ඔ‍ටුව, පිටඔ‍ටුව, හොර්ටන් තැන්න සහ ගූගල් අර්ත්VR

• පිටකො‍ටු ගිය බස්සා

බස්සා කැමති තැන් අතරින් පිටකො‍ටුව ඉන්නෙ සෑහෙන උඩින්. අහා! පිටකො‍ටුව, මගේ ප්‍රථම ප්‍රේමය.පිටකො‍ටුවට , ඒකටම ආවේනික වූ පෞරුෂත්වක් තියෙනවා - a city with a character indeed, I must say. ගිණි ගහන අවුවේ වුනත්, පිටකො‍ටු හරස් වීදි දිගේ වටපිට බල, බල ඇවිදින්න චෑන්ස් එකක්හම්බවුනොත් බස්සා නෙමෙයි මඟෑරියෙ. ඔය හරස් වීදි අතර තිබුණා ලූණු, අල වගේ තොග ආහාර විකුණන වීදියක්. ඒක එක්තරා විදිහක ඩෙඩ් එන්ඩ් එකක්. පිටකො‍ටුවෙ වංකගිරියෙ හිටපු ගමන් අතරමං වෙන බස්සා, සමහර වෙලාවට ඔය පාරට වැටෙනවා. ඔය පාර හදලා තියෙන්නෙ තාර දාලා නෙමෙයි : ලූණුයි, අලයි දාලා. කල්පාන්තයක් තැම්පත් වෙච්ච් ලූණු කොල තට්‍ටුවකින් තාර වැහිලයි තියෙන්නෙ. පොඩි වැස්සක් තියෙන දවසට ඔය පාරෙ අතරමං වෙන්න තරම් ඔබ වාසනාවන්ත වුනොත් හොඳ අත්දැකීමක් ලබා ගන්න චෑන්ස් එකක් ලැබෙනවා.ඒක වෙනම ආතල් එකක්.

එදාට අර ලූණු කොල තට්‍ටුව  බුරුල් වෙනවා. කකුල තියන කොට චිරිස් ගානවා, ඒකටම ගැලපෙන අපූරු සුවඳක් පරිසරයම වෙලා ගන්නවා. ඔය මොනවත්, පිටකො‍ටුවට තිබ්බ බකුසු ආදරේ අඩු කලේ නෑ. මුස්ලිම් පල්ලිය ගාව විකුණපු පොල් වෙරලු අච්චාරු, ෆ්ලුඩා, ඉස්සො වඩේ, උම්බලකඩ වඩේ එක්ක පිටකො‍ටුව ගැන බස්සගෙ තිබ්බ ලව් එෆයාර් එකේ, සුන්දර මතකය අදටත් අඩුවක් නැතුවම තියෙනවා.

• පිටකො‍ටු පුරාණය

අපේ යටත් විජිත ඉතිහාසය හොයන කෙනෙකුට පිට කො‍ටුවත්, ඒ අවටත් නිධානයක්. ඩච් මියුසියම් එක, ගෑස් පහ හන්දිය, කයිමන් දොරකඩ, කොඩි ගහ මේ එයින් කීපයක් විතරයි.
කොළඹ කො‍ටුවෙ කො‍ටු දොරකඩ තාප්පේ
ඩකු ඩුකු ගගා බිම පෙරළෙන පීප්පේ
එගොඩ ගොඩේ රා විකුණන කෝප්පේ
දෙනවද අක්කෙ ඔය පුච්චන ආප්පේ

මේ මම කොහේදිද පොතක දැක්ක කවියක්. මම මේක ජන කවියක් කිව්වාම, වතාවක් ඇනෝ මීයක් මයෙ ඇඟට ගොඩ උනා, ඕක කවුරු හරි අපතයෙක් ලියපු රිකන්ඩිෂන් කවියක් කියලා.

අනේ මන්දා , මං දන්නෙ නෑ ඔව්වා. මං බස්සෙක් මිසක් ඉතිහාස විශේෂඥයෙක් නෙමෙයි නෙව? ඒ කොහොම වෙතත්, අද කුරුඳු නැති කුරුඳුවත්ත, ඉස්සර සරුසාර කුරුඳු වගාවක් බව ඇත්ත නං, කොළඹ, කො‍ටුවක් තිබිල තියනවා.කො‍ටුවක් නං කො‍ටු තාප්පෙකුත් තියෙන්න එපැයි. ඒ මදිවට රා විකුණලත් තියනවා. ඒ කාලෙ හිටපු බස්සොත්, ඒ රා බීල තියනවා. කොළඹ ට්‍රෑම් කාර් දුවලත් තියනවා. කරත්ත තිබිලත් තියනවා. ඒ කරත්ත වල බැඳපු ගොන්නුත් ඉඳලා තියනවා. තව ඉතිං, කරත්ත කාරයොත් රා බීල, ඉඳහිට ආප්ප කාල, කො‍ටු පැනලත් තියනවා. ඒකත් වෙනම ආතල් එකක් වෙන්ටෑ?

• යූ-ටියුබ් සමග පාන් කෑම

සමහරවිට අද මෙව්වා වෙනස් වෙලා ඇති. ඒක එහෙම නං, මං දැනගෙන හිටිය පිටකො‍ටුවෙ මතකය, මමම තියාගන්නම්. කලින් පෝස්ට් එකේ එක්තරා මානවිකාවක් ලියලා තිබ්බා, එයාට ටිවී එකේ කුකරි ප්‍රෝග්‍රෑම් දිහා බලාගෙන ඒ කෑම කනව කියලා හිතාගෙන, මෙලෝ රහක් නැති පාන් කන්න ඇහැකි කියලා. ආන්න දැක්කද පවර් ඔෆ් ඉමැජිනේෂන්! මට එහෙම සුපර් පවර් එකක් නැති නිසා, පොඩි හැලුප් එකක් ගන්න වුනා.

• තැපෑලෙන් ආ පෙට්ටිය සහ හෝතම්බුවාගේ රබර් ඇස

පහුගිය සතියෙ තැපලා ගෙනාව මගේ VR පෙට්ටිය. ඕකත් අරගෙන හොර බළලා වගේ කාමරේට රිංගන්න යනකොට මාට්‍ටු වුනා ගෙදර ඉන්න හෝතම්බුවට:

හෝතම්බු: ඔහොම හිටපං, මොකක්ද ඒ පාර ගත්ත අටංපහුර.



"මේක මේ පිචැර් බලන ගැජමැටික් එකක්. පට්ට ලාබයි, ගෙඩි සුපියල් එකසිය විසි පහක් විතරමයි" මං අහිංසක විදිහට කිව්වා.



මේක මේ ගහපු ගමන් හුටස්ගාලා වැඩකරන එකක් නං නෙමෙයි. මට ඕන වුනේ Google Earth VR රන් කරන්න. Google Earth VR තියෙන්නෙ Steam වල, HTC Vive වලට. Steam එකවුන්ට් හදලා, SteamVR ඉන්ස්ටොල් කරලා සැහෙන දුකක් විඳලා, දැන් වැඩ නං කරනවා.



කෙලින්ම උඩින් ගිහින් බැස්සෙ පිටකො‍ටුවට. මං ඉතිං පක්සිය නෙව, පියෑඹිල්ල ඉතිං අපිට උරුම වෙච්ච් දෙයක්. Street view update වෙන්නෙ කොහොමද කියලා තාම තේරෙන්නෙ නෑ. කම්පුටරේ බලනව වගේ නෙමෙයි, වෙනම අත්දැකීමක්, ඔලුව හරවලා වටේම බලන්න පුළුවන්, පාරවල් දියේ යන්න ලේසියි. මං කැමතිම දේ, මිනිස්සු -අපේ කස්ටිය නිරික්ෂණය කරන එක කරන්න කිසි තහනමක් නෑ. ප්‍රයිවසි නිසා මූණු බොඳකරලයි තියෙන්නෙ. ඒත් උන්නු හැටිය මලා මදැයි?

• ලෝකාන්තය සහ කැලෑ ගිණි

හප්පේ තවකොච්චර තැන් වලට යන්න තියනව්ද? : හොර්ටන් තැන්න, ගෙලිඔය, නාවලපිටිය, මැද මහනුවර. පොඩිකාලෙ, ගෙලිඔය ඉස්ටෙසමට උඩහින් නෑඳෑ ගෙදරකදි කාපු සැමන් බැදුමක රහ තාමත් මතකයි.ඉති එහේ නොගිහින් කොහොමද? ඕන වෙලාවක , ප්‍රයිවෙට් බස් එකක එල්ලිලා පිටකො‍ටු ගිහින් ඉස්සො වඩේ කොටා බාන්න ඇහැකි ඔහෙලට මේකෙ ගේමක් නැතුව ඇති වුනාට, මේ හිමේ සට,සට ගාලා වෙව්ව, වෙව්ල ඉන්න ඝර්මකලාපීය මූකලං බස්සෙකුට මේක දාහක් වටිනවා.

බොහෝ කාළෙකට ඉස්සර වතාවක් , අපි නඩයක් ගියා හෝර්ටන් තැන්නෙ ගිණි නිවාරණ සතියකට.කොළඹින් රෑ තැපැල් කොච්චියෙ නැගලා ,ඔහියෙන් බහින කොට පාන්දර. පට්ට හීතලේ ඉස්ටේසම ලඟ තිබ්බ පෙට්ටි කඩේකින් තේ බිව්වා. ඊට පස්සෙ බඩු මුට්‍ටුත් කරගහගෙන දැන් නඩේම ගාටනවා පයින්. ඒ පැත්තෙ අයට හොඳ සද්දෙට හූ කියන්න පුළුවන්. ඇහුවාම කියන්නෙ අපොයි තව ටික දුරයි, හූවක දුර කියලයි. මොන හූවක්ද?යනවා,යනවා ඉවරයක් නෑ. අන්තිමට රේන්ජ්ර්ගෙ බංගලාවට යනකොට අපට පාං කියාගන්න බෑ.දැන් ඔහෙල හිතන් ඉන්නෙ , අපි නැවතුනේ ගෙස්ට් හවුස් එකේ කියලද? පිස්සුද? නවාතැන "අල බංගලාව". ඒක හැ'ගර් එකක් වගේ ලොකු මඩුවක්, නිදා ගන්න ඇඳන් දාලා තිබුණා.ජීවිතේ පලවෙනි පාර, හොඳ හීතලක් අත් වින්ද. අපි නිදා ගත්තෙ මේස් දාගෙන. උදේ නැගිටලා බලන කොට අපේ උයන අප්පු, ලිප ලඟ ගිණි තපිනවා. එහෙ පොල්තෙල් විකුණන්නෙ රාත්තල්

ගාණට, ගෙන්නෙ ෂොපින්බෑග් වල, පොල්තෙල් බටර් වගේ මිදෙනවා


සමගි පෙරමුණ ආණ්ඩුවෙ, වගා සංග්‍රාමය කාලෙ හෝර්ටන් තැන්නෙ අල වැව්වලු , වගුරු බිමේ. අල නං බැස්සලු එකසිය ගාණට, ඒවා ගබඩා කරන්න හදපු එක තමා පස්සෙ "අල බංගලාව" වුනේ. වැඩේ අලම වෙලා අත්හරින්න වෙලා තියෙන්නෙ, මෙහෙ අල බහිනකොට නුවර එළියෙ වතුර හිඳිච්ච නිසා :)



ගිණි නිවාරණේ කිව්වට අපි නිවපු ගින්නක් නෑ. හතර වටේ කරක්ගහපු එක තමා කලේ. දවසට එක ගානෙ අපි එක එක පැති කවර් කලා. ඒ ගියේ කැලෑ ගිනි තියනවද බලන්න. කැලේ කොටි හපුව ඉන්න බවට අපිට කලින්ම අනතුරු හඟවලා තිබ්බෙ. කොටිය කිව්වට එහෙ ඉන්නවයි කියන්නෙ අඳුන් දිවියා- කොටියගෙ පොඩි එකා. අපිට කොටියා හම්බ වුනේ නෑ, කොටියගෙ බෙටි විතරයි. අපේ නඩේ ගුරා කෝ‍ටුවකින් එව්වා විශ්ලේෂණය කරලා කිව්වා, කොටිය මෙතනින් මාරු වෙලා තියෙන්නෙ සැහෙන වෙලාවකට කලින් බව. මට නං විස්වාස කලේම නෑ, කොටියට මලබද්ධය නං . අනික ඌ තාම බ්‍රෙක්ෆ්ස්ට් එක අරගෙනත් නැත්නං. කොහොම උනත් ඌ බස්සොන්ට අකමැති ඇති, එලියට ආවෙම නෑ.එක අතකට නාපු එක හොඳා, නැහ්නං මේක ලියන්න බස්සෙක් නෑ.

• රේන්බෝ ට්‍රවුට් සහ පින්ක් සැමන්

අල බංගලාව අසලින් ගලාගෙන ගිය දොල පාරක්

තිබුණා, වතුර පලිඟු වගේ. ඕකෙන් නාලා ආවාම බත් මරන්න පුළුවනි. මං හිතන්න සීතලට වැඩිය බඩගිනි වෙනවා.ජීවිතේ පලමු වතාවට, මීදුම් තට්‍ටු විදිහට ගලනවා දැක්කෙ එහෙදි, උදේ පාන්දර. මීදුම මැදින් තැන, තැන තාරකා වගේ දිලිසුනේ මුවෝ, ගෝන්නුන්ගෙ ඇස් කියලයි නේවාසික රේන්ජ්ර්තුමා කිව්වෙ. එතුමා බොහොම ප්‍රියමනාප, ප්‍රායොගික, "දැකුම්-කලු" හාදය, අපට දුන්නා බැදපු මාලු. එව්වා රෝස පාටයි. බ්ලැක් පූල් හරි චිමිනි පූල් වල ඉන්න මාලු ජාතියක්. අපිට ආවේණික මාලුවෙක් නෙමෙයි, ගෙනත් බෝකරපු එකෙක්. මාර රහයි.

මෙහෙ තියනවා පින්ක් සැමන්, සොක් අයි සැමන් කියලා දෙකක්. ආන්න ඒ වගේම රහයි. හෝර්ටන් තැන්නෙ ඉබේ වැවෙනවා වැල් ගො‍ටුකොල, ඉන්න කං කෑවෙ එව්වා සම්බල් හදලා.




සැමන් කිව්වාම, ඔය සැමන් මාලුවා බිත්තර දාන්න එන්නෙ මේ සාවියටලුනේ. මෙහෙ වාසගම "සැමන්" කියල තියෙන රතු ඉන්දියානුවොත් ඉන්නව කියන්නෙ. අර අපේ "ඌරු වරිගෙ වන්නිලෑ ඇත්තො" වගේ වෙන්ටෑ. අපේ එපාට්මන්ට් එකෙත් ඉන්නව රතු ඉන්දියානුවෙක්. මං හිතුවෙ පිල්ලෙක්(පිලිපීන) කියලයි. රොකට් එකක් ඇදලා ගිටාර් එක ගහල ජොලියෙ ඉන්නෙ.කල්ලො වගේ නෙමෙයි, හරි

ඩීසන්ට්.



ලඟදි අහුවුනා " පින්ක් සැමන්" ඩීල් එකක්. කෙ‍ටුවා පටස් ගාලා. වින්ටරේ කෑම ඉස්ටොක් එකට ගත්තෙ, ටින් 12යි. මඤ්ඤොක්කාත් තැම්බුවා,දැන් කෑම ලෑස්තියි. උඩින් ගිහින් හෝර්ටන් තැන්නට බහින්න විතරයි තියෙන්නෙ.
මෙදා පොටේ නං බස්සා එක්කෝ ඇතිවෙනවා, නැහ්නං නැතිවෙනවා.

I dream all year, but they're not the sweet kind

And the shivers move down my shoulder blades in double time

• මැංචෝසන් චාරිකාව

ටික වෙලාවක් මන්කි-බිසිනොස් පාරක් දැම්මාම, ටියුටෝරියල් ඕනෙ නෑ.  මන්කි බිස්නස් කිව්වෙ, අර හරියට දන්නව වගේ ,ඔබන්න තියෙන හැම බටන් එකම ඔබලා අනාගෙන ඉගෙන ගන්න ක්‍රමය. දැන් හරි, ලෝක බෝල මගෙ අතේ.

අර ලෝකාන්ත ප්‍රපාතෙ පහල තියෙන්නෙ , ඕකෙන් පැන්නාම වැටෙනවයි කියන තේ වත්තෙ පැක්ටේරිය වෙන්ටෑ? ඕකත් මට කාළයක ඉඳලා තිබ්බ ප්‍රශ්ණයක් තමා.

බස්සා, නත්තල සහ උම්බලකඩ

නත්තල අතලඟ. වින්ටරේ හොට ලඟ. නත්තල කිව්වාම ඔහෙලට මතක් වෙන්නෙ නත්තල් පප්පව නේද?  නත්තලට කව්ද අපි වගේ දෙකයි පනහෙ බස්සොන්ට තෑගි දෙන්නෙ? ඒක නිසා මං කරන්නෙ , නත්තලට මං, මටම තෑගි තැපැල් කරගන්නවා. ඒ කරලා, තැපැලා එනතුරු මග ‍රැකගෙන ඉන්නවා. බලන්න එපෑයැ, තැපලා අර ලියුම් මල්ලයි, පාර්සලුයි කරගහගෙන එන ලස්සන, නත්තල් පප්පා පරාදයි. වැඩේ කියන්නෙ අපේ නත්තල් පප්පල සැට් එකම මේ දවස්වල ඉස්ට්‍රැයික්. මං හිතන්නෙ  ආණ්ඩුවත් එක්ක වලි, වැඩි පඩි ඉල්ලලා. මුංව දීයා කන්න, හරියටම ඉස්ට්‍රැයික් පටන් ගත්තෙ නත්තල් උත්සව සමය අල්ලල  නෙව.

මේ දවස්වල හැම තැනම සේල්. ඔන් ලයින් ගත්ත පොඩි, පොඩි බඩු ඔක්කොම තැපෑලෙ හිර වෙලා. එහෙම කියල පුළුවනෑ, ගියා කඩේ, ගත්තා  පරණ ෆෝන් එකක් : Nokia Lumia 1520. ගෙනාවමයි කරපු ගොන්කම තේරුනේ. හාඩ්වෙයා ස්පෙක්ස් නියමයි ඒත් OS එක මෙලෝ රහක් නෑ - වින්ඩෝස් මොබයිල්. ඒ මදිවට ගඩොල් බාගයක් විතර බරයි. ඉතිං මොකේ දෑ දං වලඳන්නෙ? ඔක්කොටම හපන් අපේ හෝතම්බුවා ඉන්නෙ , ඔය වගේ මට කෙල වෙනකං, හිනා වෙන්න. මට තේරුනා මේක නං මොබයිල් ෆෝන් එකක් විදිහට පාවිච්චි කරන්න බැරි බව.

මං සැලුනද පිංවතුනි? නෑ, දා ගත්තා Tune in ඔක්කොම සිංහල ඔන් ලයින් රේඩියෝ ටියුන් කරගත්තා. කනෙක්ට් කලා බ්ලූටූත් ස්පීකරේට. නියම කොලිටි වෙබ් රේඩියෝ එකක්, දැං අහනවා ලංකාවෙ රේඩියො එකසිය ගානට.

ඕං ඔය  පහුගිය සෙනසුරාදා හැන්දෑවේ මම දෙකක් නමාගෙන ,කකුල් දෙක පුටුව උඩට අරගෙන අහනවා රේඩියෝ. මතක විදිහට Neth FM. කාලෙකින් අහපු හිතට අල්ලලා ගිය සිංදුවක්. යූ ටියුබ් ගිහින් සිංදුව හොයන කොට, මෙන්න බොලේ අහනවා සිංහල එකද හින්දි එකද කියලා. එතකොටයි පිංවතුනි මට වැඩේ තේරුනේ. ඔරිජිනල් එක හින්දි සිත්තරපට ගීයක්.කොපියක් වුනත් අපේ ගොබිලත් අවුල් නෑ. හින්දි සිංදුවෙ විෂුවල් ලස්සනයි. ඒක බැලුවාම වෙනම කතාවක් හිතේ මැවෙනවා. ඒත් මට හිංදි තේරෙනවයෑ? මං කලේ දෙගොල්ලන්ටම සාධාරණේ ඉස්ට කොරන එකයි. ගත්තා සිංදු දෙකම , එකට අනලා ගැහුවා කලවම් කොත්තුවක්:



ආ දන්න පිංවතෙක් කියනවද ලපල්ල කියන්නෙ මොකක්ද කියලා. අර අපේ ගොබිලා කියන්නෙ උන්දෑ සිහින, සිහින වින්දා කියලා?

මං ලපල්ල නොදන්නවා වුනාට කිරිපල්ල නං දන්නවා. "තොපි ආයෙ අපේ පොඩි එකීගෙ කිරිපල්ල අතගාල තිබුනොත් , ආයෙ දෙකක් නෑ, මං කපනවා තොපේ හික් මීයා". අටමා තමා කියා දුන්නෙ.

මං හිතන්නෙ මට ලැබිච්ච හොඳම තෑග්ග තමා මේක:

HP Windows Mixed Reality Headset VR1000

Walmart එකේ පන්සිය ගාණක්. අඩුම Amazon එකෙත් තුන්සි ගාණක්. Black Friday ඩීල් එකක් තිබ්බා එකසිය විසි ගාණට. දැක්ක ගමන් කෙ‍ටුව උඩ පැනලා. පැය ගාණෙන් ඔක්කොම විකිණිලා ඉවර වුනා.



VR headset මාකට් එකේ උඩින්ම ඉන්නෙ Oculus Rift, HTC Vive එව්වා way out of my league. මේක මං වගේ දුප්පත් බස්සෙකුට හොඳටම හොඳා. හැම අවුරුද්දෙම කොම්පුටරේ අප්ඩේට් කරනවට වඩා, මේක හොඳ අත්දැකීමක්.තාම සර්ව සම්පූර්ණයි කියල කියන්න බැරි උනත්, VR අනාගතය හොඳ වෙන ලකුණු තියනවා.



මට වෙලාවකට හිතෙනවා අපි  නවීන තාක්ෂණයට ඇබ්බැහිවෙලා වැඩිද කියලත්. ආයෙ හිතෙනවා, ඔන්න ඔහෙ තියෙන එකේ , පාවිච්චිකලාම මොකද වෙන්නෙ කියලා. නවීන තාක්ෂණයට නැත්නම් හරි අපි ඔහෙලා මෙහෙම හරි කතා කරන්නෙ කොහොමද?

යූටියුබ් කුකින් වීඩියෝ නිසා මගේ සූප ශාස්ත්‍ර ඥාණය තරමක් වැඩි දියුණුවෙලා තියෙනවා.මගේ පරිප්පුවයි, පොල් සම්බෝලෙයි නරකයි කියන්නමත් බෑ.පොල්සම්බෝලේට ගන්න මිරිස් කබලෙ ටිකක් බැදලා ගන්න ඕනෙ, යන්තං දුඹුරු පාට වෙනකං. එතකොට තමා රහ. මම නම් ඈඹුලට දෙහි, තක්කාලි දෙකම දානවා, ඒත් වැදගත්ම දේ සියඹලා, නියම රස එන්නෙ එතකොට.



එකම අවුල  පොල් බිඳිල්ල තමා. ඇස් ගණන් කරලා හරි දාරෙ හොයලා, කුරුමානම් අල්ලලා පොල් ගෙඩියට පත බෑවම  ඒක බිදෙන්නෙ හරහට නෙමෙයි, දික් අතට, නැත්නම් රුයිතෙට. 

ඊයෙ මං හැදුවා පොල් සම්බලයක් ඩයිනමයිට් වගේ, ඒත් රසයි.  පොල් සම්බලේ රස වැඩිකරගන්න  උම්බලකඩ දාන්නම ඕනෙ. උම්බලකඩ කියන්නෙ ලාබ දෙයක් නෙමෙයිනෙ.

යූටියුබ් එකේ "අපේ අම්මා" කියල දෙනවා උම්බලකඩ හදන විදිහක්. සරලයි, වේලන්නෙ අව්වෙ නෙමෙයි. ඊට කලින් සැරේ අපේ අම්මා එලියෙ වේලපු උම්බලකඩ පූසො අරං ගිහින්.ඒ නිසා මේ සැරේ කියල දෙනවා අව්ව නැතුව හදන ක්‍රමේ. ඒක  මේ වින්ටරේ වෙව්ලන අපි වගේ බස්සොන්ට නියමෙට ගැලපෙනවා.

මගේ පලවෙනි උම්බලකඩ බැච් එක ලිපේ. අපේ අම්මගෙ ගෑස් ලිප්, කුකුල් දැල් මැතඩ් එකනම් මට කරන්න බෑ. අපේ  ගෑස් නෑ ඔක්කොම ඉලෙක්ට්‍රික්. අවන් එකක් තියනවා ටයිමර් නෑ. මේ ලඟදි  පහල තට්‍ටුවෙ සිරියන් කස්ටිය ගේ ගිණි තිබ්බා උයන්න ගිහිල්ලා.

ඔය ඔක්කොම කිරල, මැනලා සලකලා බලල තමා මේක ගත්තෙ: හොද ඩීල් එකක් , සාමාන්‍ය ගාණෙන් බාගයයි. රෝස් කරන්න , බේක් කරන්නත්  පුළුවන්. 

මේක halogen convection oven එකක්. මං හිතන්නෙ ඔහෙ සිංගර් එකේ තියනවා.ටයිමර්, උෂ්ණත්ව පාලනය තියනවා. හොඳම කොටස  වටේටම වීදුරු - උයන එක ට මොකද වෙන්නෙ කියල පේනවා. 



දැන් මේ වෙනකොට ආං එයා උම්බලකඩ වේලනවා,කුස්සියෙ.

So long

You could be singin' this song
Long after I'm gone
Someone will be singin' this song
Long after you're gone

‘Cause we're all on some kind of journey
Tomorrow I could be leaving too
But where I end up going
I'll take a little piece of you

බස්සා , ඉඳික‍ටුව සහ ඇනිමේ

නිමිත්ත : කලානිධි( කාලා-බුදි) බස්සා

මාතෘකාව: තනි ඇහැට ඇඬිච්ච සිංදු දෙකක් සහ කා‍ටුන් එකක්

මං ආයෙ සිංහල ටෙලි බලන්න ගත්තා. මිනි ගං දෑළ ගැන ඇතිවෙන්නෙ  අනෙක් අය ලියල තියන නිසා ආයෙ කියන්නෙ මොකැටෑ? ඇරත් මෙව්වා තියෙන්නෙ රස විඳින්න. මේකට කිට්‍ටුවෙන් යන  පරණ නමුත් වැඩි ප්‍රසිද්ධියක් නැති සිංදුවක් මේ:

කෝල කැකුළි - ගායනය නිර්මලා රණතුංග

කාළෙන් කාළෙට මගේ රස වින්දනය වෙනස් වෙනවා. දැන් අලුත්ම සොයා ගැනීම  ඇනිමෙ. 1995 හදපු කතාවක්. ඒත් කැත නැතුව බැලුවෑකි. මං කැමතිම අර සබ්වේ එකේ යන පුසගෙ කොටසට. කණගා‍ටුදායක පසු කතාවක්: ඩිරෙක්ටර් මලා - වැඩකරලා වැඩිවෙලා. ඒ නිසා බස්සො කම්මැලියි කියන ඔහෙලටයි මේ  කියන්නෙ, දැන් දන්නවෙනෙ අපි කම්මැලි ඇයි කියලා?

බස්සා සහ අලිබබා

චන්දෙන් පස්සෙ විස්තර බලාකියා ගන්නත් එක්ක මං මැද මූකලාන දිහාවට පියෑඹුව නෙව, ඊයෙ හැන්දෑකොරේ.අම්මට හුඩු ඔය ඉන්නෙ, මැද මූකලානෙ සිංහරාජ හතර ගාතෙන් දපා තියලා. පොල් කට්ටෙන් චංද ජයපැන් බීලා, සලු වෙලා.

සිංහයා: ආ, වරෙන්, වරෙන් බෂ්ෂො. උම්බලට ඉතිං අපිව මතක් වෙන්න චංදයක් තියෙන්නම ඕන නේද?

බස්සා: අනේ  එහෙම නෑ බොස්. මේ දවස්වල බිසී

සිංහයා: අනේ පලයං යන්න. මං නොදන්නවද බොගේ හැටි.

බස්සා:  එහෙම නෙවෙයිනෙ බොස්. දැන් අලි වංසෙ වැඩ පෙන්නන කාලෙ. ආරංචි ඇති නෙව, අර මියන් කුමාර. මේං මෙච්චර පැටියා. අපවත් කලේ නැතෑ නායක උන්නාන්සෙ කෙනෙක්ව. මං මේ අහිංසක පක්සියා , හොඬ වැලෙන් දෙකක් පත බෑවොත්, කම්මුතුයි නෙව?

සිංහයා:  ඒක නෙමෙයි , මොකද මං ගැන කියන්නෙ , පස්ස බිම ඇණිච්ච අර හොර අලියා?

බස්සා: ආ එයා නං තවම කියන්නෙ පරණ සිංදුවම තමා. මයෙන් ඇහැව්වා , ජනතාවට ඕනෙ නිලකාස හොර තඩියව ආයෙ ගේන්නද කියලා?

සිංහයා:  ඈ ඕකා එහෙම  කිව්වද?  ඇයි මිනිස්සු මට විතරක් හොරා කියන්නෙ? ඇයි අලිය බැංකුවට කෙලියෙ නැත්ද? දැන් බලාපං බෂ්ෂො, විජය රජ්ජුරුවො  කියන්නෙ කව්ද? පල් හොරෙක් නෙව? ඉතිං හොරකම මයෙ වැ‍රැද්ද වෙන්නෙ කොහොමද? ඒක අපේ ජාතික ක්‍රීඩාව නෙව?

බස්සා:බලාගෙන ගියාම,ඒ කතාවෙත් ඇත්තක් නැත්තෙමත් නෑ.

සිංහයා: බෂ්ෂො උඹ අහල තියනවද අලිබබා සහ හොරු හතලිහ ගැන. දැන් අලිබාබා නෙව, කතාවෙ වීරයා?

 බස්සා:ඔව්

සිංහයා:  හා, දැන් කියපං, අලිබබා කියන්නෙ කව්ද? හොරුන්ගෙනුත් හොරකං කරපු හොරෙක් නෙව? ඉතිං මං කලෙත් ඒකම නෙව?

බස්සා:: හෑ, ඒ මොන හොරුන්ගෙන්ද ඔබතුමා හොරකං කලේ?

සිංහයා:  ඇයි වාහෙ, ජනතාවගෙන් නෙව? හා, හොඳයි කියපං බලන්න , ජනතාව කියන්නෙ හොරු කියලා, පැරා කිව්වද, නැද්ද?

 බස්සා: එහෙමම නෙවෙයි කිව්වෙ, රජයේ සේවකයො කියන්නෙ කම්බ හොරු ‍රැලක් කියල නං කිව්ව තමා.

සිංහයා: ඒක නෙව කියන්නෙ? එතකොට , තව සහෝදරවරු කියන්නෙ , තාම චෑන්ස් එකක් නොලැබිච්ච හොර මුලක් කියලත් කිව්වෙ නැත්ද?

බස්සා: එහෙම කතාවකුත් කිව්ව නං තමා. ඒත් සැකයේ වාසිය විත්තියට හින්දා, කොහොමද ටක්කෙටම කියන්නෙ සහෝදරවරුත් එහෙමමයි කියලා?

සිංහයා: අනේ පලයං බස්සො යන්න,හුහ් , අපි නොදන්න සහෝදරවරු .දැන් බලාපං,අර අපේ රජගෙදර රිලවා. චෑන්ස් එක ලැබිච්ච ගමන් කාගෙන, කාගෙන ගියෙ  මහසෝන වගේ.හා, එතකොට උඹ සුදනා වෙන්න එන්නෙ, ඇත්ත කියපං උඹ හොරා කාලම නැද්ද?

බස්සා: ම්... පොඩි කාලෙ පාලු වත්තෙන් හොර කුරුම්බා බීලා නං තියනවා.

සිංහයා: හා ඔය එන්නෙ. වෙන, වෙන?  

බස්සා: නෑ, ඉතිං අර සිංදුවකුත් තියෙන්නෙ " අපි ඔක්කොම හොඳ හොරු, ඔක්කොම රජවරු - තුන් සිංහලයම නෑදෑයෝ" කියලා. ආන්න ඒක කියන හාදයගෙ, හිතට අල්ලලා ගිය සිංදුවක් තියනවා. මාත් ඉතිං යූටියුබ් එකෙන්ම උස්සලා ඒකට පිංතූර දැම්මා, එඩිටින් ඉගෙන ගන්නත් එක්කලා. ඔහෙලට කියන්න, මේ හොරකං කරන එකත් ඉල ඇදෙන වැඩක් නෙව? පෝස්ට් එක ලියන්න ගියේ පැයයි. අර මලදානෙ දවස් දෙකක් තිස්සෙ එඩිට් කලා කියහංකො. ඊට පස්සෙ, විඩියෝව ආයෙ 100mb වලට වඩා අඩු වෙන්න එන්කෝඩ් කරන්න ඕනෙ. නැත්නම බ්ලොගර් දාන්න බෑ කියනවා.හොඳයිද ? වීඩියෝ කෑලි වල අයිති කාරයො නඩු නොදැම්මොත් ඉස්සරහටත් බලමු ඈ.

එනමුදු මගෙ රටයි ලෝකෙන් උතුම් රට!

බස්සා සහ බොහිමියානුවා

හෝතම්බුවා: බස්සො බොහිමියානුවෙක් කියන්නෙ කව්ද?



බස්සා: : බොහිමියානුවෙක්  කියන්නෙ ‍තෝ වගේ එකෙකුට. හම්බුවෙනකොට  පාටි දාලා, කාක්කොන්ට ආප්ප අරං දීලා, දැන් කෙලවුනාම, ගලේ පහරපු බලලා වගේ, විරිත්ත,විරිත්ත ඉන්න එකෙකුට.



හෝතම්බුවා: : අනේ විහිලු නැතුව කියපංකො බං



බස්සා: නෑ මම කිව්වෙ බාගෙට ඇත්ත. අර්ථදැක්වීම අනුව, බොහිමියානුවෙක්  කියන්නෙ අසම්මත/ අමුතු ජීවන රටාවක් ගතකරන, බැඳීම්  අඩු, "හෙට මැරුණත් හිතට සැපයි , අද ජොලි කරලා" තියරියට ජීවත් වෙන, හැපී ගෝ ලකී පොරවල් වලට.සංගීතෙ තමා උන්දලාගෙ ආහාරෙ. බයිට් එක තමා ආදරේ.ආදරේ  කිව්වෙ

අර අහවල් වැඩේට.

හෝතම්බුවා: : එහෙම බලාගෙන ගියා ටොලාත් බොහිමියානුවෙක් නෙ? බැන්ජො, ගිටාර්, ගෑණු හුටපට , ඔක්කොම තිබ්බ නෙව?



බස්සා : හෑ, ඒ කතාවෙත් ඇත්තක් නැත්තෙමත් නෑ. හැබැයි, ටොලා පාර්ට්- ටයිම් බොහිමියානුවෙක් කියලයි මට හිතෙන්නෙ?



Bohemianism කියන්නෙ උප-සංස්කෘතියක්, ලයිෆ්-ඉස්ටැයිල් එකක්.

කතාවෙ හැටියට වර්තමාන යුරෝපීය bohemianism වල ආරම්භය  ගැන සඳහන් වෙන්නෙ "French imagination with roving Romani people"කියල. මෙතන romani people කිව්වෙ යුරෝපියන් අහිකුණ්ටිකයො. ඒ අය විස්වාස කරනවා ඔවුන් පැවත එන්නෙ ඉන්දියාවෙන් කියලා.



Bohemianism මාර ඉස්ටැයිල් එකක් කියලා හිතන අයත් ඉන්නවා. හැබැයි, වැරදිලාවත් එහෙම අයට අහිකුණ්ටිකයො කියන්න යන්න නං එපා, දමලා අරී හොම්බ රිවට් වෙන්න. මට හිතෙන විදිහට , bohemianism වල core concept එක බැඳීම් අඩු , සරළ ජීවිතේ කියලා. ඕන්නං " හිතූමතේ ජීවිතේ" කියලත් කිව්වෑකි. මේ concept එක නං මිනිස් සමාජේ එක , එක කාල වල , එක එක තාලෙට අත්හදා බලල තියනව නෙව? සමහරු සෑසනේට ගියා, සමහරු සෙමනේරියට ගියා, සමහරු හිපියො වුනා. මේ සාවියෙ කස්ටිය නං homeless ගියා. 

සමහරු කියනවා, අපි හැමෝම තුලම බොහිමියානුවෙක්  ඉන්නවලු. ඒකලු අපි bohemianism වලට හොරෙන් ලව් කරන්නෙ. හෑ, මොකක්, මං කියන්නෙ බොරුයි කිව්වා? හහ්, ඔහෙල ඔය කතාව මූණු පොතේ කිව්වොත්, ඔහෙලව මැරෙන්නෙ කූඹි කාලා. බොරු කියන්නෙ මොකැටෑ,  ආස වුනට, මං ෆුල් ටයිම් බොහිමියානුවෙක් වෙන්න නං පට්ට බයයි. ඒකට හේතුව, හැමදේටම මිලක් තියන මේ සමාජ රටාවද මන්දා?



දැන ගියොත් කතරගම, නොදැන ගියොත් අතරමඟ කියන කතාව bohemianism වලටත් අදාල වෙනවද?ඔය කියන තරම්ම bohemianism ආතල්ද? ඉන්ටනෙට් එකේ, නං කියන්නෙ වර්ථමානෙ bohemianism වඳවෙලා නෑ, underground ගිහිල්ලා කියලයි.දැන් ඔය හිපි ‍රැල්ල වුනත්, ආවා, ගියා නෙව? bohemianism underground ගියේ ඔය පැවැත්ම පිලිබඳ ප්‍රශ්ණෙ නිසා වෙන්න බැරිද?. ප්‍රධාන සමාජෙ එක්ක ජීවත්වෙන කොට, හිතූමතේ ඉන්න බෑ නෙව?ඒ කියන්නෙ bohemianism පවතින්න නම්, ඒකට හරියන පරිසරක් තියෙන්නෙ ඕනෙ - ඒ කියන්නෙ sub culture එකක්. මොකෑ නැත්තෙ?එහෙම තැන් තියනවා.

ඔහෙලා අපි නොහිතන තවත් බොහිමියානුවො සෙට් එකක්, මේ අපේ  නහය යටම ඉන්නවා. ඒත් අපි උන් ඉන්නවද කියලා වගේ-වගක් නෑ වගේ ඉන්නෙ. මිනිස්සු නිරීක්ෂණය කරන එක, ඉස්සර ඉඳන් මගෙත් ප්‍රියතම විනෝදාංශයක්. ඒත් එහෙම පිට ඉඳන් නිරීක්ෂණය කරල හරියට තේරුම්ගන්න බැරි අපූරු උප සංස්කෘතියක් තමා කොළඹ මුඩුක්කු. නාට්ටාමිලා. පදික වෙළෙන්දො,  නැත්නම් කොළඹ කාක්කො, මදාවියො, ගණිකාවො,පාදඩයො,සහ හිඟන්නො  එන්නෙ මේ  පරිසරයෙන්. මං මේ ලිස්ට් එකෙන් "හොරු" කියන එක හිතාමතාම අත් ඇරියා. හොරකම social norm එකක් වෙච්ච සමාජයක, ඒ ගැන කතා කරලා වැඩක් නෑ නෙව?

Bohemians were associated with unorthodox or anti-establishment political or social viewpoints, which often were expressed through free love, frugality, and—in some cases—voluntary poverty.

- Wikipedia -

මෙන්න මේ කතාව ඇත්ත නං, මේ අය බොහිමියානුවො නෙමෙයිද? මේක  ලෝකයක්, ඇතුලෙ ලෝකයක්. ඒ ලෝකෙදි,  පිටදී ජන්ම වෛරක්කාරයො වෙච්ච, බොහෝවිට එකක නොපෑහෙන  සිංහල, දෙමල, මුස්ලිම් අනන්‍යතාවය , දිය වෙලා යනවා. ඔවුන්ගෙ බාසාවත්- බජාර් බාසාව, සිංහල, දෙමල, ඉංග්‍රිසි මිශ්‍රණයක්. . මේ මිනිස්සු අන්ත දුගියොමත් නෙමෙයි, හැබැයි ඔවුන් සැප විඳිනව කියලත් කියන්න බෑ.( ඒක වෙනම ආතල් එකක්.)



මේ අය ගැන විස්තර හොයා ගන්න අමාරුයි. මොකද අපි ඉන්නෙ, උන් නොදැක්කා, නොඉයින්නවා ගාණට. ඔන්න එතකොට උන්ට තද වෙනවා. ඉඳලා හිටලා, අපේ පර්ස් එකට විදලා, පිට නැති කමිසයක් විකුණලා, උනුත් මේ ලෝකෙ ඉන්නවා කියලා අපිට මතක් කරලා දෙනවා. හරි, හරි මාමස්‌මි,  ආනමාළු ඉමිතියාස්, පොට්ට නවුෆර්ලත් එහේ තමා. ඒත් අපි ඔහෙල නොදන්නව උනාට පිටකො‍ටුවෙ එක්සත් බෝධිරාජ සමිතිය ආරම්භ කරන්න මූලික වෙලා තියෙන්නෙ බජාර් එකේ  අයියලා. සමිතියෙ භාන්ඩාගාරික ලීලා ස්ටෝර්ස් එකේ දෙමල මුදලාලි. සාමාජිකයො "පූස පියදාස", "පොලොං ගුණේ" . මතක විදිහට කියන්නෙ, සිළුමිණ අතිරේකයක තිබ්බෙ, හෙව්වා ඒ ලින්ක් එක දැන් හොයා ගන්න බෑ. එත් මුදලාලි ස්වේච්චාවෙන්ම භාණ්ඩාගාරික වුනාද, භාණ්ඩාගාරික කෙරෙව්වද කියන එක නම් ශුවර් නෑ. ලීලා ස්ටෝර්ස් එකේ ෂම්මුගම් තම්බයියා සින්නදුරේ මුදලාලි හින්දු බැතිමතෙක්. ඒ විස්තරේ නං මෙතන තියනවා.ඔය ඉතිං "අවුල් වන්නට පෙර"



 බොහිමියානු ජීවිතේ මෙච්චරම ආතල් නං , අපි හැමෝම බොහිමියානුවො  නොවෙන්නෙ ඇයි?මේකට උත්තරේ හොයන්න, අපි මුඩුක්කු ආතල් එක ගැන හොයලා බලමු.මේ ගැන මට ලැබිච්ච විස්තර බොහොම ටිකයි. " මචං " චිත්‍රපටියයි, අභාවප්‍රාප්ත මහාචාර්ය රත්නපාල සූරීන්ගෙ පොතුයි ඇරුනාම මේ අය ගැන දන්න අය බොහොම ටිකයි ඉන්නෙ. අරූ දැන් ලියන්නෙ නෑ .ආ, දුමින්ද සිල්වා , දැන් හිරේ නේද?

ඔන්න ඔය නිසයි , මට මුඩුක්කු හොයාගෙන ඉන්දියාවට යන්න වුනේ. "Slumdog Millionaire " තමා මෙයාලව පුම්බල ගත්තෙ. දැන් NGO පොර, කනවා උදව් කරන්න. ආ සුද්දොත් එනවා බලන්න,ඒක වෙනම සයිඩ්-ලයින් tour-guide බිසිනොස් එකක්.



මේ මුම්බායි වල "ධරාවි":

මෙතන පොලිටිකල් ගේමකුත් තියනවා කියල හිතෙන්නෙ බස්සොන්ටයි, කූඹින්ටයි විතරද? නැහ්නං "ignorance is bliss"  කියල කියමුද? කතාවෙ එක තැනක කියවෙනවා. ධරාවි බිල්ඩින්/ රිලොකේෂන් ප්‍රොජෙක්ට් එක කැන්සල් වෙන බව. අද ධරාවි කියන්නෙ ‍ටුවරිස්ට් ඇට්‍රෑක්ශන් එකක්. පොඩි පහේ ඉන්ඩස්ට්‍රියල් සෝන් එකක්. හැබැයි, වැස්සට උතුරන කුණු කාණු, බෝවෙන රෝග , කුඩු, අපචාර , ලමා ශ්‍රමය, එහෙම්මයි. ( human and environmental exploitation ).



මේ බොහිමියානු ආතල් එකේ අනිත් පැත්ත:

විවේචන තිබ්බත් , ගෝටා විතරයි කොළඹ මුඩුක්කු ගැන දෙයක් කරන්න මුල පිරුවෙ.  අපේ දේශපාලන මතවාද වෙනස් වුනත්, ඒ ගැන නොකිව්වොත් ඒක අඩුවක්. එත් ඒකෙන් වැඩක් වුනාද කියන්න මං දන්නෙ නෑ. මොකද ඒ පරිසරය, මුඩුක්කු සංස්කෘතියේම කොටසක්.මට හිතෙන්නෙ bohemianism, සමාජවාදෙ වගේ කියලයි. ඈතින් ඉඳන් ලව් කරන්න නං මරු. ගන්න හොඳ දේවල් බොහොම තියනවා, ඒත් සම්පූර්ණයෙන් ගත්තොත් හුටා තමයි. , බොහිමියානුවො යැපෙන්නෙ ප්‍රධාන සමාජයෙන්. තනියම පැවැත්මක් නෑ



මොනව වුනත් ධරාවි, අපේ මුඩුක්කු වලට වඩා දියුණුයි.

දැන් අපි   ධරාවි ආදර්ශෙට ගෙන අපේ මුඩුක්කු දියුණුකරන යෝජනා කීපයක් බලමු.:



හිටං තුමා: ආ, හරි අපි ඕකට කොමිසමක් පත්කරමු



හිටපු රජා: හා, දවල්ද?



අගමැටි : අපි , ඔය මුඩුක්කු ප්‍රදේශයෙ කාර් පැක්ටරියක් දාමු



ටිල්වින් සිල්වා: අනේ අපිටත් චෑන්ස් එකක් දීලා බලන්නකො.

හැන්දෑවේ කලුවරට‍

බෑං ගා අඬ‍ාගෙන

හෝන්දු මාන්දුව

බිත්තියට වාරු වෙන කල

දොරපලුව,

කලු සුරුට්ටු ගඳ පළමුව

පිපිරුනු කලු නියපොතු ඇති

නාකි නහර පය දෙවනුව

ගෙට අරගෙන.........

කොරවක්කෙක් මෙන් වකුටුව

එළිපත පැන එයි ඇතුළට.....

නාට්ටාමි සැම්සනයා

හෙවත් අපේ තාත්තා.

නාස් දෙපුට්ටෙන් හොටු රැල්

කබල් කමීසෙට උර උර

හෙලුවැල්ලක් වැහෙන්ට‍ නොව

පුරුද්දකට ඔහේ අඳින

බොත්තම් නැති කොට කලිසම

අතින් අල්ලගෙන හැලි හැලි

සිලි බෑගේ මක්කාදැයි

උනන්දුවෙන් එබී බලයි

වේස දයාගේ කොලුවා

හෙවත් අක්කගේ දරුවා.

කෝටු කකුල් දෙක පෙනි පෙනි

රතු කොට කලිසම ඇඳගෙන

ඉර අව්වේ දවල් දවසෙ

අත් වැඩ දී හෙම්බත් වී

කොල්ලන් රැල වට කරගෙන

හොක් හොක් ගා හිනාවෙවී

බෝක්කුවේ වාඩි වෙලා තාම හිඳියි...

මදාවි ආනන්දපාල

හෙවත් අපේ පැටි අයියා.

ඉස්කෝලේ ගිහින් එද්දි

බුලත් බංකුවේ ඇසිඩගෙ

හෙවත් අපේ අම්මාගේ

සොහොන ළඟදි

කණස්සල්ලට පිපිරිලා

ඇස්බෝල තාම ඇඬුවත්...

කුප්පි ලාම්පුවෙ දැල්ලෙන්

විද්දියාව පොත කියවයි

පස්ස පේලියේ රමණී......

හෙවත් මම හෙවත් හිච්චී....

- ගයාත්‍රි කුමාරි ගරුසිංහ -

එත් බස්සො ඇත්ත කියයිද?මේ ගැන ඔහෙලා මොකක්ද හිතන්නෙ?

ඔහේල කවදාවත් බොහිමියානු බස්සෙක් දැකල නැත්තෙ ඇයි කියලා , දැන් ඔහෙලට තේරෙනවා ඇති. මේකෙන් අදහස් කරන්නෙ නෑ, මම බොහිමියානු සංස්කෘතිය ප්‍රතික්ශේප කරනවා කියල. ඒකෙ කොටසක් අරගන්නවා - අර බැඳීම් අඩු කොටස, ආන්න ඒක.

“We are all just prisoners here, of our own device”

කුරුමිට්ටන් සමඟ සුභ අලුත් අවුරුද්දක්!

ලියන්න කියල එහෙමට දෙයක් නම් තාම නෑ. මේ මකුලු දැල් කඩන්න ආපු ගමන්. එහෙම කියල පුළුවනෑ? ඔන්න ඔහේ ඕන පාං බාගයක් දෙකයි පණහයි කියලා කොටලම දානවා.



මේ දවස් වල පට්ට හීතල. ගිය සැරේ ආවෙ ඇල්බර්ටා වලින්, මේ වංගියෙ සයිබීරියාවෙන්. ඔය කියන්නෙ ඇන්ටාක්ටිකාවට වඩා හීතලයි කියලා.


මේ වගේ හීතල වෙලාවක, උණුහුම්,සනීප,සැපපහසු පුංචි උනත් පිලිවෙලට තියන හුරුබුහුටි ගෙයක් දකින එකත් සැපක් නෙමෙයිද? මේ ඒ වගේ කතාවක්:



ඔහෙලත් මං වගේ ෆැන්ටසි කතාවලට කැමති නං, මෙන්න මේක මං දැකපු සුපිරිම ඇනිමේශන් ‍ෆිල්ම් එකක්.

The secret world of Arrietty(Kari-gurashi no Arietti)

මම නං කියන්නෙ, ඔරිජිනල් ජැපනීස් එක  හොයාගෙන ඉන්ග්ලිශ් සබ්-ටයිටල් එක්ක බලන්න කියලයි. අනේ මන්දා, අන්දෝ සංසාරයක් නොතේරුනාට( අර අරාබි සිංදුව වගේ)  ඒ බාසාවෙ මොකක්දෝ අමුතුම චමත්කාරයක් තියනවා. මේ ඉංග්‍රිසි වර්ශන් එකේ  කියවිල්ල වැඩියි.  මතක ඇතුව, අඩුම ගනනේ හොඳ හෙඩ්පෝන් දෙකක්වත් දාගෙන අහන්න. මේක හරියට රස විඳින්න නම්, ඒක වැදගත්, මොකද මේකෙ audio  වලට නං තව සම්මානයක් දෙන්න වටිනවා. සම්මාන 7 යි, තව හතරකට නොමිනේට් කරල තියනවා.



කතාව ගැන කියනවනම්, මේක Mary Norton ලියපු The Borrowers කියන පොත් සීරීස් එක මතයි පාදක වෙලා තියෙන්නෙ. මේ කතාව ගැන තව ‍ෆිල්ම් ගහල තියනව( ඇනිමේශන් නොවේ), , මම ඒවයෙ trailers බලල තියනව, මට නං එව්ව මෙලෝ රහක් නෑ. එකටත් එක්ක, මේ  Studio Ghibli  හදපු ඇනිමේශන් එක, මාරයි . එක අතකින්, නැහ්නං ඩිස්නිලා මේක ඉංග්‍රිසියෙන් හඬකවලා  රිලීස් කරාවියෑ.

මම පොත් සීරිස් එකත් බා ගත්තා.  මේ ‍ෆිල්ම් එක  පොත අනුසාරයෙන් ලියපු එකක්, එකම නෙමෙයි. ඒ ඔරිජිනල් කන්සෙප්ට් එක අරගෙන නියම වැඩක් කරලා තියනවා  Studio Ghibli  ජප්පො කස්ටිය. කතාවෙ සමහර කොටස් විස්තර වෙන්නෙ, කුරුමිට්ටන්ගෙ කෝණයෙන්. ඒකටම ලස්සනට ගලපල තියන audio . පොඩි imagination power  එකක් තියේ නං , කුරුමිට්ටන්ගෙ ලෝකයට පියමං කරන්න එච්චර අමාරු නෑ.

කොහොමත්, බස්සොන්ගෙ විසේස කැමැත්තක් තියනව නෙව ඔය පොඩි , පොඩි අය ගැන? නෑ, නෑ මීයො විතරක් නෙමෙයි. මං කිව්වෙ little people ගැන කතා ගැන. මුලින්ම හිතට වැදුනෙ Dunno and his friends කියන පොත. ඊට පස්සෙ ගලිවරගෙ සුවිසැරිය.  ගලිවරයා ඒ කාලෙ මගේ වීරයා උනාට, උන්දෑ මහ ගොන් මෝලා.  ඔහෙලට කියන්න, එක සැරයක්  මායාකාරී උල්පතකින් වතුර බීලා ගලිවරයාත් කුරුමිට්ටෙක් වුනා නෙව. අර ඉටිකිරිස් කුමාරිට ලයින් එකක් දාගෙන, අගේට  රජවෙලාඉන්න තිබ්බ චෑන්ස් එකට පයින් ගැහුව නෙව, ඔය ගොන් වාහෙ?



එඤ්ඤං , ඈ?





Day before you came(It's funny, but I had no sense of living without aim)

After you came ( New Rules)

කොහෙන් කැපුවත් රාත්තලයි