මැකී ගිය බකුසු දඩමං 1 - පැරීසිය

කලින්  කොටස

එක්තරා යුගයක  අරාබිකරයේ රටඉඳි ගහක හිටපු බස්සෙකුට, මරු කතරින් චුත වෙන්න අවස්ථාව ලැබුනා. ඌට හිතුනා ලෝකෙ අනිත් පැත්තටම යන එකේ, යුරෝපයෙත් බස්සො ඉන්නවද බලන්න. අහවල් රටේ අරාධනාව තිබ්බ නිසා, ඉල්ලන පරක්කුවෙන් "ෂෙන්ගන්" ද මොකක්ද වීසා එක ලැබුනා, ඇයි ඉතිං බුදු ෂුවර් නෙව, යුරෝපයේ ගල් වෙන්නෙ නෑ කියලා?

අරාබිකරයේ හිටිය මිත්‍රයෙක් මෙහෙම කිව්වා. " බස්සො, ඔය යන ගමන් ඇම්ස්ටඩෑම් පලයන්කො. අපේ අයියා එහෙ. එයා ආස මේ පෝට් වයින් බෝතලෙත් දීහං. මම එහෙ නවතින්න සෙට් කරන්නම්" කියලා. එයා අයියත් එක්ක සෑහෙන කාලෙකින් කතා කරල නෑ. පොර කප්පාදු කරලා කතාව කෙටියෙන් කිව්වා.

මිත්‍රයගෙ අයියා පෙනුම තියෙන හාදයා. ප්‍රසිද්ධ හෝටලේක බේවරේජ් මැනේජර් කෙනෙක් විදිහට ඉඳලා තියෙන්නෙ. කිට්ටුම නෑඳෑ නංගියෙක් එක්ක, දෙමාපිය ආශිර්වාදය ඇතුව අවුරුදු ගාණක හාද කමක් තිබිල තියනවා. හෝටලේට ආව ලන්දේසි තරුණියක්, තනි අලිය. මේකා පැන්නා කොටුව, කෙල්ලට හිතට අල්ලලා ගියා. බඳිමුද ඇහැව්වා, හා කිව්වා. නංගිට බූට් එක තියලා උන්දෑ පැන්නා නෙදර්ලන්තෙට. මුලු ගෙදරම විරුද්ධ වුනා. මලයා කතා කරන එකත් නැවැත්තුවා, ඇයි, කොහොමද අර මිනිස්සුන්ට මූණ දෙන්නෙ?

අර කියාපු බස්සා( මම නෙමෙයි ඈ? ඒ වෙන බෂ්ෂෙක්) , ගමනට ලෑස්ති වුනා. ශොපින් ගිහින් සීත ඇඳුම් ගත්තා. ඇස්කිමෝ වගේ සැරසිලා ගුවංගත වුනා. ගිහින් බෑව ප්‍රංසෙට. ඔව්, ඔව් අර " යුරෝපයේ අති සුන්දර ප්‍රංස රටේ පැරිස් නුවර" ට තමා. එකම අවුල, "එදා හරිම මල කෙලියකි, ප්‍රංස රටේ පැරිස් නුවර" වෙච්ච එක විතරමයි. ප්‍රංස රටේ  Charles de Gaulle එයාපෝට් එකේම තියනවා උමන් දුම්‍-රිය. එතනින් ගියා Gare du Nord ඉස්ටේසමට.

ගිහින් බැස්සා බැහිල්ලක්, ලොවෙත් නෑ, ඒක තමා ඉස්ටේසම. ඒ ඉස්ටේසමේ තට්ටුම බර ගාණක් තිබ්බා. අවශ්‍ය කොච්චිය ගන්න, හරි තට්ටුවට යන්න ඕනෙ. කෝච්චි උඩින් යනවා, යටින් යනවා, ඒ මදිවට උන් "හූ" කියලත් කියනවා.

දැන් ඝර්මකලාපීය බස්සා සට,සට ගාලා වෙව්ලනවා. ඇයි, බස්සො කවද කාපු ටකරන්ද? අරාබියෙන් ගත්ත සීත ඇඳුම් මෙලෝ වැඩක් නෑ. ඉන්න බැරිම තැන ගියා පැත්තක තිබ්බ දුවන ගිරියකට. ඉල්ලුවා කෝපි එකක්. යුරෝ බර ගාණක් ගත්තා, ඒත් කාරි නෑ, දුන්නෙ පොඩි දිදාලයක් වගේ කෝප්පෙකට කියහංකො. කටේ තියන්න බෑ, සීනි පොදක් නෑ, ඊට හපන් කෝපි එක ටිං කිරි වගේ උකුයි. අමාරුවෙන් බිව්වා, ඇයි අහක දාන්න කියලය? 

අම්මද බොල, ප්‍රංසෙ නෙව බස්සො ඉන්නෙ? එකෙක් කතා කරන්නෙ නෑ, කසාය බීපු ගොලුවො වගේ. එහෙ මොකක්ද ඉංග්‍රීසි වර්ජනයක් තිබ්බා, ප්‍රංස විතරයි. දැන් නං බාගදා වෙනස් වෙලාත් ඇති. පස්සෙ යාංතන් විදේශිකයෙක් ගෙන් අහගෙන නිවැරදි තට්ටුවෙ ටිකට් කවුන්ටරේට සැපත් වුනා. දුන්නා ටිකට් එක. කවුන්ටරේ එකා බැලුව බැලිල්ලක්, කවදාවත් නොදැකපු සතෙක් දිහා බලන්නැහෙ. ඔලුව වනලා කිව්වා, ඔයාගෙ කෝච්චිය ඊයෙ ගියා කියල. මං කිව්වා මම හොඳට බලලයි බුක් කලේ කියලා. එතකොට එයා කිව්වා " ඒක හරි වෙන්න ඇති , ඒත් අපි ඉන්නෙ වෙන ටයිම් සෝන් එකක" කියලා.

දෙවනි කොටසට........

පලවෙනි පොටෝව, ඩ්‍රැකියාගේ අනුග්‍රහයෙන් ලැබුනු මෙන්න මේ නිර්මාණය ගුරුකොට ගෙන සාදන ලදී. 

ඔන්න මට කතාවක් මතක් වුනා. එක ගම ගෙදරක ගම හාමිනේ කනෙක් කොටු පනිනවලු. එක හොර මිනිහෙක් සිංහල, අනිකා මුස්ලිම්. එක දවසක් සිංහල හොර මිනිහාත් එක්ක ඉන්නකොට, ස්වාමි පුරුෂයා ආවලු. හොර මිනිහා ඇඳ යටට රිංගල ඉඳලා "ඤාව්" කිව්වලු. ගමමහගෙ "හා අන්න අර හොර පූසා කුස්සියට ඇවිත්" කිව්වාම, ස්වාමි පුරුෂයා බලන්න ගිය අල්ලපනල්ලෙ, හොරවාහෙ පැනල ගියාලු. ඊළඟ දවසෙ මුස්ලිම් හොරවාහෙ ආවම  ගමමහගෙ කතාව කියලා, කිව්වලු  කරන්න ඕනෙ දේ. එදත් කරුමෙට ස්වාමි පුරුෂයා ආවලු ගෙදර. මුස්ලිම් හොරවාහෙ ඇඳ යටට රිංගලා "ඤාව්" කිව්වලු. ස්වාමි පුරුෂයා කිව්වලු " අදත් ආව නේද මේ හොර බළල් තඩිය, අද නං මං ඕකව බාවනවාමයි" කියලා. එතකොට මුස්ලිම් හොරවාහෙ ඇඳ යට ඉඳන් කිව්වලු " අනේ නෑ අප්පුහාමි. ඊයෙ එකා නෙමෙයි, මේ වෙන පූෂෙක්" කියලා.

බස්සාගේ වින්ඩෝස් ආයුධ පෙට්ටියෙන්

කාලෙකින් ටැක්නිකල් පෝස්ට් එකක් ලියන්නත් බැරි වුනා. ටැක්නිකල් පෝස්ට්වල හොඳේ තියෙන්නෙ, මැකී ගිය දඩමං වල අඩි සළකුණු මකන්න හිතන්න ඕනෙ නැති එකයි. එච්චර දෙයක් නෑ. පොඩි යුටිලිටි ඇප්ස් දෙකක් ගැනයි කතාව. මේක ලියන තව හේතුවක් තමා, අනිත් අය දන්න මෙයිට වඩා හොඳ විකල්ප තියනවද කියල දැණගන්න එක.

වින්ඩෝස් වල සිස්ටම් වයිඩ් ඩික්ෂනරි එකක් නැති එක අවුලක්. මගේ විසඳුම මෙන්න මේක:
මයික්‍රොසොෆ්ට් ඉස්ටෝරුවෙ නිකං දෙනවා.

Power Thesaures මයික්‍රොසොෆ්ට් ඉස්ටෝරුවෙන් ගත හැකියි.

Power Thesaurus

ඕක ඉන්ස්ටෝල් කලාම ඕන කරන වචනෙ හයිලයිට්   කරාම මෙන්න මෙහෙම පෙන්නනවා. ඊට පස්සෙ "P" එකට කෙටුවාම මෙහෙම එනවා.

සිංහල කොච්චර හොඳ වුනත්, කවදා හරි අපේ මළකඩ කාපු කඩු සුද්ද කරගන්නම වෙනවා. ඉංග්‍රීසි ලිපි කියවන කොට වචනවල තේරුම හොයන්න එහාට, මෙහාට යන එක ආතල් කැඩෙන වැඩක් බව මම අත්දැකීමෙන්ම දන්නවා. කවුරුහරි මෙයිට වඩා හොඳ විකල්පයක් දන්නවා නම් කමෙන්ට්වල දාන්න, ඈ?

ඊළඟ එක Microsoft OneNote. මේක ගැන නම් දන්නව ඇති. ඒත් මම මේක පාවිච්චි කරන්නේ web page clipper බ්‍රව්සර් Add-On එකක් හැටියට. හිතන්න, අපි මොකක් හරි සිංහල ලිපියක් කියවගෙන යනවා කියලා. ඒක හෙට එතන තියෙයිද කියල විස්වාස නැත්නම්, ආන්න එතකොට තමා මේක ඕනෙ වෙන්නෙ.

 බ්ලොග් වහලා බුකිගත වුන , අපේ හිටපු ජනප්‍රිය බ්ලොග් රචකයෙක්ගෙ කෑම වට්ටෝරු දෙකක් , මම මේකෙන් සේව් කරගෙන තියනවා. දැන් එයැයිගෙ බ්ලොග් එක පෙන්නන්නෙ ආතර්ට සහ යාලුවොන්ට විතරලු.

තව මයෙ හිතේ පත්තරේ ගිය ලිපි කීපයකුත් තියනවා. පත්තර ලිපිවල අවුල තමයි, ඒවා සදාකාලික ලෙස නොතිබීම, තියෙන වෙලාවට බාගන්න ඕනෙ ඒකයි.

" දැන් මෙතනින් පොඩි හාමදුරු නමක් වැඩ්ඩා වැඩිල්ලක්" කතාව තිබුනෙත් එහෙම පත්තර ලිපියක.

OneNote , Microsoft Store වල නිකං දෙනවා. MS Office තියෙන්නවත් අවශ්‍ය නෑ. මේකටත් මීට වඩා හොඳ විකල්පයක් තියෙනව නං කියන්න.

නරිවාදං සහ තවත් කතා

හතර අතේ කැරකිලා බැලුවා, ගලවන්න කඩන්න කිසිම දෙයක් නෑ, ආයිබෝං. කාලයක් යනකොට ඒ සෙල්ලමත් එපා වෙනවා. USB කේබල් දෙකක් තියනවා රිප්ලේස් කරන්න, කේබල් ආවා , ඒත් කනෙක්ටර් තාම තැපෑලෙ. ඔය දිග USB කේබල් හයි කරපු ගැජමැටික්, කාලයක් යනකොට ඇඹරිලා , පස්සෙ ලෙඩ දෙන්න ගන්නවා. මම හදන්නෙ, කරමුලින්ම USB කෙනෙක්ටර් එකකට මාරු කරලා දාන්න, එතකොට කේබල් එක ඕන සාමාන්‍ය එකකට මාරු කලෑකි නෙව?

ඔය නරියා ඉන්නව නේද? ආයෙ වහෙන්-ඔරෝ නෑ, කෙලින්ම අලි හොරා. මේක බලන්නකො.

හරි,හරි වංචා පෝස්ට් එකක් තමයි. ඉතිං ලියන්න දෙයක් හිතට නොඑන කොට මොකදෑ කරන්නෙ?  මේං ඇමරිකාව හොරාකාපු ගිල්ගමේෂ්ගෙ ටැබ්ලට් එක ඉරාකෙට ආයෙ දෙන්න යනවා. 

https://www.livescience.com/gilgamesh-tablet-return-iraq

Windows 11 එක බීටා වලින් Dev චැනල් එකට මාරු වුනා. අලුත් අප්ඩේට් එක ආවා, හොඳ පාටයි. වෝල් පේපර් එකට මෙහෙම දැම්මා. බීටා එක තියෙද්දී නං, වින්ඩෝස් 10 හොඳයි හිතෙන තරමටම එපා වුනා. ඒත් Dev වර්ශන් එක ස්පීඩ් එකේ දියුණුවක් තියනවා. ග්‍රැෆික් කාඩ් එකේ උණුසුම සෙන්ටිග්‍රේඩ් 10 ක් බැස්සා. ඉක්මනට ලෝඩ් වෙනවත් එක්ක.

Windows 11 වලට තර්ඩ් පාටි ඇප්ස් එන පාටයි. Windows 10 ෆුල් මොන්ටි යන්න කැමති  කස්ටියට, ඔන්න පහල යන පාර දීලා තියෙනව. මට නං යන්න බෑ කියල හිතුන. නිස්කාරනේ  රට්ටුං ගෙන් කයි-කතන්දර අහගන්නෙ මොකටද? 

අමතක නොවන මතක සටහන්

මගේ පලවෙනි රස්සාව අඹතලේ, නවතින්න වුනා  ක්වාටස්වල.  ක්වාටස් වල මගේ සඟයා වුනේ බලපිටියෙ හිත හොඳ  හාදයෙක්. බලපිටියෙ කතා විලාසය, දකුණෙ කතාවට වඩා අමුතුයි. හොඳට ඇදලා පැදලා තමා කතා කරන්නෙ. 

ඔන්න දවසක් හැන්දෑවක, අපි දෙන්නා ක්වාටස් එක ඉස්සරහ කොට තාප්පෙ වාඩි වෙලා කයියක් ගහගෙන ඉන්නවා.  මේං, කොහේ ඉඳන්ද ආපු බළල් තඩියෙක් යනවා පාරෙ අනිත් පැත්තෙන්. මම කිව්වා "  ළූණු ගෙඩි දෙකත් අරගෙන, කොහෙද යන්නෙ , පූසෝ?" කියලා. බලපිටියා කියාපි " මොකා? පූචා නෙමෙයි බොල, ඕකා සෑනා" කියලා. මම ඉතින් මගේ යුතුකම විදිහට, අනෙත් අයටත් විස්තරේ කියලා, එදා ඉඳන් බලපිටියට "සෑනා" කියන නම බෞතීස්ම කලා.

මේක මේ සෑනාම කියපු කතාවක්. බලපිටියෙ පාරක් අයිනෙ කානු කපපු කම්කරු මහත්තුරු කට්ටියක් දවල්ට කන්න ලෑස්ති වුනාලු. බත් එක ඇරලා බලපු එකෙක් මෙහෙම කිව්වලු "හුකා බොල, මාලු කෑල්ල කා..... ලා නෙව? දැන් ඉතිං අම්මගෙ *?@#$$ එක්කද බත් ටික කන්නේ..ඒඒඒ...?" කියලා. වලියට බර වුනත්, හරිම හිතවත් මිනිස්සු.

අඹතලේට එන්න පාරවල් දෙකක් තිබුනා. කඩුවෙල පැත්තට යන අලුත් පාරත්, කැළනි ගඟ අසබඩින් වැටිච්ච පරණ පාරත් මුණගැහෙන්නෙ අඹතලේ හංදියෙදි.  හදිස්සියට අලුත් පාරෙ ආවත්, කොට-කොටා එන පරණ පාරටත් මගේ කැමැත්තක් තිබුනා. කීර කොටු, නාන තොටුපලවල් පහු කරලා එන පරණ පාර, මීතොටමුල්ලේ කුණු කන්ද මඟ හැරලයි එන්නෙ. ඒකෙන්
අඹතලේ හංදියට ආවම, පුරං වෙච්ච වෙලක් මැදින් තිබුන ගුරු පාරක් දිගේ එන ෂෝට්-කට් එකක් තිබුනා. ඔය පාරෙ එනකොට පේනවා වෙල අයිනෙ තියෙන නාන පොකුණක්.

.

දවසක් පක්සියා එනවා ඔය පාලු ගුරුපාර දිගේ. වැඩි වශයෙන් බිම බලාගෙන සංසුන් ගමනින් වඩින පක්සියාට ඇහෙනවා පොකුනෙ කව්දෝ නානව. එදෙසට නෙත් යොමු කරපු පක්සියාට පේනවා අපූරු දසුනක්. එතන හිටිය ලලනාවක් , දිය රෙද්දෙ ගැටේ බුරුල් කරලා, රෙද්ද සම්පූර්ණයෙන් දිග ඇරලා ආයෙත් ඇඳ ගන්නවා. සෙල්-මුවා වෙච්ච පක්සියා, කාටවත් මේ කතාව කිව්වෙ නෑ. අංගනාව මාව දැක්කෙ නෑ කියලා නං කියන්න බෑ, ඇයි මගේ පැත්තට හැරිලා නෙව රෙද්ද ලිහුවෙ? "මොනවද උලමො බලන්නෙ, ආ ඉඳා බලපිය" වගේ අනුකම්පා සහගත හිතකින් කලාද නං දන්නෙ නෑ. අනික නාන පොකුණු ගාව හොල්මන් තියනවා කියල කතාවකුත් තියෙනව නෙව?

වෙල මැද්දේ ගුරු පාරේ දුටු    කලට

හාගන්නට කුඹුරක් දුන්නා    යලට
ඇයි උලමෝ, මොනවාවත් අඩුද මට?
ලිස්සල ගියේ ඇයි, නගුලක් නැත්ද බොට?

ක්වාටර්ස් වලට එන,  වාහන එන දුර පාර වුනත් නරකම නෑ. පක්සියා ගෙවල්වල හිටපු ගෑල්ලමයි දිහා රබර්-ඇහැ දාගෙන ආවෙ ඒ පාරෙ.  ඔන්න දැන් මට මඩ ගහන්න බලන් ඉන්න වාහෙලාටයි මේ කියන්නෙ, රබර්-ඇහැ දාන එක විතරමයි කලේ කියල . ක්වාටර්ස් පටන් ගන්න තැනට උඩින් තිබ්බා පොඩි තේ කඩයක්. අපි යනවා ඕකට තේකක් බීලා, ලැවරියා-හැලප කාලා පත්තරේ කියවන්න. දකුණෙන් ඇවිත් ගමේ බින්න බැහැපු මුදලාලි, මම ගියාම මෙහෙම කියනවා " ඔන්න මහත්තයො, මම අලුත්ම තේ කොල දාලා තමයි තේක හැදුවෙ" කියලා. කොහොමත් ඒ කඩේ තේක රසයි. මුදලාලිත් කොටු පැනලා, ඇණයක් වැදිලා නැවතුනා වෙන්නත් ඇහැකි.

ඔය කඩේට අල්ලලා තිබ්බා පොඩි බොලිබෝල් පිට්ටනියක්. ගමේ තරුණයොයි, අපේ  ක්වාර්ටස්වල සේවක මහත්තුරුයි ඕකෙ හවසට සෙල්ලම් කරනවා. අපේ හාදයෙක් හිටියා කුලසේකර කියලා, එයා තමා බෝලෙ "උස්සලා දෙන්නෙ" අනිකාට "ඩෑෂ්" ගහන්න. කුලසේකර බෝලෙ උස්සලා දීලා මෙහෙම කියනවා "ඔන්න වීරෙ" කියලා. මේක බලන් හිටිය, තවත් සේවක මහත්තයෙක් වෙච්ච ප්‍රනාන්දු මෙහෙම කිව්වා "කුලයා මේ උස්සලා දෙන දෙවිල්ලට, මූ ගෑණියෙක් වුනා නං මුළු ගමම ඉවරයි" කියලා.

ක්වාටර්ස් වල ඉන්න කොට කාලයක් අපි උයාගෙන කෑවා. එලවලු ගේන්න ගියේ කඩුවෙල පොලට. එක සති අන්තයක, එක් කෙනෙක් යනවා ඔක්කොටම එලවලු ගේන්න. යන එකාගෙ තේ- අයිස්ක්‍රීම් බිලත් ඒකට දානවා. මගේ වාරෙට පොලේ ගියාම, මම යනවා පොලේ තිබුන ආප්ප කඩේට. ආප්ප ආච්චි සැදැහැවත් බෞද්ධ උපාසිකාවක්. එයා ආප්ප ඉව්වට, බිත්තරේ කඩල දාන්නෙ වෙන්නෙ මට. ඕං ඉතිං, ඊට පස්සෙ මට බිත්තර ආප්පයක් ලැබෙනවා.ගඟ අයිනෙ හුලං වදින ගමන්, පොල් අතු කඩේක, ලෑලි බංකුවක වාඩිවෙලා උණු ආප්ප කන එක වෙනමම ආතල් එකක්.  ඒක කාලා, තව අයික්‍රීම් එකකුත් කාලා තමයි, මම බඩු අරගෙන එන්නෙ, අර කිව්ව "සෙල්මුවා" වුන ගුරුපාර දිගේ.

එහෙදි හමුවුන සමහර චරිත අමතක වෙන්නෙ නෑ. පීටර් තමා කිව්වෙ" ආයෙ මොනවද සෑර්, හැන්දෑවට නා....ලා, අරක්කු කාලක් බී....ලා, බත් ජුන්ඩක් කා....ලා, අස්පයෙක් අල්ලන්න යනවා" කියලා. වල් ෆැන්ටා ගැහුවත්, ඒ මිනිස්සු තමන්ගෙ සරල ජීවන රටාවෙන් ගත්ත ආතල් එකේ, අඩුවක් තිබ්බා කියලා මට හිතෙන්නෙ නෑ. 

තව හිටියා රණවංස. අත්කොට සුදු කමිසෙ ඇඳලා එන්නෙ. කතාවට අහුවුනොත්, ආයෙ කෝච්චියට අහුවුනා වගේ තමා. අසාමාන්‍ය ලෙස පිරිසිදුයි, උඩරට හාදයෙක්. කොච්චරවත් පනාවයි, කණ්නාඩියයි සාක්කුවෙ. කඩේකින් තේකක් බිව්වොත් බොන්නෙ , අඞුව තියෙන තැනින් කියලා, කුලේ තමයි මට කිව්වෙ.

ආයෙ හිටියා රත්තසේන කියලා සූදු කප්පිත්තෙක්. ඒකාලෙ "රේස් කොලේ" ගැහැව්වෙ
කොටුව/පිට කොටුව හරියෙ. මේකා මහ රෑ යනවා කොලේ ගේන්න කොළඹ, උදේ වෙනතුරු ඉවසිල්ලක් නැතුව. රේස් යුගයට පෙර "ජිම්කානා" කියන අස්ප දිනුමක් ඇදිලා, වෙළඳ ව්‍යාපාරයක් පටන් ගෙන දියුණු වෙච්ච මුදලාලි කෙනෙකුත් ඒ හරියෙ හිටියා. ඒ කඩේ නං තාම තියනවා, නම "තුරඟා". ඔය හරියෙත් තිබ්බා, බස්සා හවසට බිත්තර ආප්ප ගිලපු පොඩි කඩයක්, දැන් නං නැතුව ඇති.

ඒ ජීවිතේ මාරයි කියල නෙවෙයි මම කියන්නෙ. එහෙ කොටු පැනිලිත් තිබ්බා. සමහර ලොක්කොත්, සොක්කොත් දෙගොල්ලම පැන්නා. බස්සො එහෙම නොකලෙ හොඳ නිසා නෙමෙයි, ඇණයක් වදී කියන බයට. ඒකත් එක්තරා ජීවිත අත්දැකීමක්, වෙනම පරිචේදයක්, වෙනමම ආතල් එකක්, එච්චරයි.

අබංක දේශපාලනය

 

අවුලක් නෑ

පට්ටි ජොන්සන්

වැක්සීන්-දුන්-පියා

Enemy of All Mankind

ඩේටා කන බස්සෙක්

ඔහෙලගෙ ඩේටා කන ලින්ක් දෙන්න දන්නවා වුනාට, මට හරි හමන් දේශපාලන දැණුමක් නෑ. ඒ නිසා, මට කරන්න පුළුවන් තවත් ලින්ක් එකක් දෙන එක විතරයි.

 

ලාංකීය පහල මධ්‍යම පංතියේ ඛේදවාචකය

ඔක්කෝටම මුල හොර බස්සා

මේ හොඳ අහිං- සක බස්සා..

තනිවී හඬනා හැටි දැක්කා..

ඒකයි විල ඉවුරේ ඉඳලා අපි

එක්කරගෙන ආවේ..

පිණි වැටිලා කම්මුල් පෙඟිලා..
පිහාටු වල සායම් මැකිලා..
බකමූණා අපි එක්කලා කිව්වා..
රහසක් ඉකිබිඳලා..

ඔක්කෝටම මුල හොර බස්සා..

කියලා බැන්නා  බෝනික්කා..
ඒ හින්දා මං යනවා යන්නට
එනවද මා එක්කා..

මකුළු දැලෙන් රුවලක් බැඳලා..
පුවක් කොලෙන් ඔරුවක් හදලා..
බස්සා ගිල්ල වන්නයි යන්නේ..
අපි ඔක්කොම නැගලා..

මගේ ලමාකාලය එලිය කල නොදුටු රුසියන් ගත්කතුවරුනි, ඔබටයි මේ ආචාරය.

Vladimir Suteev සහ තවත් කතුවරුන්ගේ සිත්තර කතා බලන්න මෙතනින්.

දියසායම් උලන්න කියා දුන්නේ මේන්න මේ නෝනෙ.  

මේ.....නැගී එන අංකූර චිත්‍ර සිල්පියෙක්ව පේනව නේද?

මිස්ට(ර්) දෙලුං

අදාල නොවන චිත්‍රයකි, හුදෙක්  පොස්ටුවේ සැරසිල්ලක් ලෙස සහ ජයසේන මැතිඳුගේ විචිකිච්චාව නිසා යොදාගෙන ඇත. 

දෙවෙනි වෙඩි මුරය

Windows 11 ඉන්ස්ටෝල් කරන්න ගිහිල්ලා වෙච්ච අලකලංචිය මතකයි නේද? ඔහෙලාගෙ උපදෙස් නිහතමානී ලෙස පිලිඅරගෙන ඉන්න කොට තමා, ගේට්ටුවා මහතාගෙ ජනේල ගෙදරින් පනිවිඩයක් ආවෙ. ඔය කියන්නෙ early bird 🐦 කියන එක නේද? ඉතිං මමත් එහෙමනෙ?

තීන්ත වේලෙන්නත් ඉස්සෙල්ලා....

Windows 11 බීටා තියනව කිව්වා. ජෙනුයින් ඔරිමජිනල් එක, ඕනෙද කියලත් ඇහැව්වාම මම හා කිව්වා. මෙන්න ඒ වංගියෙ කියාපි, මගේ එක පෙන්නන්න කියලා. පෙන්නන්න කිව්වාම, සෙද්ද උස්සලා පෙන්නන්න එපා කියලා එතකොටත්, තට්ටයා මහත්තයා උපදෙස් දීලයි තිබුනෙ. ඒ ඇරත්, මම ලොකේෂන්, ටෙලිමෙට්‍රි අරව-මේව ඔක්කොම ඕෆ් කරලයි වින්ඩෝස් දුවන්නෙ. මේකා ඒ වංගියෙ ජනෙල් කූරු වල එල්ලිලා කියාපි "ඒම බෑ" කියලා. මාත් ඇරියෙ නෑ, Group Policy වලින් Telemetry ඕන් කරලා,  Insider එකේ රෙජිස්ටර් වුනා. පස්සෙ ISO කොපිය බාගෙන, බැක්-අප් SSD එකට Windows 10 කොපිකරලා ඉන්ස්ටෝල් කලා.

ඔය හැරී පොටර්ව ගෙදරින් එලියට දාලා, නන්නත්තාර වෙලා ගිහිල්ලා නගිනව ඩබල්-ඩෙකර් එකකට. ඒකෙ ඉන්න බූතයා කියනව මෙහෙම: It's gonna be a bumpy r....ide.

පලවෙනි වෑයම: ISO එකෙන් වරු ගාණක් අරන් ඉන්ස්ටෝල් කලා. මුකුත්ම වුනේ නෑ. ඊට පස්සෙ වින්ඩෝස් ඉන්සයිඩර් අප්ඩේට් එකෙන් ඉන්ස්ටෝල් කලාම,හරි ගියා ඒත් File Explorer කචල්, start button, search වැඩ නෑ. අලුත් ස්ටාර්ට් බටන් දුන්නෙය්ජ් නෑ. මගෙ වින්ඩෝස් 10 ටාස්ක් බාර් එකේ තිබුනා අයිකන් බර ගාණක්, බර වැඩි වුනා මයෙ හිතේ.

දෙවෙනි වෑයම:  පස්සෙ තව ලෝකල් එකවුන්ට් එකක් හදලා ලොග් වුනා ඒකට. ඒ වංගියෙ සෑහෙන දියුණු තත්ත්වයකට ආවා.  ටාස්ක් බාර් එකේ එයැයිට ඕන එව්වා ටිකක් දාලා දුන්නා.  ස්ටාර්ට් මෙනු ගෘප්ස් නං වාෂ්ප වුනා, ඒත් ඔක්කොම ප්‍රෝග්‍රෑම්ස් තියෙන එක ලොකු දෙයක්. ප්‍රෝග්‍රෑම්ස් ඔක්කොම තියෙනවා වුනාට, ලෝකල් එකවුන්ට් එකට "ඇඩ්ඩිං" තත්ත්වයට ප්‍රමෝෂන් එකක් දෙන්න ඕනෙ, එව්වා රන් කරන්න.  ඒත් ඔටෝරන් වෙන එව්වා ආයෙ සෙට් කරන්න ඕනෙ.  පරණ ප්‍රෝග්‍රෑම්ස් දුවනවා, අලුත් ආරලු-බූරලු නැතුව, ඒත් මඳෑ? ඔව්, ඔව් මගේ වයි-ෆයි නෙට්වර්ක් නම "කිරිබත්" තමා. 

දැන් මේ තාම තොයිලෙ නටාගෙන යනවා. මේ බීටා කියන්නෙ, ෆයිනල් රිලීස් එකට කලින් එක නිසා, රිලීස් එකේ ඔක්කොම ස්මූත් එකට, "මේං" කියල කරල දේවි කියල මට නං විස්වාසයක් නෑ.

අවුරුද්දට එක OS එක ගානෙ එලියට දාලා ගාණ කපන පැත්තක් කාපු ඇපල් කට්ටිට මේ අප්ග්‍රේඩ් ක්‍රමවේදය මාස්ටර් කරලා තියෙන්නෙ. අවාරෙට කජු වැටෙන්නහෙ OS අප්ග්‍රේඩ් කරන ජනේල ගෙදර අයට ඒ හැකියාව, නෑ කියලයි මට හිතෙන්නෙ. කොහොමත් ඇට-හුටාමාරක් ඇප්ස් ඉන්ස්ටෝල් කරලා, කස්ටමයිස් කරලා අනලා-නාගෙන තියෙන අපේ Windows 10 ඉඳන් Windows 11 වලට ස්මූත් ට්‍රාන්සිෂන් එකක් බලාපොරොත්තු වෙන්න අමාරුයි. මට නං මේ හොඳටම ඇති. ඒත් මට දුකයි, ජනේල ගෙදර අයගේ මෑණිවරු ගැන. කාගෙ වුනත් අම්මෙක් නෙව? ඇයි හත්වලාමෙ, කිඹුහුම් ලස්ස ගාණක් යනකොට, මනුස්පයෙකුට ඔරොත්තු දේවියෑ?

දුක් විඳලා Windows 11 යන එක වටිනවද? මගේ උත්තරේ "ඔව්". Clean minimalist design වලට අමතරව, නොපෙනෙනෙ underlying hardware utilization improvement  වල සිට, පෙනෙන පොඩි නමුත් ප්‍රයෝජනවත් සෑහෙන දේ තියනවා. සැකුරිටි ගැන විශේෂ අවධානයක් යොමු කරලාත් තියනවා. සමස්ථයක් වශයෙන් කියන්න තියෙන්නෙ, වැඩිහරියක් හොඳ තමයි. මේක ටයිප් කරන්නෙත් අලුත් එකෙන්. පොඩි, පොඩි අවුල් නැතුවමත් නෙමෙයි, ඒත් මේක බීටා නිසා එය තේරුම් ගත හැකියි.

බොට මස්කටු ඕනෙද, ටිකිලා ඕනෙමද?