තහවුරු කිරීමේ නැඹුරුව -Confirmation Bias

මටම මා ගැන, බය හිතෙන ජාතියෙ "TED Talks" එකක් බැලුව. මාතෘකාව "Why you think you're right -- even if you're wrong"

මාතෘකාව පොඩ්ඩක් අවුල් වගේ නේද? එහෙම කොහොමද අපි වැරදි වෙන්නෙ, නේද? අම්මපා, මට හිතුනෙත් ඔහොම්මමයි නෙව? වැඩේ කියන්නෙ ආයිබෝං,   අපි එහෙම හිතන එකටත් නමක් තියනව නෙව? ඒකට කියන්නෙ "Cognitive Bias - The self-serving bias" කියලලු.

අර පලවෙනි වීඩියෝවෙ කියවෙන්නෙ "confirmation bias" ගැනලු. ඒ කියන්නෙ ඉස්සෙල්ලා තීරණයට එළඹෙනවා"Self-regulating free market theory" වගේ එකකට. ඊට පස්සෙ පරිස්සමින් සියලු විරුද්ධ මත බැහැර කරමින්, තර්කය ගොඩ නඟනවා. මේකට දේශීය උදාහරණයක් ගමුකො " ලෝකයේ ඉන්න බුද්ධිමත්ම රාජ්‍ය සේවකයො ඉන්නෙ ලංකාවෙයි" කියල. දැන් ඕක ඔප්පු කරන්නෙ මෙහෙමයි. ගහක් දෙකක් කැපුවාට, ඔක්සිජන් හිඟවෙන්නේ නැත. ඇත්ත නෙව?  ගස් නැති කාන්තාර වලත්, ඔක්සිජන් හිඟයක් නැත. අමූලික ඇත්ත. දැන් කවුරුහරි අපතයෙක් " එතකොට මුදලාලි, කපන්නෙ ගහක් දෙකක් විතරමද?, එව්වට වැසි වනාන්තර කියන්නෙ ඇයි අපෙ හාංදුරුවනේ" වගෙ කඩාකප්පල්කාරී ප්‍රශ්ණ ඇහැව්වොත්, ටක් ගාලා කපලා දාන්න ඕනෙ, නෑ, නෑ ගහ නෙමෙයි, කඩාකප්පල්කාරී ප්‍රශ්ණ අහපු එකාව. 

ඔහෙල දන්නව නෙව, පූරුවෙ කල පව් පල දීලා, මෙහෙ හිටියට, මාත් ඝර්ම කලාපීය බස්සා වග. ඒ නිසා. මට නිකමට හිතුනා, යකඩෝ, අනුන්ට කිව්වට මාත් වැඩකරන්නෙ එහෙම වත්දෑ කියලා?  තමන් හැම විටම නිවැරදියි කියා සිතීම confirmation bias රෝග ලක්ෂණයක් කියන්නෙ. හහ්, එයාල නං කියයි, අපිනෙ දන්නෙ, තමන් වැරදියි කියල පිලිගන්න තියෙන අමාරුව.

ටිකක් කියවල බැලුවාම තිබුනා නිර්දේශ දෙකක්:

1. Reject the first impression.   ඒ කියන්නෙ, If it looks like a duck, walk like a duck, and talk like a duck, then it probably is NOT a duck.  මට තේරෙනවා, විස්වාස කරන්න අමාරු බව. හරි, අපි මෙහෙම අහමුකො? ඔහෙල ඇත්තටම හිතාගන ඉන්නෙ මම අහිංසක බකමූණෙක් කියලද?

2. තමන් නොදන්න බව දැණගැනීම සහ තම වැරදි පිලිගැනීමට තරම් නිහතමානී වීම. ඒ ගුණාංගෙ නං ඉගෙන ගත්තෙ මෙන්න මේ හාදයගෙන්:

"You could never convince a monkey to give you a banana by promising him limitless bananas after death in monkey heaven"

“Ever since the Cognitive Revolution, Sapiens have thus been living in a dual reality. On the one hand, the objective reality of rivers, trees and lions; and on the other hand, the imagined reality of gods, nations and corporations. As time went by, the imagined reality became ever more powerful, so that today the very survival of rivers, trees and lions depends on the grace of imagined entities such as the United States and Google.”

― Yuval Noah Harari, קיצור תולדות האנושות

ජපන් ලලක්කා සහ කාමරේ ඉන්න අලියා

ලෝඩ් බස්තියං

ලලක්කා ගැන ලියල හඳවල් ගාණක් ගෙවිල ගිහින්. ඒත් අලියා තාමත් කාමරේ. අපි නං ඉතිං තාමත් " දැක්කා නොදැක්කා වාගෙයි අලියව අක්කා" ඉස්ටැයිල් එකෙන්ම ඉන්නවා. 

මට ආයෙ ලලක්කව මතක් වුනේ මෙන්න මේ ගීතය අහලා:

පොඩ්ඩියේ අම්මා අම්මාමයි තාම
වැරදුනේ අපි නිසයි ඈ වැරදිද කෝම
බක් මහේ කොවුල් බිජු පුපුරණ දාක
නංගියෙ අම්මගෙන් උඹ ඉල්ලනවද ගේම

සතා කියා ඉඳහිටක දි ඇහුනාට
කතා හදන උන් සේරම බෝසත් ද
යකා වැහෙන්නට පෙර උඹෙ අයියාට
කතන්දර එපා වැඳපන් අම්මාට

මේකෙ වචන බොහොම තියුණුයි. ඒත්, හහ් අපි නං අහුවෙයි ඔව්වට, නැද්ද මං අහන්නෙ?සමාජයක ආකල්ප වෙනස් කරන්න කොච්චර අමාරුද කියල මට වෙලාවකට හිතෙනව. අන්න එතකොට තමා මට ජපානෙ මතක් වුනේ. ඔය ජපන් සගිස්කුරුතිය ටිකා..ක් ඉතර වෙනස් එකක්. ජපන් Geisha කියන සංකල්පය, අපේ වීදි සුන්දරී ලලක්කාම නෙමෙයි. ඒත් ජපානෙ වුනත්, නූතන ජපන් ලලක්කල දිහා බලන සමාජ ආකල්පය එච්චරම සුභවාදී නෑ.

මම මේකෙ තියෙන දේවල් එක්ක සියේට, සීයක් එකඟ නූනත්, ඇගේ අදහස් ප්‍රකාශ කිරීමේ අයිතියට ගරු කරනවා. පෙනෙන විදිහට සෑහෙන උගත් කෙනෙක්, කතාවෙන් එහෙම හැඟෙනවා. කොබ්-ඩග්ලස් ශ්‍රිතයට අනුකූලව, ඉල්ලුමට අනුව සහ සැපයුම සලසනවා, අවුලක් නෑ නේද? ඔව්, ඔව් එයා තමයි කිව්වෙ. අනික, සදාචාරය, සභ්‍යත්වය , හරි, වැරදි ඔව්වා ඔක්කොම සාපේක්ෂ වචන.

ඇත්තටම ලලක්ක තාම සනීපෙන් ඉන්නවද? හරි, හරි මට තේරෙනව, දන්නව වුනත් කියෑවියෑ? ලලක්කා සූට් කේස් එකේ එහෙම ගිය නෑ නේද? ඇයි සීවරං දෙයියනේ, පොලෝසියෙන් අහන්න කියලයෑ? ආං එතකොට තමා, මට මෙන්න මෙහෙම හඩක් ඇහුනෙ " හහ්, තොට දැං ද අපිව මතක් වුනේ, අර අහවල් පෝස්ට් ලියන කොට මතක් වුනේම නැත්ද? ". මාත් ඔලුව අංසක 360 කරකවල බැලුව, කව්රුත්ම හිටියෙ නෑ.

සඤ්ඤක බස්සෙක්

මිල්ල සොයා යෑම

 

මේ සිංදුවෙම වෙනත් වීඩියෝ එකකට මෙන්න මෙහෙම කමෙන්ට් එකක් දාලා තිබුණා:

"මේ සිංදුව එක්ක මටනම් සෙට් වෙන්නෙ "මචං" ෆිල්ම් එක හිතට ලොකු ශක්තියක් එනවා මොන ගේමක් හරි ගහල දියුණු රටකට පනින්න"

අපේ හිතවත් බ්ලොග් රචක you-know-who මහතාට වැටිච්ච කමෙන්ටුවක් මේක:

"ඔහෙලා එදා ඉදං කියනවා ලංකාවේ ආර්ථිකේ මෙච්චර පහල බැහැලය, තව ටික දොහකින් මෙහෙම වෙනවය, අරක මේක.ඒ උනාට එදා ඉදං අපි නං හැන්දෑවට අඩියක් ගහලා, කාන්තා ඇසුරේ යෙදිලා, විවේකයට රට රාජ්ජ වල ඇවිදලා කරලා ඉන්නවා විනෝදෙන්. ඔහෙලා මේ කියන ආර්ථික ගැටළු කෝ? වසර 96/98 කාලේ වගේ කිව්වා 2000 වෙනකොට නියග එනවා, කන්න නැති වෙනවා අනං මනං බයිලා. ඒ කාලේ කිව්වා වසර 2020-2025 වෙනකොට බොරතෙල් ඉවර වෙනවා, බලශක්ති අර්බුධයක් එනවා, මිනිස්සුන්ට හුස්ම ගන්න ඔක්සිජන් නැති වෙනවා, ඔක්සිජන් ටැංකි පිටේ බැදන් යන්න වෙනවා කතා.

ඔහෙලා ඉන්නේ මේ ලෝකේ නෙමෙයි. ඒකයි මෙහෙම ෆේල් වෙන්නේ බොරු මත කියලා. ආර්ථිකේ පහලට වැටුණු එකක් නැහැ. මිනිස්සුන්ගෙන් ඇහුවොත් නං කියයි මීට කලින් හොදට හිටියා, හැබැයි දැන් හරි නැහැ කියලා. ඒ හැටි. ගිය අවුරුද්දේ ෆුට් සයිකලේ ගිය ඩයල් එකත් මේ සැරේ ඇල්ටෝ එකක යද්දිත් කියන්නේ, ගිය පාර හොදයි දැන් සවුත්තුයි කියලා.

ඔහෙලා මිනිස්සු තේරුම් ගන්නේ නැහැ. ඒක කිව්වට වටහා ගන්නෙත් නැහැ."

මම මේ කමෙන්ට් දෙක දැම්මේ, "සමාජ ජාල කියන්නේ අපේ සමාජය නිරූපණය කරන තවත් පැතිකඩක්" කියල කව්ද කිව්ව නිසයි. මම මේ කමෙන්ට් විවේචනය කරන්න යන්නෙ නෑ. එහෙම කරන්න, සදාචාරාත්මක අයිතියක් මට තියනවද කියල දන්නෙත් නෑ. අනික මම බස්සෙක් මිසක් Sociologist කෙනෙක් නෙමෙයි නෙව?


ඊලඟට මෙන්න මේක:

"ලංකාවේ මේ ප්‍රදේශ ෂමොටි දොඩම් (Shamouti orange) සඳහා ඉතා සුදුසු බව අපිට හැඟෙනවා. නමුත් අපේ තාක්‍ෂණය නොමැතිව ඔබගේ රටට මෙම දොඩම් වගා කරගන්නවත් විකුනගන්නවත් බැහැ"

මෙහෙම කියන්නේ චන්දිම ගෝමස්ට හමුවූ යුදෙව්වෙක්. ෂමොටි දොඩම් කියන්නේ ඊශ්‍රායලයෙන් එන කොලිටියෙනුත්, මිලෙනුත් ඉතා ඉහල දොඩම් වර්ගයක්. චන්දිමගේ "පොට පටලවා ගත් විදේශීය කුමන්ත්‍රණ" පෝස්ට් එකම ඉතා අගනා එකක් නිසා, කියවල නැත්නම් බලන්න කියල මම ඉල්ලා සිටිනවා.

මෙතන මොකක් හරි "අවුලක්" තියනව කියල හිතෙන්නෙ මම බස්සෙක් නිසාද? සුද්දො දියුණු වුනේ අපේ තාක්ෂණේ හොරකං කරගෙන ගිහිල්ල කියන කතාව බොරුද? බෝට්ටුවෙන් හරි හැමෝම රට පනින්න යන්නෙ මොකද? එතකොට මං රට ගියේ...... ආ, දැන් මට ඒක මතක නෑ නෙ?

දෙවියන් සොයා යෑම සහ The Circle of Life

 මෝගන් ෆ්‍රීමන් තමා ගියේ, මම කලේ බලාගෙන ඉන්න එක.

ඕං ෆුල් එපිසෝඩ් එකම යූ-ටියුබ් එකේ නොමිලේ දාලා තියනවා. කතාවෙ හරය පැත්තක තිබ්බත්, මෝගන් ෆ්‍රීමන්ගේ  බටර් වගේ සුමුදු සිත නිවන කටහඩත්, ඊජිප්තුවේ පිරමීඩ, යෙරුසලමේ ශුද්ධ වූ පල්ලිය, ඉංදියාවේ වාරාණාසී නුවර වගේ තැන්වල දර්ශණ ටිකම වටිනවා.

යෙරුසලමට ක්‍රිස්තියානි, ජුදා සහ මුසල්මානු තුංගොල්ලම අයිතිවාසිකම් කීමත්, වාරාණාසිය බෞද්ධ වගේම හින්දු ශුද්ධ නගරයක් වීමත්, හින්දූන් මෝක්ෂය ගැන කතා කිරීමත් උනන්දුව ඇති කරන කාරනා කියලයි මට හිතුනෙ.

හරි ඉතිං ඕක බලල මොනවද ඉගෙන ගත්තෙ? හ්ම්......ඒක නං ටිකක් අමාරු ප්‍රශ්ණයක්. මම හිතාගෙන හිටියෙ මම අදේවවාදී කියලනෙ? දැන් බලාගෙන ගියාම මම අදේවවාදී agnostic බස්සෙක්. දැන් ඔහෙල දන්නව නෙව යේසුස් වහන්සේව කුරුසියට තියල ඇණ ගැහුවෙ අපේ පව් ගෙවෙන්න කියල? කවුරු හරි දන්නවද බස්සෙක්ව වැටට තියල ඇණගහන්න හදන්නෙ මොන පාපයක් ගෙවෙන්නද කියල?

The New Corporation, ගූගල් සහ ඇල්ගොරිතම

 සුජීව කොකාවෙලගෙ The null device බ්ලොග් එකේ ඉන්ටරෙස්ටින් ලිපියක් කියවන්න ලැබුනා

අතීතයේ සිට වර්තමානය දක්වා ඉතිහාසගත වෙලා ඉන්න "වීරයො" ගැන අලුත් මානයකින් බලන ඔහු දර-දිය ඇදපු "ෆුට් සෝල්ජ්ර්ස්ලා" ට ලැබිච්ච තැන ගැන සාධාරණ තර්කයක් මතු කරනවා. මේ වීරයොන්ගෙ ඇසින් ලෝකය දැකීමේ නැත්නම් ටිකදෙනෙක් විසින් අපේ අනාගතය තීරණය කිරීමේ පොඩි අවුලක් තියනවා. ඇයි, අපි උපකල්පනය කරනවා "වීරයො" හැමතිස්සෙම චෝයි,  බලන්නෙම ලෝකෙ හොඳ තැනක් කරන්න කියලා.

The New Corporation ඩොකියුමෙන්ට්‍රි එක කරපු කස්ටිය කියනවා ඒක එහෙම නෙමෙයි කියලා. සියට සීයක් එකඟ නූනත්, ඒ අය අහන ප්‍රශ්ණ එහෙම ලේසියෙන් මඟහරින්න බෑ.

මට වීරයෙක් වෙන්න බෑ, වෙන්න ඕනෙත් නෑ. වීරයො එක්ක ඒ හැටි අවුලකුත් නෑ. මම ලියන්නෙ ගූගල්ට පිංසිද්ධ වෙන්න. බුකියෙන් ගැලවුනත්, ගුගල්ගෙන් ගැලවෙන්න ලේසි නෑ. හරි වචනෙ "not worth",  ගුගල් සෑහෙන දෙයක් අපට දීලා තියනවා. අපි granted  කියල ගන්න "search"  අද කොච්චර දුර ගමනක් ඇවිල්ලා තියනවද ?

නමුත් ඒකෙන්. ගූගල් කියන්නෙත් Corporation එකක් කියන  fact එක, වෙනස් වෙන්නෙ නෑ. ගූගල් කියන්නෙ චැරිටි සර්විස් එකක් නෙමෙයි බිස්නස් එකක්. ප්‍රමුඛතාවය ෂෙයාර් හෝල්ඩර්ලා සහ ලාභය. පාරිභෝගිකයො වෙන අපි යම් මිලක් ගෙවනව. හැබැයි මදුරුව ලේ ගන්නවා වගේ දැනෙන්නෙ නෑ.එතකොට  ඔහෙලා අහවි "දැන්  මොනවද අපට කරන්න කියන්නෙ" කියලා. ඒ හැටි දෙයක් කරන්න බෑ, එක දෙයක් ඇරෙන්න. ආන්න ඒක ගැනයි මේ කියන්නෙ. 

" Information is Power"  කියන එක තව දුරටත් රහසක් නෙමෙයි. ඒක ගූගලුත් දන්නවා, ඇමසන්, MS විතරක් නෙමෙයි හුවාවෙයිත් දන්නවා. නැහ්නම් මිලියන ගාණක් quantum lab එකකට යට කරාවියැ?

ප්‍රශ්ණෙ තියෙන්නෙ මේ එකතුකරන දත්ත භාවිතා කරන විදිහ ගැන.  ඕක ලේසියෙන්ම අනිසි භාවිතයට ගන්න පුළුවන්. උදාහරණෙ චීනය.

මම චීනෙ දේශපාලන ක්‍රමයට කැමති නෑ. ඒත් චීනෙ සුපිරි ධනවාදයත්, රාජ්‍ය  ඒකාධිපති වාදයත් අතර බල අරගලය, බොහොම උනන්දුවෙන් බලාගෙන ඉන්නවා. මතකනෙ "ජැක්-මා" . ඔව්, ඔව් අර සතපහ වගේ මූණ තියෙන හාදය තමා. CCP  එක ඇරියනෙ එයාට. තව "සතදහය" කොම්පැනියෙ ලොක්කෙකුටත් දුන්නා සබ්බුව. කතාවෙ කියවෙන්නෙ ජැක්-මා , සුපිරි ව්‍යවසායකයින් පුහුණු කරන පාසලැක් ආරම්භ කලා කියලයි. අසීමිත බලය ඒකරාශීවීම - දුන්නා බැස්ටිය.

මම සංශයවාදී, අඥාතවාදී බස්සෙක්. තේරෙන බාසාවෙන් කියනවා නං හැමදේම ප්‍රශ්ණ කරන එකෙක්. වීරයො චෝයි, Corporation චෝයි . සිස්ටම් එක ඒක බලාගනීවි, සෙල්ෆ් රෙගියුලේට් වෙලා ගාණට බැලන්ස් කර ගනීවි,කියල එකක් මගේ පොතේ නෑ. හෑ, ඇයි කියල ඇහැව්වා? එහෙම තමා Boeing ලත් කිව්වෙ. ඔය සෙල්ෆ්-සර්ටිෆයි කරගෙන ඇන්නෙ. අපි මේ කතාකරන්නෙ දෑවැන්ත සහ බලසම්පන්න යාන්ත්‍රණයක් ගැන.සමහර කොම්පැණි වල ආදායම, සමහර රටවල් වලටත් වැඩියි. 

වැඩිදෙනාගෙ කැමැත්තට ගරු කිරීම වගේම හැමදේම ප්‍රශ්ණ කරන එකෙන් යම් තරමකට පාලනයක් වෙනවා කියල මට හිතෙනවා. Take the red pill...and stay in Wonderland, or find the rabbit hole and see  how deep it goes, And yeah, learn to read between lines.

කුසුම්පුරේ කීඩෑවෝ සහ සපත්තු ලේස් -2

මම පොඩි කාලෙ බොහොම ආසාවෙන් කියෝපු පොතක් තිබුණ "දැත්තා සහ යහළුවන්ගේ හපන්කම්" කියලා.  මේක බොහොම අපූරු  රුසියානු මනෝරාජික  සුරංගනා කතාවක්. 

ඔය ඉන්නෙ මම මේ කියන, ගොබිලො කස්ටිය තමා, පේනවනෙ සයිස් එක? කියවන්න කැමති කෙනෙක් ඉන්නව නං  මේං තියනව පොතේ ඉංගිලිසි පරිවර්තනය. මං කියන්න යන්නෙ ඕකෙ සිංහල පරිවර්ථන දෙකෙන් එකක් ගැනයි. එයාලට කිව්වෙ "කීඩෑවො" කියලයි, හිටියෙ "කුසුම්පුරේ". ඔය අතරේ හිටිය "දත්තා", එයා හැම දෙයක්ම දන්නවා. එක්කෝ දන්නවයි කියලා හිතාගෙන ඉන්නවා. ඒත් කතාවෙ, කතා නායකයා වුනේ වෙන හාදයෙක්, දැත්තා. දැත්තා ගිය, ගිය තැන අවුල්. දන්න දේකුත් නෑ, කෙලින්ම මකබාසෙක්. ඔන්න දවසක් දැත්තා යනවා කවි ලියන්න ඉගෙන ගන්න. පාඩම මැදදි දැත්තා මෙහෙම කියනවා " අයියෝ , හරි සිම්පල් නෙ, පදේ අන්තිම අකුර ගැලපුවා නං , එච්චරයිනෙ?" කියලා. ගුරුතුමා දැත්තා එලව ගන්නවා. ගෙදර ගිය දැත්තා තමන්ගෙ මිත්‍රයා "බාගවිට" ගැන ලියපු කවිය මේ:

මේ තමයි බාගවිට

ගිල දමන කාරියට

පුස් පාං බාගෙකට

වග කියයි සීරුවට

ඔය "බාගවිට"ත් හරි අපූරු හාදයා. "බාගදා" එයාගෙ සහෝදරයා. මේ ඩබල හැමදේටම " බාගවිට/බාගදා ඒකෙත් ඇත්තක් තියනවා" කියල කියනවා. දැන් ඕන්නං, කෙනෙකුට මේ කතාව, හදාරලා, විශ්ලේෂණය, විච්චේදනය කරලා කියන්න පුළුවන් බාගවිටයි, බාගදායි අඥාතවාදියො කියලා. බාගවිට ඒකෙත් ඇත්තක් නැත්තෙම නෑ, නේද? හැබැයි. ඒ කතාව කියවන කොට මම නං තාම පහේ පංතියෙ බස්සා.

මං මේ කතාවෙ කොටසක් කිව්වෙ, කියන්න යනදේට ප්‍රවේශයක් ගන්නයි. ඔහෙලා දන්නව නෙව මාත්, නමෝ විත්තියෙන්ම කවියක් රචනා කොලා කියල? ඊට පස්සෙ සිංදුවකුත් ලිව්ව කියල? රට්ටු මට එක, එක කතා කියනව , අපෙ හාංදුරුවනේ! එකෙක් උළම කිව්වා. තව එකෙක් "අනේ බොගෙ සිංදු...!" කිව්වා. තව, "ග්‍රීස් ගා ගත් nostalgic ගල් ආඳා" කියලත් කිව්වා. (හුහ්! යෙපිලට තමා පුෂ්, පුෂ්. අඳෝමැයි, ලෝකයට තවත් කවි අංකුරයක් අහිමි විය).

ඒක නිසා මං හිතා ගත්තා, ඕනෙ පාං බාගයක් දෙකයි පණහයි කියලා , ටැක්නිකල් පෝස්ට් එකක් දාන්න. එහෙම කිව්වාට ඇති ටැක්නිකල් එකකුත් එහෙමට නෑ. පහල කොටස අදාල වෙන්නෙ, පරිපථ අළුත්වැඩියාව පිළිබඳ උනන්දුවක් තියන අයට විතරක් නිසා, කෙටි යෙදුම් පැහැදිලි කිරීම අනවශ්‍යයි කියල හිතනවා.

සපත්තු ලේස් - 1 කියවපු  සමහර පාඨකයො, විරෝධය පල කරලා තිවුනා, බස්සාගේ "ලාබෙට කෙටීමේ" ඇබ්බැහියට. අපි සැලුනද, නෑනේ? මේකත් ටිකාක් ඒ වගේ තමා.

ලංකාවෙ අපි  බවුත් එක කියන එක දන්නවා නෙව? නෑ , වාහෙ ගරාජ් බාස්ගෙ වෑල්ඩිං බවුත් එක නෙමෙයි. අර ඉලෙක්ට්‍රොනික්ස් සර්කිට් වල ඊයම් වලින් පාස්සන එක. ආන්න ඒක. මෙහෙ කියන්නෙ "පාස්සන යකඩෙ" කියලයි.

මෙන්න භාණ්ඩෙ. ගන්න. ගෙදරක තියාගන්න වටින ආවුදයක්.  

https://pine64.com/product/pinecil-smart-mini-portable-soldering-iron/?v=0446c16e2e66

 BC 1.5 bevel Tip එක දාගත්තාම, SMD වැඩ වලට කියාපු භාණ්ඩෙ. යැංකි සුපියල් 25 යි (විකල්ප TS 100 එකක් 100ක් විතර වෙනවා). flexible silicon charging cable එකකුත් ගත්තාම හරිම සැහැල්ලුයි. 

USB type C: PD and QC 3.0 12V-20V 3A සහ Barrel Jack: DC5525, 12V-21V DC 3A dual Power. 

Open Source Ralim’s IronOS firmware

දැනට out of stock, 23 වෙනිදා ඊලඟ stock එක එනවා. දාපු ගමන් උණු කැවුම් වගේ විකිනෙනවා.

එතනම chargers, cable එහෙමත් තියනවා. පරණ ලැප්ටොප් power brick එකක් Barrel Jack එක හරහා පාවිච්චි කිරීමේ ලාබ ඔප්ෂන් එක තිබ්බත් USB-C power delivery (PD) හැම අතින්ම ඉහලයි.

මෙතන තියනවා රිවීව් එකක්,  යමක්-කමක් දන්න, අපක්ෂපාත ප්‍රියමනාප, නිහතමානී  හාදයා. හරි, හරි රැව්ල එලුවගෙ වගේ තමා, ඉන්නෙ එංගලන්තෙ දුප්පත් ගමක. ඇහුවොත් එයා ගැන පැහැදෙනව සිකුරුයි.

බස්සා දුටු බුකිය

තැන තැන රවුමට ඉඳගෙන 

ඉඳහිට එබිකම් කර කර

ප්‍රවෘත්ති දැණගන්න ළමයි බුකි ගත වෙන්නා

බුකිය වටේ යන විට කවිපද කියැවෙන්නා

කොපර කොපර පිපිඤ්ඤා - පස්‌ස බැලුවොත් දෙසඤ්ඤා

"කැකිරි" කියල  ලියඤ්ඤා - හතර වටේ බෙදඤ්ඤා

පැණි මොර මල් පිපුණු රෑට -  බ්ලොග්වල ලිපි දැක්කදාට

බකුසු අපේ සිත් තුළ සතුටක් මතු වෙන්නා 

එවන් අසිරි සිරි දුටු සිත් පිනෙන් පිරෙන්නා

වෝල් එකේ ලියනවාලු - "ලැයික්" කියල කියනවාලු

හොඳ නං "ටැග්" - වලි නං "බ්ලොක්"

ප්‍රොෆයිල් ඇවටාර් මෙව්වා මොනවද මන්දා

"ඕල්ඩ් ඉස්කූල්" බකමූණෝ ඔව්ව නොදන්නා

වැටට කණුත් ඉන්දුවෙ අපි 

"හූම්" කියල දිව්වෙත් අපි

හරිම වැඩේ අද ළමයින් මේව නොදන්නා

වයිවාරණ "සකර-බුර්ග" බුකිය ගෙනැල්ලා

පසු සටහන: සඤ්ඤක වැරදි නං, අහිංසක පක්සියාට සමාව දෙන්ට ඈ?