටියද?"

"ලියන කට්ටියද ඇහැව්වා? මේ මොනව කියනවද,  එකෙක් අඩුම ගානෙ පොත් හත අටක්වත් ලියලා ඇති. පුහ්, බලන්න එපෑයැ උන් ලියන අපූරුව, මේ මැල්ලුම් ලියන ගානටම ලියලම දානවා"

" ඒකත් එහෙමද, නෑ, මං කියන්නෙ මේ අනිත් ලියන අප්පුලා, මෙනවම හරි ලියනවා නොවැ. උන් ලියන හන්දා නොවැ, මී අප්පුලට පැමිණිලි කරන්න දෙයක්වත්  තියෙන්නෙ? හරි, වෙන තැනකින් ගත්තමයි කියමුකො. අතනින් මෙතනින් කරුණු හොයාගන්නයි, එව්වා පරිවර්තනය කරන්නයි, සෑහෙන මහන්සියක් වෙන්න ඕනා නෙව"

" ඒ වුනාට බස්සො, හොරා කන එක කැතයිනෙ? මං කියන්නෙ  නං ඒක මහ කුජීතයි"

" ඇත්ත, වැඩේ කැතයි තමා. ඕං බලන්න , මං නං ලියන්නෙ ඔරිමජිනල් එව්වා විතරයි. දැං බලාන්ට , ගුරුත්වාකර්ශණය හොයා ගත්තෙ කව්ද?"

"ගුරුත්වාකර්ශණය? මේ අපේ නිවුටොං ලමය නෙවද? අර ඇපල් ගහක් යට බුදියගෙන ඉන්නකොට ගෙඩියක් ඔලුවට වැටිලා , ටිකක් නුහුගුණේ වගෙත් තිබුණෙ?"

" ආන්න හරි, ඒ ගෙඩිය නිවුටගෙ ඔලු ගෙඩියට අතෑරියෙ කව්ද? ඒ ගෙඩියෙ නැට්ටට  කෙ‍ටුවෙ අපේ පරම්පරාවෙ  මීබස්සෙක්.කොටින්ම, රෝදය නැවත් සොයා ගත්තෙත් බස්සෙක්ම තමා"



" නැවත සොයා ගත්තා කිව්වා? ඇයි ඒක නැතිවෙලා තිබ්බද, කවුරු හරි හොරකං කලාද?"



" නැත්නං, ඔය මීයො සැට් එකක් තමා ඒක උස්සගෙන ගිහින් තිබුනෙ""

"අම්මපා, මං දැන ගෙන හිටිය නෑනෙ"

" එක නෙව  සැර්, මං කියන්නෙ . දැන් බලාන්ට ඔය පහල සැකුරිටි කොම්පැනියෙ අයිතිකාරය කව්ද"

" කිරි අප්පට බස්සො කොටපි. නෑ එයත් බස්සෙක්ද?. එතකොට  මේ ස්වතන්ත්‍ර නිර්මාණවලයි, බකුස්-ටෙක් කොම්පැණියෙයි සම්බන්ධෙ මොකක්ද?"

" කිසිම සම්බන්ධයක් නෑ. ස්වතන්ත්‍ර නිර්මාණ කලත්, එහෙම නොකලත් ඔව්ව ඔක්කොම නිර්මාණ තමයි. ඇයි අවුල්ද?"

" නෑ , මට නං  අවුලක් නෑ. මීයොන්ට තමා අවුල්"

" හා, සෑර් ඒකට  අප්සැට් ගහන්න එපා. මං  මූකලං අවුල් නෙව. සෑර්, රිපෝට් එකේ දාගන්න 'හැම සාර්ථක/චාටර් නිර්මාණයක් පසු පස බස්සෙක් සිට ඇත' කියලා"

හිම

ඉස්සර කාලෙ දවසක
ඇසුව දින හිම කුමාරිගෙ කතාව
පෙරුම් පිරුවෙ නුඹ දකින්නයි
සුදෝ සුදු සුපිරිසිදු ..හිම

ගිණියම් වූ කතරක
කහවනු සොයනා විට
සිහින මැව්වේ නුඹ දකින්නයි
සුදෝ සුදු සුපිරිසිදු ..හිම


පහු පහු වන ටිට
කොහු, කොහු වනබව
අද මට සිහි කලේ නුඹයි
සුදෝ සුදු සුපිරිසිදු ..හිම

අතොරක් නැතිව ආ විට
ගමන දුෂ්කරයි බරබාගෙට
වලංගු නැත, පල්ලං පොල්ලට
ඇන්නොත්, අබ සරණයි මට



ගෙන්දගම් පොලොවට
හිම නයෙක් මෙන් පෙනුනට
අඩ හෝරාවක් හොඳටම ඇති
බීපු රන් කිරි කටින් එන්නට

පෙනුනාට නුඹ ලස්සනට
ආවොත් , දුක තමා මට
අමනාපයක් නෑ නාවාට
හිම, කන්න යැ බස්සොන්ට?



ප.ලි:
කයියක් වගේ එකක්. හොඳද ඈ? :)

බුක් මාර්ක්ස්

බුක් මාර්ක්ස් කියන්නෙ හැමෝම පාවිච්චි කරන පහසුකමක්නෙ. වැඩේ තියන්නෙ, තමන්ගෙ බුක් මාර්ක් ලිස්ට් එක දවසින් දවස දික්වෙන කොට , ඒක නඩත්තු කරන්න තියෙන අමාරුවයි.


ඔන්න මම ඉස්සෙල්ලම, අර සාමාන්‍ය බුක්මාර්ක් ටූල් බාර් එකකට
බුක්මාර්ක් 

එකතු කරන්න ගත්තා. මේ ලිස්ට් එක කොච්චර දිග වුනාද කියනව නං, ඒකෙ එක කෙරෝලක ඉඳලා අනිත් කොනට යන්න සෑහෙන වෙලාවක් යනවා. මේ වගේ දිග ලිස්ට් එකකින් තමන්ට අවශ්‍ය ලින්ක් එකක් හොයන එක, එච්චර ලේසි නෑ.

මේක හරියන අටමඟුලක් නොවෙන බව බස්සෙකුට උනත් තේරෙන නිසා, මං ඊලඟට ‍තෝර ගත්තෙ, "visual bookmarks". මං හිතන්නෙ මේක ඉස්සෙල්ලම දුන්නෙ Opera . එයාල ඒකට කිව්වෙ speed dial කියලා. දැන් නං, ක්‍රෝම්, ෆයර් ෆොක්ස් වගේ අනිත් එව්ව වලත් තියනවා.

වැඩේ බොහොම නීට්. බුක්මාර්ක් එකතු කරන එකත් ලේසියි. අවශ්‍ය ලින්ක් එක හොයන එක ඊටත් වඩා ලේසියි, ඇයි හැම ලින්ක් එකකටම අදාල සයිට් එකේ පොඩි පිංතූරයක් දාගන්න නිසා.

මට මේ speed dial සෙල්ලම කොච්චර නැගල ගියාද කියනව නං, දැන් ඒකෙ තියනවා ලින්ක් 250 කටත් එහා :) මගේ ඔක්කොම සිංහල බ්ලොග් ලින්ක් තියෙන්නෙ මේකෙ.

ඔහොම ඉතිං බස්සා speed dial එක්ක දැහැමින් සෙමින්, හැලප කමින් කාලෙ ගතකලා කියමුකො. ඔහොම ඉන්න කොට, එක්තරා සුන්දර උදෑසනක, Opera කිව්වා " මේ , බස්සො, අපේ අලුත්ම අප්ඩේට් එකක් තියනවා, මොකද කියන්නෙ ඉන්ස්ටෝල් කරමුද?" කියලා. මාත් ඉතිං බැලුව, නිකං දෙන එක නොවැ, කෙ‍ටුව "යෙස්" කියන එකට. අලුත් වර්ෂන් එක බොහොම හොඳයි, අරවද , මෙව්වද වැඩ කෝටියයි. ඒ තියා speed dial එකත් අලුත් කරලා ඒකටත් කැටයම් දාලා.

දැං ඉතිං මගේ පරණ බූක්මාර්ක් සැට් එක මේකට ගේන්න එපැයි. ඔය කෙලල තියෙනෙ පාත්තරේටම, එහෙම ඉම්පොර්ට් කරන්න පහසුකමක් මේකෙ නෑ.

ඉතිං මොකේදැයි දන් වළඳන්නෙ කිව්වලු. ඔය speed dial entries ඇත්තටම බුක්මාර්ක් විදිහට සලකන්නෙ නෑ.ඒත් ඔහොම උනාම, ඉස්සර ගොඩ යන්න ක්‍රම දෙකක් තිබ්බා. එකක් speeddial.ini කියන ෆයිල් එක එඩිට් කරලා, අනික opera sync හරහා. අලුත් වර්ෂන්  18,19 දෙකටම මේ ක්‍රම එකක්වත් හරියන්නෙ නෑ. අන්තිමට යාන්තං ගුගල් කරලා, opera වර්ෂන් 12 කොපියක් හොයාගෙන බුක්මාර්ක් ටික බේරගත්තා.

https://addons.opera.com/media/image-cache/extensions/45/8045/1.4.4-rev1/

images/62e5cd75-4639-446d-9479-5ec3d18d1646_details_big.jpeg

මට දැන ගන්න ඕනෙ, ඔහෙලා කොහොමද තමන්ගෙ බුක්මාර්ක් මැනේජ් කරන්නෙ? මීට වඩා හොඳ වෙනත් ක්‍රම තියනවා නං ඒ මොනවාද කියන එකයි