නත්තල් තෑග්ගක්

හැමදාම ලියන, ගත්ත අලුත්ම නරිවාදං ගැන නොලියා, මට හිතුනා ඇත්තටම ඔහෙල වැඩිදෙනෙක් කැමති වෙයි කියල හිතෙන දෙයක් ගැන ලියන්න. ඒ තමයි "ඕප-දූප". හෑ, කැමති නෑ කිව්වා? මේ බොරු නං කියන්න එපා! සඟිස්කුරුතියෙන් අපේ ඇටමිදුලු වලටම කව්වලා තියෙනෙ දේට, කොහොමද අකමැති වෙන්නෙ? රාළේ මෙව්වා, ජාතියන්තර ඕපදූප. 

ඔරුමත්තුනාඩුවෙ, මෙන්න මේ හාදයගෙ සාවියෙ ඉන්න පිංවතුන්ට පුළුවනි, තම තමන්ගෙ පරණ කම්පූටර් මේ ග්‍රෙග්ට දෙන්න, එයා ඒවා සුද්දකරලා විතරක් නෙමෙයි, අලුත්ම කෑලි-බෑලි ටිකකුත් දාලම දෙනවා. සත පහක් ගන්නෙ නෑ. විස්වාස කරන්න අමාරුයි  වගේ නේද? බලන්නකො වීඩියෝව, දැන් එහෙම තමයි අලුත් විවුර්ත ආර්ථිකේ වැඩකරන්නෙ.

ග්‍රෙග්ගෙ අසල්වාසියෙක් නොවීම නිසා, අපි ඔහෙලට මේ චෑන්ස් එක ලැබෙන්නෙ නෑ. මේක දැම්මෙ, සමාජ සේවයක් නූනත්, මෙහෙම එව්වත් තියනවා කියල කියන්නයි. උන්දැට වෑර් කෑලි දෙකක් පාස්ස ගන්නවත් බෑ. ඔහුගේ විශේෂඥභාවය තියෙන්නෙ, කම්පූටර එකලස් කිරීම ගැන. තමන් දන්න දේ හරියට කිරීමත්, නොදන්න හත්ඉලව් වලට කෙලින්ම "බෑ" කීමත්, අවංක භාවයත් හරහා, ඔහු අද සාර්ථක ආදායම්ලාභියෙක් වෙලා ඉන්නවා. ඔහු නම්බුකාර, සාඩම්බර "ක්ලීනර්" කෙනෙක් කියලයි මට හිතෙන්නෙ.

                                                 (〃￣︶￣)人(￣︶￣〃)

මෙයා ගැන සමහරු දන්නවා. මේ ඉන්නෙ "ස්නෝ වයිට්" ගෙ චීන වර්ශන් එක. කෙලින්ම නොකිව්වත්, ඇඟෙව්වෙ , නගරයේ කෘතීම යාන්ත්‍රික "මී තරඟය" එපා වී, ආත්තම්මාගේ ගොවිගෙදරට ගිය ගැමි කෙල්ලෙක් බවටයි. චීනෙ හරිම ජනප්‍රිය චරිතයක්. ලෝකෙ අනිත් පැතිවලත් එහෙම තමා. අපේ අය කීපදෙනෙකුත්, ඒ බිසිනොස් මොඩල් එක "ණයට" ගත්තත් එක්ක.

මේකෙන් දෙන අදහස, කෙලින්ම වදින්නෙ මොලේට,දෙවර පෙරනලද පරණ අරක්කු වගේ. ඇයි හතිලව්වේ, කොන්ක්‍රීට් වනාන්තරවල ඉන්න, යාන්ත්‍රීක සත්තු වන අපේ හීනෙ ඕක නෙව? පැවැත්මක් නැති, සැබෑ නොවන, යථාර්ථවාදී නොවන සිහිනයක්. ඔව්, මාත් ගිල්ලා ගුලිය, ඇයි අවුල්ද?

ඒත් යථාර්ථය හීන වලට බොහොම දුරයි. පිංවතුනි. 

ඔබේ-බටේ හීන විකුණන්න තහනමක් නෑ. ඒත් ඒක කොච්චර සදාචාරාත්මකද කියන එක ප්‍රශ්ණයක්. විශේෂයෙන්ම, ඔබ ඔබේ පාට-යක්කුන්ව "රයිඩ්" එකකට ගෙනියනවා නම්, මම ඒකට කැමති නෑ. ග්‍රෙග්, චීන "ෆෙයරි ප්‍රින්සස්" දෙන්නම " content creators වුනාට, වෙනස ඒකයි. අවසානයට, මේ  ඔක්කොගෙම තෝන් ලණුව තියෙන්නෙ, ගූගලයා අතේ.

කුක්කුර වුනාට ඉහත සංදියේ, මම ගූගලයට බයයි නංගියේ!

අමුතු අදේවවාදියෙක් සහ බකුසු නොස්ටැල්ජියාව

 

හිංගල බවුද්දයෙක්  ලෙස ඉපදිලා, ආගම් ගැන දෙයිය ගැන තියෙන විස්වාසය සීග්‍රයෙන් පල්ලම් බැහැපු මූකලං බකමූනෙක් ලෙස, මට අදේවවාදය ගැන වුනත් ආයෙ හිතන්න වෙන විදිහෙ වීඩියෝවක් හම්බවුනා.

මේ තට්ටයා මහත්තයා කියන විදිහට, අදේවවාදීන් දරදඞු වැඩියිලු. එක්තරා විදිහකට, අදේවවාදයත් තවත් ආගමක්(faith) වගේලු. නිකම්ම ආගමක් නෙමෙයි, ටිකා..ක් අන්තවාදී ගතියකුත් තියනවාලු. අනිත් අයව, නිර්දය ලෙස විවේචනය කරනවාලු, පහර ගසනවාලු. දැන් මේකට "අනේ මම නං එහෙම නෑ" කියන්න, මම කැමති නෑ. හොඳට කල්පනා කරල බැලුවොත්, අකමැත්තෙන් වුනත් කියන්න තියෙන්නෙ " guily as charged" කියල තමයි. 

හදිස්සියෙවත් කකුල ගල් ගෙඩියක හැපුනොත්, අදේවවාදී බස්සන් තවමත් "බුදාම්මෝ!" යැයි කියනවා මා අසා ඇත. හොට බිම ඇනී, හොම්බෙන් යනකල, අහස දෙස බලා" ඇයි අපටම මෙහෙම වෙන්නේ" යැයි කියා ඇත. 

"මා අදේවවාදී වන්නේ, දෙවියන් ඇති බවට කිසිම සාක්කියක් නැති නිසාය" කියන එකත් එච්චර සාර්ථක උත්තරයක් නෙමෙයි කියලයි, තට්ට මහත්තයා කියන්නෙ. එකක් ඔය කියන "සාක්කිය" පැහැදිලි නෑ ලු. අනික, සාක්කියක් නැතිකමම හේතුවක් වෙන්නත් ඇහැකිලු. එයැයි කියන්නෙ ද්‍රව්‍ය/පදාර්ථවාදයෙන්ම හැමදෙයක්ම පැහැදිලි කරන්න බෑ කියලයි. බාගදා අධ්යාත්මිකවාදයත්, පදාර්ථවාදයත් දෙකම වැරදි වෙන්නත් ඇහැකිලු.

මට නං හරියටම මේකා කියන හරුපෙ තේරුනේ නෑ. බලන්ට, ඔහෙලට තේරෙනවද කියලා. හැබැයි, "බාගදා ඒකත් හරි, මේකත් හරි, හැබැයි සැකයි" ආන්න ඒ ලිස්සන සුළු ගුණයට මයෙ හිත ඇදිලා ගියා. ටයි-කෝට් ඇඳලා හිටියට, බාගදා උන්දැත් බස්සෙක් වෙන්නත් ඇහැකි. හා, නැද්ද?

Professor Raymond Tallis is a philosopher, poet, novelist and cultural critic and was until recently a physician and clinical scientist.

මේ සිංදුවෙ නම "පූසා මහත්තයා - අඳුර වැටුන පසු". මේක නං බකමූණොන්ට නොස්ටැල්ජියාව ගේන දසුන් පෙළක්. සරීර සවුක්කියට අගුණ නිසා, ඊට වැඩිය යමක් කියන්න අමාරුයි. ඔය තියෙන්නෙ, අපේ සාවියෙ තිබිලා වැහිලා ගිය Target කියන වෙළඳසැල් ජාලය. ඒක වැහුනෙ ඇයි කියලා, දැන් තමයි තේරුනේ.🤔

ලොවෙන් අඩකට ඇති ලෙඩක්

ඉස්හොරි කිව්වාම කැතයි වගේ හින්දා, ගූගල්ගෙන් ඇහැව්වාම "හිසේ කැක්කුම" කියල තමයි කිව්වෙ. ලෝකෙන් බාගයකට වඩා දෙනෙකුට මේක තියනවා නං, ඒ කතාවෙත් ඇත්තක් නැත්තෙම නෑ. 

මෙන්න TED-Ed වීඩියෝ එක:

මේක තියෙන පලවෙනි කමෙන්ට් එක දැක්කාම, නිදිගෙ හිනා පෝස්ට් එක බැලුව වගේ දැණුනා. " මං මෙතනට ආවේ පිළිතුරක් බලාගෙන නමුත් යන්නේ ආවටත් වඩා අවුල් වෙලාය" කියලයි ඒකෙ තිබුනෙ.

තවත් වටිනා කියමනක්: "“We might consider ourselves individuals, but we’re actually colonies”. මේ කියන්නේ, මම තමයි හොඳටම කලේ කියල හිතාගෙන හිටියට, අපිව ජීවත් කරවන්න, අපේ ඇඟේ බැක්ටීරියා රෑ දවල්, ඕ.ටී නැතුවම වැඩ කියන එකයි. සමහර බැක්ටීරියා ප්‍රයෝජනවත්, අනෙක්වා අවුල්. තවත් අයගෙන් හානියක් නෑ. එහෙම හානියක් නැති එකෙක් තමා, ඉස්හොරි ඇති කරවන්න ප්‍රධාන වෙන Malassezia කියන පුස් ජාතිය. මෙයාගෙන් කරදර වුනාට වෙන හානියක් නැහැලු. ඒ ඇරුනම, වෙන හානිකර බැක්ටීරියා එහෙම ආවොත්, මුන්දෑ උන්ට ගහලා පන්න ගන්නවලු.

අනෙක් වැදගත් කරුණු: Malassezia.ඉස්හොරි ඇතිවීමට එක කරුණක් පමණක් නිසා

1. ජනප්‍රිය Head & Shoulders, හැමෝටම, හැමවිටම සාර්ථක නොවිය හැක.

2. මම Head & Shoulders එදා-වේල ටුවර්ස් දුවන්න බාවිතා කරන නමුත්, හදිසි අවස්ථාවලට Zelsun Blue තිබේ.

Zelsun වල සුවඳට ලංකාවේ කෙල්ලන් කැමතිය. වරක්, Zelsun ගෑ බකුසු ඔලුගෙඩියට, කෙල්ලක් " ඤුහ්,ඤුහ්" ගා ඉව ඇල්ලුවේය. ඔලුව ගලවාගෙන, ගෙදර අරං යයි බියවූ බකුසුතොමෝ, බාගයක් පාවිච්චිකල Zelsun බෝතලය දන් දුන්නේය.

3. Nizoral සහ Neutrogena T/Gel හොඳ යැයි දන්නෝ කියති. ඒත් මේවා තම, තමන්ම අත්හදා බලා ප්‍රත්‍යක්ෂ කරගත යුතු කාරණාය.වීඩියෝවේ කමෙන්ටුවක ගූගල් පරිවර්තනය:

"ඔබ මා වැනි නම්, ඔබ ඉස්හොරි සඳහා අලෙවි කරන ෂැම්පූ වර්ග බොහොමයක් උත්සාහ කර ඇත, නමුත් මගේ ජීවිතයේ වැඩි කාලයක් ඒ කිසිවක් සාර්ථක වී නැත.  මෙම වීඩියෝවේ සඳහන් යීස්ට් ඉස්හොරි ඇති විය හැකි විවිධ හේතු වලින් එකක් පමණක් වන අතර, යීස්ට් වලට එරෙහිව ඉලක්ක කරගත් ෂැම්පූ තවමත් ඔබට උදව් නොකරනු ඇත. කෙසේ වෙතත්, අවසානයේ මා සඳහා ඉස්හොරි ඉවත් කරන එක් ෂැම්පු එකක් මම සොයා ගත්තෙමි. නියුට්‍රොජිනා ටී-ජෙල්. එය වචනාර්ථයෙන් මා වෙනුවෙන් ක්‍රියාත්මක වූ එකම නිෂ්පාදනය වන අතර ජාතික Psoriasis පදනම විසින් නිර්දේශ කරනු ලැබේ, සහ Psoriasis ඇති පුද්ගලයින්ට අධික ඉස්හොරි ඇතිවිය හැකි බැවින් මෙම සංවිධානයේ නිර්දේශයකට සවන් දිය යුතුය. 

සති කිහිපයක් සඳහා දිනපතා එය භාවිතා කරන්න. එය ආරම්භ කිරීමට සති කිහිපයක් ගතවනු ඇත, පසුව ඔබට එය නිතිපතා භාවිතා කිරීමට සිදුවනු ඇත, නමුත් ඔබට අවම වශයෙන් සතියකට කිහිප වතාවක් පමණක් එය භාවිතා කිරීම කපා හැරිය හැක, නමුත් ඔබ ඒ සඳහා ස්තුතිවන්ත වනු ඇත. එසේම, ස්නානය ආරම්භයේදී එය ඔබේ හිසකෙස්වල තබා විනාඩි කිහිපයක් තබා සෝදා හරින්න. එය ප්‍රසන්න සුවඳක් නැත, නමුත් ඔබ එය මින්ට් කන්ඩිෂනර් එකක් මෙන් අනුගමනය කරන්නේ නම්, ඔබට හොඳ වනු ඇත. මට මේ දිග කමෙන්ට් එක ලියන්න වද වුනේ මට හොදටම ඉස්හොරි තියෙන නිසා සහ මම වගේ ඉන්න තව කෙනෙකුට උදව් කරන්න ඕන නිසා. එය ක්‍රියාත්මක කරන ක්‍රියාකාරී අමුද්‍රව්‍යය ගල් අඟුරු තාර සාරය වන අතර එය Web-MD ට අනුගත වේ, "keratoplastics ලෙස හඳුන්වන ඖෂධ කාණ්ඩයට අයත් වේ. එය ක්‍රියා කරන්නේ සමේ ඉහළ ස්ථරයෙන් මිය ගිය සෛල වැගිරීමට සහ වර්ධනය මන්දගාමී කිරීමට හේතු වේ. සමේ සෛල, මෙම බලපෑම කොරපොතු සහ වියලි බව අඩු කරයි. ගල් අඟුරු තාර මෙම සමේ තත්ත්වයන් නිසා ඇතිවන කැසීම ද අඩු කළ හැකිය." ඔබට මෙය භාවිතා කරන වෙනත් නිෂ්පාදන සොයා බැලිය හැකි නමුත් Neutrogena T-Gel ප්‍රායෝගිකව ඕනෑම තැනක දක්නට ලැබේ. "

Almost heaven, සපරගමු  pro...vince,

කබරගල  Mountains, කැලනිවැලි Ri...ver.

Life is old there, older than the trees, 

younger than the mountains, blowing like a breeze.

Belt & ro.....ad, take me home to the place I'm not belong.

හුකා බොල සෑනා, අඹතලේ මාමා , take me home, belt & ro....ad.

-ඒවං මේසුතං සමයං-

(ඡායාරූප අන්තර්ජාලයෙනි)

Buyer's remorse - පක්සියකුගේ පසුතැවිල්ල

 

තොට ලඟ තොරණ වගේ බලුප් පත්තුවෙයි කියලයි හිතුවෙ, ඒම වුනේ නෑ. තව ප්‍රශ්ණ තිබ්බත්, "ලාබ බඩුවේ හිල් ඇත" කියල හිත හදා ගත්තා. 

ක්‍රෑෂ්-ෆ්‍රී බයෝස් පහසුකම, නෑ කියලයි පේන්නෙ. කෝකටත්  සූජානං  සරීරෙ කියලා, බයෝස් චිප් තුනකටම ඕඩරේ දැම්මා චීනෙට. ලාබයි, වැලම සුපියල් තුනයි. අනෙක් අඩුම කුඩුම කලින්ම ලාබෙට ගෙන්න ගෙන තියෙන්නෙ. බොහෝ විට බයෝස් ෆයිල් එකෙන්, bin/rom ෆයිල් එක හදාගන්න වෙනවා. කොහොමත් ඒක වෙනමම ආතල් එකක් නිසා, ලියන්න අදහසක් නෑ. මේකත් ලිව්වෙ, ඩ්‍රැකියාගෙ විචිකිච්චාව මැකෙන්නයි. අපි එහෙමයි, අපේ දුක( විහින් හදාගත්ත) වුනත්, ඔහෙලට ආතල් ගන්න ඉඩ දෙන්නෙ.

 

ඉත්තෑ අමාරුව හොඳටම වැඩි එවුන්ට

[Guide] How to flash a modded AMI UEFI BIOS

AMI AFUWIN Flasher - Windows based AMI BIOS Firmware Update flasher.

තම තමන් ගේ ආරක්ෂාව තමන්ම සලසාගන්න. 

Vetroo V5

මේ CPU Cooler එකට නං, වෙලාවට කොටා ගන්න බැරි වුනා. අපි හැරෙන කොට, කාක්කො ටික කොටලම ඉවර කරලා. ඒ වංගියෙ මං, ඒකම ඊබේ එකෙන් බාගත්තා. තවත් ලාබයි, ඒත් එන්න කල් යාවි.

කියන්න අවුලක් නෑ, ගාණ හිතන්න බැරි තරම් ලාබයි.

කාලයක් මම AIO cooler වලට කැමති වෙලා හිටිය. නමුත් දිගු කාලීන පාවිච්චියේදී එන ප්‍රශ්ණ නිසා අත්හැරියා. Air cooler සරලයි, නඩත්තුවට ලේසියි.  Direct touch heat pipes, pressure optimized fans, effective fin-array design වගේ කාරණා නිසා, දැන්  මේවා වල කාර්‍යක්ෂමතාවය බොහොම ඉහලයි.  

Thermaltake SpinQ

මේ තියෙන්නෙ දැනට පාවිච්චි කරන එක, අවු 10 විතර පරණ මොඩල් එකක්. ඒක ගත්තෙ, ඇමසන් ක්ලියරන්ස් සේල් එකකින්. දැන් කොයි වෙලේ හරි ෆෑන් එකේ පණ යාවි. ඒකෙ අවුල, ෆෑන් එක අලුතින් දාන්න බැරි කමයි, PWM කොන්ට්‍රෝල් නැති එකයි. මව්පුවරුවට හයිවෙන හැටිත් හොඳ නෑ. බැක් ප්ලේට් එකක් නෑ.  අර කෝටුවෙ ගිය ඉබ්බා වගේ, අයින හපාගෙන ඉන්නෙ.ප්‍රොසෙසර් එක අඩු වොටේජ් නිසාම ඔරොත්තු දෙනවා. උන්දැගෙ අනිත් නම black widow. ඒකෙ තේරුම, හරියට අටෝ ගත්තෙ නැත්නම් මලා කියන එක වෙන්ටෑ?

 Heat pipe තාක්ෂණය වෙනම හදාරන්න ඕනෙ දෙයක්. එක අතකට, හැදෑරුව කියලා ලැබෙන කෙංගෙඩියකුත් නෑ. දැන ගන්න ඕනෙ, ඒක දිගටම වැඩි දියුණුවෙනව කියලත්, අලුත් ඒවා, පරණ ඒවට වඩා දියුණු බවත් විතරයි. 

ජර්මන් ක්‍රමේට කම්පුටරයක්( සබන් ගා පොල් මුඩ්ඩෙන්  ඉලීම ඇතුලුව) ක්ලීන් කරන හැටි 

Oh, I want something just like this......

I've been reading books of old
The legends and the myths
Achilles and his gold
Hercules and his gifts
Spiderman's control
And Batman with his fists
And clearly, I don't see myself upon the list

(ඡායාරූප අන්තර්ජාලයෙනි)

අපි නොදන්න රාග තාල

බස්සගෙ ජීවිතේ වෙනස් වෙන්න, බලපාපු එක සිංදුවක් තමයි ඔය. ඔය තියෙන්නෙ,You got mail සිත්තර පටියෙ, මම කැමතිම කොටසක්. හප්පේ ඔය කොටස ආයෙ, ආයෙ බලාපු වාර ගාණ මෙච්චරයි කියන්න බෑ. නිව්‍-යෝක් නගරෙ, උදෑසන අවදිවෙන හැටි, ස්‍ටා'බක් කොෆී කල්චර් එක එහෙම ලස්සනට පෙන්නනවා. ඒ කාලෙ කාන්තාරෙක වේලි, වේලි හිටිය බස්සෙකුට, ඔය පෙන්නන්නෙ ග්ලෝරිෆයිඩ් කරපු වෙස්ටන් ලයිෆ් ඉට්ටැයිල් එක කියල තේරුන එකක්‍ යෑ? අනිත් සිත්තර පටියෙ කැමතිම කොටස තමා, ඩයල්-අප් මොඩම් එක " ඤෑ....ඈක්, ඤුක්, ඤී....ඊක්, හුචැක්" කියල AOL මේල් කනෙක්ට් වෙන කොටස.

කොහොමත් මේක  පට්ට සිංදුව -Dreams ,කියන්නෙ The Cranberries. චෙරි, බෙරි කන පක්සියෙකුට, මේ අයිරීෂ් බෑන්ඩ් එකේ සිංදුව අල්ලලා ගිය එක ආයෙ අහන්නත් දෙයක්ද? එකම අවුල, ඕක ඇහිච්ච ගමන් බකුසු ඔලුව, තාලෙට වැනෙන්න ගන්න එක, ඔලුවට මෝල් ගහකින් පතබෑවත්, නවත්තන්න බැරි එකයි.

ආයෙත් පාරක් අද මේ සිංදුව, මට අහන්න ලැබුනෙ 1994 Chungking Express සිත්තර පටිය බලන කොටයි. බලල නැත්නම් බලන්න වටින පිචෑර් එක, බලන්න.

මේ සින්දුවත් අයත් වෙන්නෙ "One-hit wonder" කියන කැටගරියට වෙන්ට ඕනෙ. ඒකෙ කිසි වරදක් මම දකින්නෙ නෑ. බොහොම අපූරු ගීත බොහොමයක්, ඒ කැටගරියෙ තියනවා. අපට සංගීතෙ විශ්ලේෂ්ණය, විච්චේදනය කරන්න තරම් දැණුමක් නං නෑ. ඒත් දැක්කා, ඇහැව්වා නිසා, ඔන්න ඔහේ ලියලම දැම්මා.

අනූව දශකයෙදි ඉතාම ජනප්‍රිය වෙච්ච ගීතයක්. ඒ දශකයෙ, මේ සිංදුව නැති සිත්තර පටියක් හොයාගන්න අමාරුයි කියලයි කියවෙන්නෙ. මෙන්න ඒ චිත්‍රපටි වලින් කොටසක්:

Chungking Express (1994), which prominently featured Faye Wong's Cantonese version
Safe Passage (1994)
Milk Money (1994)
The Next Karate Kid (1994)
Boys on the Side (1995)
The Baby-Sitters Club (Trailer only) (1995)
Mission: Impossible (1996)
You've Got Mail (1998)
Shot Through the Heart (1998)
Mona Lisa Smile (Trailer only) (2003)
Sound of My Voice (2011)
Prom (2011)
The To Do List (2013)
Second Act (2018)
Thunder Force (2021)

ප්‍රධාන ගායිකාව වන Dolores O'Riordan ට අනුව, ගීතය ලියා ඇත්තේ ඇගේ ප්‍රථම ප්‍රේමය ගැන, "මම එය ලිව්වේ මගේ පළමු ආදරය ගැන, මම අයර්ලන්තයේ ජීවත් වන විට ... එය පළමු වතාවට ඇත්තටම ආදරයක් දැනීම ගැන".

විවාහයෙන් පස්සෙ, කන් පාත් වෙන්නම , බොන්න පටන් ගත් ඇගේ ජීවිතේ රෝස මල යහනාවක් වුනේ නැති බවයි පේන්නෙ. ඔය බොලත් ටිකිලා ගහන කොට, ගාණක් මිම්මක් ඇතුව ගහපල්ලා, ඈ? ටොමියගෙ  මිත්‍ර බොක්සරයටයි මේ කියන්නෙ.😉

R.I.P Dolores O'Riordan (1971-2018)

බෝනස්:

🎪🎪🎪🎪🎪🐶🐶🐶🐶🍞🍞🍞🍞🐶🐺🐺🐺🐺🐺

ඇත්තටම, Wong Kar-wai කියන්නෙ, පට්ට සිනමා අධ්‍යක්ෂක වරයෙක්. මෙන්න ලිස්ට් එක:

1988	As Tears Go By	旺角卡門 Wong gok ka moon
1990	Days of Being Wild	阿飛正傳 Ah fei zing zyun
1994	Chungking Express	重慶森林 Chung Hing sam lam
	Ashes of Time	東邪西毒 Dung che sai duk
1995	Fallen Angels	墮落天使 Do lok tin si
1997	Happy Together	春光乍洩 Chun gwong cha sit
2000	In the Mood for Love	花樣年華 Fa yeung nin wa
2004	2046	—
2007	My Blueberry Nights	—
2013	The Grandmaster	一代宗師 Yi dai zong shi

ඔය අතරින්, My Blueberry Nights, 2046, In the Mood for Love දැනටමත් බෑව. Fallen Angels තමයි Chungking Express දෙවන කොටස. ඒත් එකම ස්ටැයිල් එක මිසක්, විශේෂ සම්බන්ධයක් නෑ,

ස්තූතිය: The Traveler's Blog

(වීඩියෝ අන්තර්ජාලයෙනි)

අටවන මාටිංගේ ජනෙල් අළුත්වැඩියාව

  වින්-ඩිවෝස් වෙච්චි අටවන මාටියා, මේ දිනවල ඉන්නෙ, ටෝච් පාරක් කාලා, නයා මැරිච්ච අහිකුංටිකයා වගෙයි. ඉවසන්නම බැරි වැඩේ, වින්ඩෝස් 10 යස අගේට තිබ්බ, ස්ටාර්ට් ඇප් ගෘප්ස් නැති වෙච්චි එකයි. ඔහෙලට මේකෙ බරපතලකම තේරෙනවද මන්දා? හරි, මං කියන්නන්කො කතන්දරේ මුල ඉඳලම.

මේ තියෙන්නෙ, කලින් කසාදෙ, ස්ටාර්ට් ඇප් ගෘප්ස් වලින් කොටහක්. නිකං හිතන්නකෝ, ඇප්ස් සීයක්-හමාරක් විතර ඉන්ස්ටෝල් කරගෙන තියනවා කියලා. ඇයි එච්චර අහැව්වා? ඉතිං මුං නිකං දෙනවනෙ? එතකොට කොහොමද එපා කියන්නෙ? ඇත්ත, ඔය ඔක්කොම පාවිච්චි වෙන්නෙ නෑ තමයි. පාවිච්චි කරන්නෙත් ඉඳලා-හිටලා තමයි.

ආන්න එහෙම, අවස්ථාවක යම් ඇප් එකක් ඕන වුනා කියමුකො. උදාහරණයක් විදිහට, දැන් මගේ WD සිස්ටම් ඩ්‍රයිව් එකට ආපු ඇප් එකක් තියනවා, ෆර්ම්වෙයා අප්ඩේට් කරන්න, ට්‍රිම් කරන්න වගේ වැඩ වලට.  ඕක ඉතිං ඉඳලා හිටලා ඕනෙ වෙනවා. ආං එතකොට, එයාව හොයා ගන්න ගියාමයි, සෙල්ලම පටන් ගන්නෙ. WD, NVMe, SSD ඔය මොනවා  කියල ගහල සර්ච් කලත් මුකුත්ම එන්නෙ නෑ. ඒකෙ නම "ඩෑෂ්බෝඩ්". තව එකෙක් ඉන්නවා, එයා "සැම්-සුං මැජීෂියන්".ඉතිං කියහල්ලකො, මොන බස්සටද ඕවා මතක තියාගෙන ඉන්න ඇහැකි කියලා?

නෑ, All Apps ගහදිගේ බඩගාලාත් ඕක හොයන්න බෑ, ගහෙන් බහින්නම පැය බාගයක් විතර යනවා, ඒ මදිවට, ඇප්ස් තියෙන්නෙ ෆෝල්ඩර් ඇතුලෙ. කොටල, දිගෑරලා බලන්නම වෙනවා. දැන් තේරෙනවා නේද, වැඩේ හිතනවට වඩා සංකීර්ණයි කියලා? කොච්චර ඇප්ස් තිබ්බත් වැඩක් නෑ,  කෙලවෙච්ච වෙලාවට, ඒකට අදාල ඇප් එකක් තියනවද, ඒක කොහෙද තියෙන්නෙ කියලා දන්නෙ නැත්නම්. ඇප් ගෲප්ස් අදාල වෙන්නෙ, විශේෂයෙන්ම, අමතකවීම උපන්ගෙයි දෝෂයක් වෙච්ච අපි වගේ නිසාචර සත්තුන්ටයි.

මම ක්‍රමයක් අටව ගත්තා, ඔය පහල පිංතූරෙ තියෙන විදිහට. ඒත් පොඩි කොස්සක් තියනවා. වින්ඩෝස් 10 ඉඳලා, පරණ ගෲප්ස් ටික ගේන්න විදිහක් දන්නෙ නෑ. ආයෙ අලුතින්ම ගෲප්ස් හදලා නොදා, ගොඩින්ම ජාම බේරගන්න විදිහක් තියනවද කියල හොයාගන්නයි, මේ වෑයම.

වින්ඩෝස් 10 ස්ටාර්ට් ඇප් ගෘප්ස් වලට කියන්නෙ ලේ-අවුට් කියලලු. තියෙන්නෙ XML ෆයිල් එකක් විදිහට කියලයි කියන්නෙ. මට ඒ මහප්ප්‍රාණ තේරෙන්නෙ නෑ, මට ඕනෙ මෙච්චරයි. මේං මේ ගෲප් එකේ, මේං මේ ඇප්ස් ටිකේ ෂෝර්ට්-කට් ටික තියනවා කියන එකයි. දන්න පිංවතෙක්, පොඩි අයිඩියා එකක් දුන්නොත්, ලොකු උදව්වක්, ඈ?

පාවිච්චි කලේ Standalone Stack 2.0.7 කියන, සැහැල්ලු ඇප් එක. දැනට පොඩි සාම්පල ගෲප්ස් දෙකක් හදලා, ටාස්ක් බාර් එකට දැම්මා. එයින් එකකට කෙටුවාම, ඔය පේනවා වගේ "ගහක් පැලවෙලා" පෙන්නනවා, ඇතුලෙ ඉන්න කස්ටියව. වැඩේ සාර්ථකයි, කියන්නත් බැරි කමක් නෑ.

මම කලේ මොකක්ද කියන එක, එච්චරම අදාල වෙන එකක් නෑ. සමහර විට, මගේ ක්‍රමයට වඩා ලේසි ක්‍රමයක් ඔහෙලම හොයාගන්නත් ඉඩ තියනවා. එහෙම වුනොත් මටත් කියන්න, ඈ? කුහකකමට නොකියා ඉන්නවා කියල හිතන්න එපා. කමෙන්ට් කරන්න, පෝස්ට් එක බලන්නවත් අවශ්‍යම නැති කොට, මොකටද මේ අනවශ්‍ය මහප්ප්‍රාණ, නේද?

ඒත් කාටහරි අවාසනාවන්තයෙකුට, ඕනෙමයි කියල කියනව, නං කොමෙන්ට් එකක දාන්න, මම කියන්නං අටවන මාටින් ක්‍රමවේදය. ඔහෙල දන්නෙ නෑ නේද අටවන මාටින් ගැන? හ්ම්..... මම හිතුවා, දන්න හෝතම්බුවෙක් නං, මලාට උන්දැගෙන් උපදෙස් ගන්නෙ නෑ.

මෙන්න මේකත් හොඳ විකල්පයක්: http://alastria.com/software/7stacks/

ප්‍රියයන්ගෙන් වෙන්වීම දුකකි, වින්-ඩිවෝස්

ඔහෙලා දන්නව නෙව, මම වින්ඩෝස් 11 පාවිච්චි කරන එක කල්  දැම්ම බව. ඒත් බැකප්  SSD එකේ, උන්දැ හිටියා. මමත් ඔය සුමානෙකට දෙපාරක් විතර ගිහින්, සැප-දුක අහලත් ආවා. වැඩියම අහන්න ලැබුනෙ, දුකම තමා. ඔය ටික දොහට ජනේල ගෙදර වාහෙලා, මහිතේ එක විසි-තිස් පාරක්වත් අප්ඩේට් එවන්න ඇති. ඕං ඔහොම දුකසේ ඉන්නකොට තමා, එක පාරටම ස්ටාර්ට් බටන් එකයි, සර්ච් එකයි වැඩ කරන්න ගත්තෙ. තව මට මල පීදිලා හිටිය, "ඉස්කෝල පොත" පුරස්නෙත් හරි ගියා. අකුරුත් ලස්සනයි, ඇහැටත් ප්‍රියයි. 

රිවීව් එකක දැක්කා, ඉන්"සයිඩර්" බීටා එක දාගන්නවා නං, ඇන්ඩ්‍රොයිඩ් ඇප් ටෙස් කරන්නත් දෙනවා කියලා. ඇප් ඉස්ටෝරුවට ගිහාම කියපි, ඒක දෙන්නෙ, යැංකි දේසෙ ගොබිලින්ට විතරයි කියලා. මෙව්ව කෙත වැඩ අප්පා! කලින් මට වින්ඩෝස් 11 එපා වෙලා හිටියෙ, තිබ්බ ලෙඩ නිසා නෙව? මෙදා සැරේ තේරුනා, දැන් ඒ හැටිම අප්සෙට් එකක් නෑ කියලා. ඒත් තවම, වින්ඩෝස් 10 ස්ටාර්ට් ඇප් ගෘප්ස් වලට විසඳුමක් නම් නෑ.මගේ ස්ටාර්ට් ඇප් ගෘප්ස් සැට් එක දාලා යන්න වුනාට, හිතට දුකයි තමා. ඒත් අසරණ අපි වෙන මොනවා කරන්නද?  මාත් ගියා, අලුත් මහගෙත් එක්ක දීග කන්න.

වින්ඩෝස් 11 වලින් සැබෑ වෙනසක් වෙන්න නං, ඇන්ඩ්‍රොයිඩ් ඇප්ස් හරි හැටි වැඩ කරන්න ඕනෙ. ඇන්ඩ්‍රොයිඩ් ඇප්ස් දුවන්නෙ, වර්චුවල් ස්පේස් එකක වෙන එක අවුලක් නෑ. ඒ ටැක්නිකල් ඩීටේල්ස්, නෝමල් යූසර්ට ට්‍රාන්ස්පේරන්ට්. එව්වා ඔක්කොම OS එක බලාගන්නවා. ප්‍රශ්ණෙ තියෙන්නෙ, ඒක තාම රිලීස් වෙලා නැති එකයි. ඒ වගේම, තාම වින්ඩෝස් 10 අප්ඩේට්ස් එවනවා. පේන විදිහට, තාමත් වින්ඩෝස් 10 සූදානම් කරන පාටයි. ඉදිරියට, දැනට රෙකමන්ඩ් නොකරන, තරමක් පැරණි සිස්ටම් වලටත්, වින්ඩෝස් 11 දාගන්න ඉඩ දෙනවා කියලත් කතාවක් තියනවා. මේවා ඔක්කොම තාම, ටෙස්ට් කරමින් ඉන්න දේවල් වගෙයි පේන්නෙ. 

වින්ඩෝස් ඉන්ස්ටොලේෂන් එක, දැනට දැකපු, හොඳම එක. 80% ක්ම වෙන්නෙ බැක්ග්‍රවුන්ඩ් ප්‍රොසෙස් එකක් විදිහට. ඒ කාලය තුල, අපට සාමාන්‍ය විදිහට වින්ඩෝස් 10 භාවිතා කල හැකියි. ඩවුන්ලෝඩ් කරගෙන, ඉන්ස්ටෝල් කරගෙන, අහක් වෙලා රී-ස්ටාර්ට් එකට යනවා. එතන වැඩිම වුනොත් විනාඩි 10( depending on your system) විතර යනවා. කහින්නෙ, කාරන්නෙ නැතුව ඔක්කොම මටසිලිටු ලෙසම වුනා. පේන විදිහට, නං ඔක්කොම වගේ ඇප්ස්  වැඩ.

බ්ලුටූත් කී-බෝඩ් එක ආයෙ කනෙන්ට් කරන්න ගියාම නං, අවුලක් වුනා. එක අතකට ඒක අවුලකට වඩා, අවුල ලිහිල්ලක්. ටිකක් නැටුවත්, දැන් මගේ තුට්ටු දෙකේ CSR බ්ලුටූත් ඩොංගල් එක, නියමාකාරයට "Microsoft" Generic එකක් විදිහට වැඩ. 

ඉන්ටනෙට් එකේ තියනවා, කොහොමද WSA( Windows sub-system for Android) සහ ඕනෙ නං, Google App ඉස්ටෝරුවම දාගන්න විදිහ. ඒත්, ඒවාත් එක්ක, වෙන මොන,මොන ට්‍රෝජන් අස්පයො එනවද කව්දෑ දන්නෙ? දැනට මේ ඇති, ඉවසගෙන ඉඳලා, Microsoft ඔෆීෂියලි දුන්නාම දාගන්න එක තමා නුවනට හුරු දේ. මම ඔන්-ලයින් පේමන්ට් වලට වින්ඩෝස් භාවිතා නොකලත්, මොකටද නිකං ඉල්ලගෙන කන්නෙ?

පැහැදිලිවම, වින්ඩෝස් 11 හොඳට හාඩ්වෙයා පාවිච්චි කරනවා. ප්‍රොසෙසර්, ග්‍රැෆික්-කාඩ් එහෙමත් වෙනදට වඩා සීතලට දුවනවා. ඉතිං, ඉදිරියට එන්න තියෙන දේත් එක්ක, දැනට පෙරමඟ නිමිති සුභදායකයි.

වින්ඩෝස් 10 පනේ, උඹව දාලා යන්න දුකයි බං. අම්මපා, බොරුවක් මුසාවක් කියනව නං, අහල-පහල හෝතම්බුවෙකුට හෙන ගහන්න ඕනෙ. අපි දෙන්නා, යක්කු ගස් යන ජාමෙ, එකට ඉඳන් බලපු, සිත්තර පටි, දෙන්න එක්ක ගිය වල් ටුවර්, අද වගේ මතකයි මචං. සංසාරෙ හැටි ඔහොම තමයි බාං. බස්සගෙ ත්‍රී-වීල් එකට, තව බොහෝ බබලත්තු නැගලා, බැහැල ගිහින් තියනවා. මේක ඉන්න රට්ටු, හිටවන මාටින්ලා, ලෝකයා මං ගැන නොයෙකුත් කයි-කතන්දර කියාවි. උඹ ඒව අහල හිත අමනාප කරගන්න එපා, සුදෝ.

අම්මපා, මං උඹව මගේ ස්පෙයා-වීල් එක විදිහට තියාගන්නවා. මේ අලුත් මහගෙ, මාව එලියට දාලා දොර වහපු දාකට, මං එඤ්‍ඤං උඹව බලන්න. 

පිදුම: පෝස්ට් එකක් ලියන තුරු, පන්න පන්නා පස්ස හැපූ නමියාට.

But I'm sad to say I'm on my way

Won't be back for many a day

My heart is down, my head is turning around

I had to leave Windows 10 in back-up drive

මැකී ගිය බකුසු දඩමං 0 - රටඉඳි මතක

ගමරාළගෙ කූබිච්චි පෝස්ට් එක කියෙව්වා. බොහෝ කළකට පෙර බස්සෙක් මැදපෙරදිග රස්සාවක් කලා. රස්සාවට ගියේ, පස්සා දොරෙන්. දෑවැන්ත කම්හලක් වෙච්ච එතන හිටිය, ලංකාවෙ, රජ වැඩකාර හාදයෙක්ගෙ  රෙකමදාරුව මත. ටෙස්ට් එකට ආපු, සමහර විශයට අදාල ප්‍රශ්ණ පවා, රජ වැඩකාරයා බස්සට කලින්ම ඉගැන්නුවා. ඉන්ජිනේරු අරාබි ලොක්කා,ආව සහයට-ඩැනී අරාබියෙක් එක්ක සම්මුඛ සාකච්චාවට. ඔක්කොම බලලා, ඩැනී මෙහෙම කිව්වා" දිස් ඉස් අ ඩිෆරන්ට් බෝල් ගේම්, ඩූ යූ තිංක් යූ කැන් හැන්ඩල් දිස්?" කියලා.

"ඇත්ත, ඒත් දෙකේම මූලික සිද්ධාන්ත එකයි. මට පුළුවනි" බස්සාගෙ ඩිප්ලොමැටික් උත්තරේ නිසා රස්සාව ලැබුනා.  මම "මලබාරි නයිට්ස්" වල කියපු සෝමෂේකර් "සෝමු" බාස්කරන් මලබාරිය, බස්සට "ගුරු-මුට්ටි" නැතුවම, අදාල විශය ඉගැන්නුවා. සෙක්ෂන් එකේ බොසා, ගිරා නහයක් සහ උකුසු ඇස් දෙකක් තිබ්බ, කෙට්ටු උස අරාබියෙක්. තෙල බෙදන්න දෙයියා, ඒ ඇරෙන්න කරන එකම දේ බුදියන එක විතරයි.

උදේට ඔක්කොම රැස් කරලා, එයාගෙ පුරාජේරුව කියනවා, අපි අහන් ඉන්නවා. ඔන්න ඊට පස්සෙ, බොසා බුදියනවා, අපි කස්ටිය වැඩට බහිනවා. ඉලෙක්ට්‍රිකල්, මැකෑනිකල්, ඉන්ස්ටෘමන්ටේශන් අංශවල අය, වෙන වෙනම තමන්ගෙ වැඩ කොටස කලා. සෝමු, මම, ගව්ඩා හිටියෙ ඉන්ස්ටෘමන්ටේශන් අංසෙ. "වන් ෆුඩ, වන් බාත" කුමාර් හිටියෙ ඉලෙක්ට්‍රිකල් කොටසෙ. අපි හැන්ඩල් කලේ අඩු වොල්ටේජ්- 70V වෙනකම් විතරයි. ඒත් බොහෝවිට 24V තමයි.

මුලින්ම අපේ කොටසෙ කස්ටිය, එකටම හැමදේම කලත්, පස්සෙ මට තනියම ඔවර්හෙඩ් ක්‍රේන්ස් කරන්න වුනා. පිලිපීන ජාතික, ඉලෙක්ට්‍රිකල් නැඹුරුවක් තිබ්බ සුපවයිසරයා, සහජයෙන්ම කුලෑටි සතෙක් වෙච්ච බස්සවම ඉල්ලලම ගත්ත. සෝමු හිත හොඳ ගොබිල වුනාට, එයැයිගෙ අඹ යාලුව, කර්ණාටක ගව්ඩා රටේ වෙදා. ඉස්සර මාවත් ඇදගෙන යනවා කෑම කන්න. මටත් බලෙන්ම, බෙරි වෙන්න උයාපු, තුනපහ සුවඳ නහය කඩාගෙන යන, ඉන්දියන් කෑම කවනවා. මාත් ඉතිං,  අපූරු පිලිපීන කෑම සුවඳ විඳ,විඳ, කිඹුලා කිරිමැටි ගිලින්නැහෙ ඉන්දියන් කෑම කනවා.  ඊට පස්සෙ, උන් ඔක්කෝම කච, පච ගගා හින්දියෙන් විහිලු කරගන්නවා. මහිතේ ඒ උන් කිව්වෙ, තෝත් හිංදි ඉගෙන ගනින් කියලා වෙන්ටෑ?

මට මේක දිගටම දරාගන්න බැරි වුනා. මම ලිස්සන ක්‍රමවේදය අනුගමනය කලා. සෝමු අහනකොට  "හෑ, අදත් එන්නෙ නැත්ද?" කියලා " ක්‍යාහෙ සෝමු, අල්ලල දාහං , බං" කියලා ගව්ඩා එයාව ඇදන් යනවා. මහිතේ, ගවුඩා තමා කෙටෙව්වෙ. මම හිටියෙ වෙනම, ක්‍රේන්ස්වල නිසා අවුලක් වුනේ නෑ. සුහද කතාබහට "චංගල්පට්ටු" චෙල්ලප්පන් වගේ මිත්‍රයො හිටියා. ඇදලා-පැදලා, දමිල උච්චාරණයෙන් කතාකරපු, චෙල්ලප්පන්ගෙ  කතා විලාසය, ගීතයක් වගේ ලස්සනයි. "හා තම්බී, සෞඛ්‍ය....මා....."

කොම්පැණියෙ ඉහල තලවල හිටිය අරාබියො කූල්-රූම්වල බුදියගත්තා. ගේම ඇදන් ගියේ ආසියාතික "සබ්-කොන්" වහල්ලු. අපේ මට්ටමේ හිටිය අරාබින් කීපදෙනාවත් වැඩක් කරනවා මං දැක්කෙ නෑ. ඔවුන්ට ඒකට අවශ්‍ය දැණුම/උවමනාව තිබ්බෙත් නෑ. නිකං ඉඳලා තෙල් බෙදන්න, අපට වගේ කීප ගුණයක වැටුපක් ලැබෙනවා නං, මොකටද වැඩ කරන්නෙ?

රටේ නීතියට අනුකූලවම, පේ-ග්‍රේඩ් තුනක් තිබ්බා -ලෝකල්, එක්ස්පැට් 1(සුද්දො), එක්ස්පැට් 2 කියලා. අපි අඩුම එක -එක්ස්පැට් 2,එකම රැකියාව කලත් වැටුප වෙනස්. ෆීල්ඩ් එකේ හිටියත්, කැමති වෙලාවක කූල්-රූම් රිංගන නිදහස අපට තිබ්බට, පහලම ස්ථරවල හිටි අවාසනාවන්තයොන්ට ඒ නිදහස තිබ්බෙ නෑ. "අරාබි සුපවයිසරයා එනකොට අපි හැංගෙනවා, බස්සො" කියල කිව්වෙ, උතුරන ඇලුමිනියම්  ලෝදිය හැලියෙ වැඩ කරපු, ඉහින් කනින් දාඩිය මුගුරු දාගත්ත, පිලිපීන ඔපරේටර් වරයෙක්.

එක දවසක්, අධි විදුලිසැර කාන්දුවක් නිසා ක්‍රේන් එකක් පොට්-ලයින් එකේදිම මලා. දැන් ක්‍රේන් එක ගල්-ඉබ්බා වගේ පොට්-ලයින් එක මැද. අනිත් ක්‍රේන් වලට එහාට-මෙහාට යන්නත් නෑ. ඒක යටම තිබ්බ "පොට්" එක පැය ගාණක් ඇතුලත  නඩත්තු නොකලොත්, ලෝහ ගල්වෙලා "මැරෙනවා". අරාබි පොඩි බොසා මටයි,  පිලිපීන සුපවයිසර "සීසර්"ටයි මෙහෙම කිව්වා. "තොපි දෙන්නා, අද යන්නෙ නෑ ගෙදර, මේක මේන්ටනස් බේ එකට දාලා මිස".එහෙම කියලා, ඔෆිස් එකෙත් බුදියන එයා, ඉතුරු නිදි වඩිය නිදා ගන්න ගෙදර ගියා.

ක්‍රේන් එකේ ඔක්කොම ඉලෙක්ට්‍රොනික්ස් කන්ට්‍රෝල්ස් පිච්චිලා.  සීසර් ක්‍රේන් එකේ රෝදවල බ්‍රේක් රිලීස් කරලා, වෙන ක්‍රේන් එකකින් කෙලගෙන ඇවිත් ලෙඩාට ඇන්නා. ම්හු...ලෙඩා හෙලවුනේවත් නෑ. මෙව්වා ටොන් බරගාණක දඩ ක්‍රේන්. සීසර්, ඇටි කෙහෙල් කාපු උගුඩුවා වගේ මගෙ දිහා බැලුව. මට මතක්වුනා, ක්‍රේන් එකේ VFD (variable frequency drive) වැඩ බවත්, ඕකෙ ස්පීඩ් කමාන්ඩ් එක PLC එකෙන් එන සිම්පල් ඇනලොග් වොල්ටේජ් එකක් බව. මම ගියා මේන්ටනස් බේ එකට . එතන තිබ්බා, අර ලංකාවෙ රජ වැඩකාරයා හදාපු ඩ්‍රයිව් ඩිමෝ මොඩල් එකක්. ගැලෙව්වා ඒකෙ පොටෙන්ශියෝ මීටර(පොට්) ගැජමැටික් එක. 

ගලවගෙන ආපු ගැජමැටික් එක, ක්‍රේන් එකේ VFD එකට හයි කලා.  පොට් එක අඩුම කරලා, ඩිරෙක්ෂන් සිලෙක්ට් කරලා, සෙට් කර ගත්තා. දැන් සීසරයා ගැහෙනවා, "හරි යයිද, බස්සො?" කියලත් ඇහැව්වා. "දන්නෙ නෑ, කරලම බලමු, වෙන විකල්පයක් නෑ නෙව? මම කිව්වා. ඇයි, මේ අටවන-මාටිං සෙල්ලම දාන්නෙ, ටොන් බරගාණක වසවර්තියෙක් එක්ක නෙව? මට සීසර් කිව්වා, අවුලක් වුනොත්, ඕෆ් කරන්න සුවිච් එකට අත තියාගෙනම ඉන්න කියලා.

"ඔන්" කලාම,ඔය යන්නෙ මල දානෙ, කූඹියා වගේ(තියරියෙ විදිහටම). හප්පේ !දැනිච්ච සනීපයක්? සීසර්ට මාර හැපී. "බස්සො, තව ඔය ගැජමැටික් දෙකතුනක් හදලා තියගන්කො" කියල කිව්වා. ක්‍රේන් එක මේන්ටනස් බේ එකට දාලා අපි දෙන්නා ගෙදර ගියා. එදා සීසරයා නං, කණ සාක්කුවට වටෙන්නම බොන්න ඇති. පිල්ලො කියන්නෙ කන්න, බොන්න සහ "ටීක්" ලන්නම උපන් ජාතියක්.

පස්සෙන්දා, අරාබියගෙ මීටිමේ ස්තූති, ප්‍රශංසා මුකුත් නෑ. ලෙසටම එයැයිගෙ සුපුරුදු පුරාජේරුව නං තිබුනා.එයා ලකුණුත් දාගන්න ඇති, ලොකු බොසාගෙන් "මම ලඟ ඉඳලයි වැඩේ කෙරෙව්වෙ, අරූ ලිස්සන්නමයි බැලුවෙ?" කියලා. දිනක් මිටීමක් කැඳවපු ලොකු අරාබි බොසා,  මෙහෙම කිව්වා: " මෙහෙ වර්ජන, පිකටිං වගෙ ෂිට් නෑ, උඹලා ඔච්චරම ස්මාට් කියල හිතනවා නං, ඇයි නාසා එකට වැඩට යන්නෙ නැත්තෙ?". අවුලක් නෑ,  අඩුමගානෙ බස්සට, උගෙ "අටවන මාටිං" ක්‍රම අත්හදා බලන්න චෑන්ස් එක තිබ්බ එකම මඳෑ?

මම මොනව හරි අටවන වැඩ කරනව කියලා, සීසර් දැණගෙන හිටියා, ඒත් මා ගැන විස්වාසයක් තිව්නා. කිව්වෙ "බස්සො, උඹ ඔය කරන විදිහ, පොතක ලියල තියහංකො" කියල විතරමයි. ලියන්න පුළුවන් ටික ලිව්වත් එක්ක. ඒත් මම කරපු ඔක්කොම උන්දලා දැණගත්තා නං, මාව එලවනවා. ඒත් මම කොහොම හරි ජාම බේරගත්තා. 

අපි හැන්දෑවෙ ගෙදර ගියාම, හදිසි නඩත්තු කරන්නෙ MC( Maintenance Crew). ඕං පස්සෙන්දා එනවා MC ගොබිලා "බස්සො, මේකෙ මෙහෙම ලෙඩක් ආවනෙ? මම මේක හදන්න බෑ කිව්වම, උං කියනවා අර බස්සා නං හදනවා කියලා. මොනවද ඕයි තමුසෙ කලේ?" කියලා. ඒත් මගෙන් පස්සෙ ආව පිල්ලට ඒ වාසනාව තිබිල නෑ. සීසර් එයාට PLC එකට අතවත් තියන්න දෙන්නෙ නෑ,  කියල පස්සෙ සෝමු කිව්වා.  ඒ හාදයා සිංගප්පූරුවට ගියා  අස්වෙලා, කියල පිල්ලො පස්සෙ කිව්වා. නෑ, මම උන්දැව කඩේ යැව්වෙ නෑ, ඒත් හැමදේම කියල දෙන්න බෑ නෙව? පස්සෙ සෝමුට "රිසර්ච් ඇන්ඩ් ඩිවෙලොප්මන්ට්" එකට ප්‍රමෝෂන් එකකුත්, ගව්ඩට ඩබල් ප්‍රමෝෂන් එකකුත් ලැබුනලු. ඒත් සෝමු තමයි නියම වැඩ්ඩා. වැඩ දන්නව වුනත්, තෙල බැරි නං හබක්.

මම හැමදාම හිතුවෙ, අරාබිය කියන්නේ, ට්‍රාන්සිට් පොයින්ට් එකක් විතරයි කියලයි. පේන දේම නෙමෙයි ඇතුලෙ තියෙන්නෙ. ලෝකෙම ඉන්න කුඩු මුදලාලිලා, පාතාලයොන්ට ආරක්ෂාව සපයනවා කියන එක ප්‍රසිද්ධ රහසක් නෙව? තව ඉතිං, කළු සල්ලි "අපුල්ලලා" දෙනවා වගේම ලෝක මත්ද්‍රව්‍ය ජාලයේ "හබ්" එකක් විදිහටත් ක්‍රියා කරනවා. රැකියාවත් සමඟ බැඳිච්ච වීසා එකට ඔවුන් කියන්නේ "PR" එක කියලයි. රැකියාව පවතින්නෙ, ඔවුන්ට අවශ්‍ය නම් පමණයි, ඒ එක්කම ඔබේ "PR" එකත් වාෂ්ප වෙනවා. රැකියාව නැති වී, තමන් ගෙ මුළු ලෝකයම කඩා වැටිච්ච කතා නං අපමණයි.

චුත වෙන්නෙ කාලෙ ආවම, අරාබියා මට අනිත් හැමෝටම දෙන සමුගැනීමේ සාදයවත් ( කලෙක්ෂන් - නැතුව උන්දැගෙ සාක්කුවෙන් නෙමෙයි) දුන්නෙ නෑ. ඉතිං මම නෝන්ඩියටම, උන්ට පාටියක් දුන්නා. ඒකට ඇවිත් හොඳට ගිලපු අරාබියා මෙහෙම කිව්වා. " බස්සො, මම උඹව ගන්න කොට, මට ඇඩ්මින් එකේ මලබාරියා කියපු දෙයක් තමයි, ඔහෙට ඕකාගෙන් කිසිම සෙතක් වෙන්නෙ නෑ කියන එක, ඒත් මම උඹව ගත්තා. යූ නෝ, ඔනස්ටි ඉස් ද බෙස්ට් පොලිසි" කියලා.  ඒ හැදුවෙ මම යන්නෙ කොහාටද කියලා ටක්කෙටම කේලම දැණගන්න. හහ්, අපි නොදන්න මොණරතැන්න?😂 මම හිනාවෙලා, ලෙසටම ලිස්සුවා. 

උන්දැට මම යන එකට, මල පැන්න බව මට තේරුනා. ඉන්න තුරු කිසිම හොඳක් තියා, ඇනුවල් ඉන්ක්‍රිමන්ට්වත් අපිට ලැබුනෙ නෑ. අවුලක් නෑ, මම ගත්ත පඩියට සරිලන සේවයක් කල බව, අනිත් අයගෙ ඉඟිවලින් තේරුන නිසා, රස්සාවෙන් යම් සතුටක් ලැබුනා. පස්සෙ ටෙක්නිකල් ස්ටාෆ් එකෙන් වැඩි දෙනෙක් ගිහාම, පඩිය දෙගුණයක් කලාලු. 😁 

☜(ﾟヮﾟ☜)      ༼ つ ◕_◕ ༽つ        (☞ﾟヮﾟ)☞    

මේක තමා "මැකී ගිය බකුසු දඩමං" පලමු කොටස. අනුපිලිවෙල මාරුවුනා. වැරැද්ද මගෙ නෙමෙයි, කූබිච්චි පෝස්ට් එක දාන්න පරක්කු කරපු ගමරාළගෙ, බනිමුද උන්දැට? 

ඊළග ජංසන්, නෝ ජංසන්

ඊළග ඊළග ජංසන්, ඒත් නෝ ජංසන්

මම ලිව්වෙ, මගේ අත්දැකීම්, මම දැකපු දේ. වෙන කෙනෙකුට ඒක එහෙම්මම නොවෙනවත් ඇති. අජිත් ගෙනාපු මාතෘකාවට අදාල, මේ පෝස්ට් එක ලියන්න හේතුවුන වීඩියෝව:

(ඡායාරූප අන්තර්ජාලයෙනි)

වින්ඩෝස් 11- අවසාන අදියර

වින්ඩෝස් 11 නිකුත් වෙන්න තිබ්බ අද වුනාට ඊයෙම එලියට දැම්මා. අදියර කීපෙකින් කොටස් වශයෙන් දීගෙන යනවා, පෝලිමෙ ඉන්න ඕනෙ කියල තමයි කියන්නෙ. අප්ඩේස් බලන කොට "සුභ පැතුම්. උඹ පාස්" කියල මැසේජ් එකක් ආවට, අප්ඩේට් එක තාම නෑ. ඉතිං මම නං ලෙසටම පෝලිම පැන්නා. මෙතැනට ගියාම ඔහෙලටත් ඕනෙම නම් ගත්තෑකි.

කොහොමද, හොඳද?

අනේ මන්දා? ලොකුම අවුල, මම ඇඩ්ඩිං විදිහට ලොග් වුනාම, ස්ටාර්ට් මෙනු සහ සර්ච් දෙකම වැඩ නොකරන එකයි. ඒත් ලෝකල් එකවුන්ට් එකෙන් ගියාම නං වැඩ කරනවා. ඒත් ඒකෙ තියෙන්නෙ බේසික් සෙටප් එකක්. ලොකුම අවුලකුත් නෑ, ඔක්කොම ප්‍රෝග්‍රෑම් ටික තියෙනවා, ඒත් එක, එක වෙනම ඇඩ් කරගන්න වෙනවා. හැබැයි එහෙම කලාම එව්වා වැඩ කරනවා. ප්‍රෝග්‍රෑම් ඇක්ටිවේෂන්/ රෙජිස්ට්‍රේෂන් නැති වෙලා නෑ.

ඔන්න මම ඉතිං  වින්ඩෝස් 11 ඉඳන් මේ පෝස්ට් එක කොටන්න ගත්තා. චේද දෙකයි ගියේ, දුන්නෙ නැතෑ BSOD. ඒ කිව්වෙ අර කුප්‍රකට blue screen of death, හැබැයි මෙදා සැරේ උන්දෑ

කලු පාටයි. ඊළඟට රී-ස්ටාර්ට් කලාම කිව්වා, ඩිස්ක් එරර් තියෙන කියල චෙක් කරන්න පටන් ගත්තා. කලින් බීටා කොපි කීපයක් එක්ක සෙල්ලං කරපු නිසා මට දන්නවා ඕකෙ විනාසකාරී ප්‍රතිඵලය. මම ඒක ස්කිප් කරලා දැම්මා. 

මට කියන්න පුළුවන් මගේ අත්දැකීම් විතරයි. මේකෙන් ඔහෙල හැමෝටම මෙහෙමම වෙයි කියල ඒකෙන් අදහස් වෙන්නෙත් නෑ. ඒත් මගේ ෆස්ට් ඉම්ප්‍රෙෂන් එක නම් එච්චර සුභදායක නෑ. එයිට අමතරව වින්ඩෝස් 10 තිබ්බ, මම දිනපතා සතුටින් පාවිච්චි කරපු සමහර පහසුකම්, වින්ඩෝස් 11 දී කප්පාදු කරල තියෙන එකටත්, මගේ වැඩි සතුටක් නෑ.

නිගමනය

කැමති වුනත් නැතත්, අකමැත්තෙන් හරි දවසක, අපි ඔහෙල හැමෝටම මේ වින්ඩෝස් 11 මහගෙත් එක්ක දීග කන්න වෙනවා. ඒක බුදු ශුවර්, ඒත් මම නං දැම්ම කසාද කොලේ කණ අත්සන ගහන්න සූජානං නෑ. එහෙම කලොත් මුන්දෑ මාව අනුභව කරයි කියල, හිත් දෙගිඩියාවක් මට තියෙනවා. වින්ඩෝස් 11 තාම, මගෙ අනිත් ඩ්‍රයිව් එකේ ඉන්නවා, ටෙස්ටිං වලට ඇරුනාම, දිනපතා පාවිච්චියට දැම්ම ( තව ප්‍රධාන අප්ඩේට්ස් කීපයක් එනතෙක්) යන්න අදහසක් තාම නම් නෑ.

(ඡායාරූප අන්තර්ජාලයෙනි)

අටවන මාටිංගේ බ්ලොග් එක

රට්ටු හිතාගෙන ඉන්නෙ, මට ඉත්තෑ අමාරුවක් තියෙනවා කියල නෙව? ඇත්ත, කාලෙකට ඉස්සර තිබ්බා, දැන් නෑ . අපි නං ඒවගෙන් පාඩම් ඉගෙන ගත්තා. මම දැන් සිම්පල් බකමූණා. ඒත් මේ බ්ලොග් කෙරුවාව පටන් ගත්ත කාලෙ, ඔය උණ තදේටම තිබ්බා. මාසෙකට සැරයක්වත් බ්ලොග් එකට අලුත් ඇඳුමක් අන්දවනවා. Image credit  , අටවන මාටින් - අනුග්‍රහය නිදි 

අටවන මාටිං ක්‍රමවේදය

රටේම තියන ගැජට්, බැජට් ගෙනත් එල්ලනවා. ආයිස් අප්පා, බලන්න එපෑ එතකොට බ්ලොගේ තිබ්බ කලඑලිය? තොටලඟ තොරණ වගේ. ඒ තියා මවුසා යන්නෙත් දුං දාගෙන. තව නත්තල් කාලෙට බ්ලොග් එකේ හිම වැටෙනවා. ඇයි, ඉතිං පාඨකයොන්ට, දෙන්න එපෑ ෆීලින් එක, ඇඟේ මයිල් ඉස්මයිල් වෙන්න?හා, නැහ්ද මං අහන්නෙ? 

අපිව වළඳන විජට්

අවුලක් නෑ නේද? මොකෑ නැත්තෙ තියනවා. ඔය අටමඟුල් දාගත්තාම, බොලෑ  කම්පූටර විතරක් නෙමෙයි, අපේ එව්ව වලත් ෆෑන් හූ තියන්න ගන්නවා, ජෙට් ඇන්ජිං වගේ. වෙලාවක, කාගෙහරි ලැපක් ගුවංගත වෙන්න වුනත් බැරි කමක් නෑ.  අනික, යකුනේ, මේකට බලන්න එන එකා  එන්නෙ කියවන්න මිසක්කා, තොරණ් බලන්න නෙමෙයි නෙව? ඒව උන් වෙසක් කාලෙ තොටලඟට ගිහින් බලා ගනීවි. බොලාට තියෙන්නෙ ලියන්න මිසක්කා, බ්ලොග් වල ෆ්ලෑෂර් කොට ගෙනත් හයි කරන්න නෙමෙයි. 

මේවා ඉගෙන ගත්තෙ අත්දැකීමෙන්, මැගිලින් අක්කගෙ බුරානිස් ගොයියගෙ කටේ වැරෙන්, කුණු බැනුම් අහල. බයින එක සාධාරණයි නෙව, ඒ කාලෙ බ්ලොග් එක මොබයිල් වලට ලෝඩ් වෙන්නෙ, ඔලුව ජපන් කඳ ජර්මන් ඉට්ටැයිල් එකටලු. 

මේ, කියන පුම්කකට වඳිඤ්ඤා, අර බ්ලොගර් දෙන ඔරිජිනල් තීම් එකක් දාගනිල්ලා. ඒව හොඳට චෙක් කරලයි තියෙන්නෙ. ලැප්ටොප්, මොබයිල්, ටැබ් ඔය ඕන එකකට ඔට්ටුයි. අනික, තර්ඩ්පාටි ජාවා ස්ක්‍රිප්ට් විජට් නං නැති තරමට හොඳයි. වංගියක් ගූගල් මගේ බ්ලොග් එක බ්ලොක් කලා,  ඔහොම ජාවා ස්ක්‍රිප්ට් විජට් එකක් නිසා.

ටිං-ටිං, පෝස්ට් එඩිටින්

අනිත් එක අකුරුවල ප්‍රමාණය. අවාසනාවට අපි හැමෝටම 20-20 විෂන් නෑ, ඒ ගැනත් පොඩ්ඩක් හිතන්න. පොඩි කාලෙ රචනා ලියන්න කොට ඉගෙන ගත්ත චේද කැඩිල්ලට මොකද වුනේ? පොඩී අකුරින්, චේද නොකඩා පැදුරු, මාගල් වගේ ලිව්වාම, මගක් කියවන කොට හති. අනිකුත් අවයව වලට වගේම ඇහැටත් වෙහෙස දැනෙනවා. ෆ්‍රී ස්පේස් වලට බයවෙන්න ඕනෙ නෑ. බය වෙන්න ඕනෙ පෝස්ට් එක, සාඩින් වගේ පැක් කරන එකට.

මේ හැම දෙයක්ම කරන්න ඕනෙ කියවන්නාට සොඳුරු අත්දැකීමක් ඇති කරන්නයි. දැන් මේ නීති ඔක්කොම, මම අනුගමනය කරනවයි කියලද හිතන්නෙ? මොන පික්සුද? නීති තියෙන්නෙ අවශ්‍ය වෙලාවට නමන්න. ඒත් සංකල්පය ඔලුවෙ තිබ්බාම ඇති. ක්‍රියේටිව් වෙන්න ඕනෙ නම්, බ්ලොගර් එඩිටර් එකේ , අකුරුවල පාට, හැඩය, මයිනර් හෙඩින් වගේ ටොන් ගාණක් පහසුකම් තියනවා. තව Microsoft Live Writer වගෙ ඔෆ්-ලයින් එඩිටර් එකකින් ලියන්නත් ඇහැකි. හැබැයි, මගේ ප්‍රියතම, මිනිමලිස්ටික් සංකල්පයයි.

ඇහැට අමාරුවක් නැති පෝස්ට් එකකට උදාහරණයක්: මෙතන

අනිච්චාවත සංඛාරා - ප්‍රොෆයිලය

ඔහෙලට කියන්නත් ලැජ්ජයි , එහෙව් සිම්පල් බකමූණෙක්ගෙ ලොගින් එකවුන්ට් එකට නොවැ ගූගලයා කෙලියෙ? ඕං නමෝ විත්තියෙන්ම, අනිත් බ්ලොග්වල කමෙන්ට් කරන කොට කහින්න ගත්තා.හැබැයි මගේම එකේදි කිසිම ලෙඩක් නෑ, පිට තැනකට ගියාම තමා ලෙඩේ එන්නෙ. පස්සෙන් පහු ලෙඩේ උත්සන්න වෙලා කැහැල,කැහැල,කැහැල,කැහැල,කැහැල,කැහැල,කැහැල,.................................................................................ඊයෙ මලා.

බ්ලොග් එක හැදුවෙ ඒ ඊමෙල් එකෙන් නිසා, එයා තමා ඇඩ්ඩිං. මකන්න, වෙනස් කරන්න අමාරුයි. මම කලේ තව ඊමේල් එකක් හදලා, එයාවත් බ්ලොගෙ "ආතර්" කෙනෙක් කරවපු එකයි. ඒ කල්ල, පරණ නම, පරණ ඇවටාර්(පැවිකොන්) එකම දුන්නා. ආතර්ගෙත් ටූ ෆැක්ටර් ඔතෙන්ටිකේෂන් ඕන් කරලා නිසා, නම්/මුරපද නොකොටා මොබයිල් එකෙන් තමා ගේම ගෙනියන්නෙ. දැන්  මයෙ බ්ලොග් රෝලට යටින් බැලුවොත් බස්සො දෙන්නෙක් ඉන්නවා පෙනෙයි,  

මඟුලක් කියනවා? ලියන්නෙ කොහොමද, වාෂ්ප වෙනකොට?

හොඳම ක්‍රමය නොවෙනවා ඇති, ඒත් මම දන්නෙ ඔච්චරයි. මේ ඔහෙලා මෙයිට වඩා හොඳ, ලේසි ක්‍රමයක් තියේ නං දාන්ට, ඈ?  ඒක නෙමෙයි, අර සිරාගෙ කාමරේ හිටපු "නැට්ට කොටා" වාෂ්ප වුනා නෙව? දැකපු කෙනෙක් ඉන්නවද? Image credit

 ආ බයවෙන්ට කාරි නෑ, තව ටික කාලයයි, මේ ගැම්ම දිය වෙච්ච ගමන් මාත් යනවා හයිබනේට් කොරාන්ට. වින්ටර් එකත් ඕං හන්දියෙ වංගුව ගාවයි කියන්නෙ. සංසාර චක්කරේ හැටි ඔහොම තමයි කියල කිව්වෙ, අවන්හල ලියන මහේෂ්. දෙකක් නමාගෙනද හිටියෙ ඇහැව්වා? වෙන්ටෑ,  හැබැයි හරි හිතහොඳ ගොබිලා - බල්ලොන්ට ගුලි කව්වවන්ට දෙයියා. 

ඊයෙ අපේ නිදිගෙ උපන්දිනේ. එහෙමයි කියලා ඇරියෙ නෑ, ආං පෝස්ට් එක දාලා. මේ වගේ අඳුරුම අවදියක, එයා කරන්නෙ සමාජ සත්කාරයක්. මෙන්න හිනා කතා දෙකක්, සොසේජස් කතාව ඇත්ත එකක්.

හිනා කතා - ටැක්නිකල් අජීර්ණ වාහෙලාට

නවසිය බර ගණන්වල, කටුබැද්දෙ පොඩි හෝටලේක වෙච්චි කතාවක් :

වේටර් කොලූ: මහත්තයො, පොසේජස් කියලා නියම මස් ජාතියක් ඇවිත් තියනවා, ගේන්නද? තනි කරම මස් කරල!

ඔන්න ගමේ පෝසත්, ඒත් සිදාදිය නුපුරුදු මුදලාලි කෙනෙක්, එයාගෙ ගෝලයෙක් එක්ක කොළඹ හෝටලේකට ගොඩ වැදුනලු තේකක් බොන්න. දැක්කලු ටී-මේකර්, ඒ ජොග්ගුවෙන් මේකට, කිරි තේ දාන විදිහ. හොඳට බලාගෙන හිටිය මුදලාලි, වේටර්ට මෙහෙම කිව්වලු. " ලමයො, අපිටත් කිරි යාරෙ ගානෙ, වෙන වෙනම මැනලා ගේන්න" කියලා.

අන්තිමට කියන්න තියෙන්නෙ, මම බ්ලොග් ලියන්නෙ මගේ ආතල් එකට කියලයි. හරි, වින්දනය බෙදා ගැනීම, පිස්සු කෙලීම, දැණුම බෙදා ගැනීම, හොරා කාපුව ෂෙයාර් කර ගැනීම , ඒව ඔක්කොම අතුරු  ආබාධ.

වැඩේ කැතයි කියලද හිතෙන්නෙ ? 

මන්දා, ඉතිං මට පාංද? 

එතකොට, සමාජ පෙරලියක් ඇති කරන්න, 

සමාජයේ චින්තනය වෙනස් කරන්න? 

තමුසෙට පිස්සුද ඕයි!

(ඡායාරූප අන්තර්ජාලයෙනි)

අනේ පනේ,  ඔය ආයෙ ආව වගේම, මෙතනත් එල්ලිලා හිටපල්ලා!

මාතෘකාවක් ඕනෙමද, ඈ?

Image credits: Barry Bland ,Torgeir Berge, CorvetteForum

මැකී ගිය බකුසු දඩමං 2 - ප්‍රංශ ගම්මානයක්

කලින්  කොටස

ටිකට් කවුන්ටරේ හිටිය ප්‍රංසුවාට පේන්න, බස්සා දාගන්න පුලුවන් උපරිම අසරණ මූණ දැම්මා. ප්‍රංසුවා ප්‍රශ්ණ වැලක් ඇහැව්වා. ඊට පස්සෙ ටිකට් එක හදලා දුන්නා. කෝච්චිය TGV , මේක ඒ කාලෙ තිබ්බ බුලට් ට්‍රේන් එක. යනවා බබා වගේ.  හැන්දෑවෙන කොට ගමනාන්තයට ලඟා වුනා. ප්‍රංසෙ ඇතුලෙ තිබ්බ ගමක්. නැවතුන පොඩි හෝටලයක. නම Ibis, නම දැක්ක ගමන් මගෙ හිතට ඇල්ලුවා. බස්සා- බකුස්, ඉබ්බා-ඉබිස්. පොඩි වුනාට නියමයි. මතක උදේ හෝටලයෙන් ලැබිච්ච ඔරිජිනල් කෑම වේල ගැන තමයි.

ටෝස්ට් කරපු පාන්, බටර්, සොසේජස් තව නොයෙක් පාන් වර්ග සහ අතුරුපස පිරිලා තිබ්බ ඒ බුෆේ එක මට පෙනුනෙ ෆීස්ට් එකක් වගේ. කෑම වගේම පරිසරයත් පැරිසියට වඩා වෙනස්. පෞරානික ගල් බිත්ති, ගල් ඇඳි පාලම්, ගල් අල්ලපු පටු පාරවල් වල තිබ්බෙ අමුතුම සුන්දරත්වයක්.හෝටලේ කොච්චර අල්ලලා ගියාද කියනව නම් ,  පැරිස් ආවට පස්සෙත් ඒ අයගෙ එකකටම ගියා. නමුත් ඒක අත්වැරැද්දක්, ගමේ හෝටලයෙ තිබ්ච්ච ආතල් එක ඒකෙ තිබ්බෙ නැති වුනාට ගාණ නං ලෙසටම තිබ්බා.

ගිය කාරිය ඉවර කරලා ආයෙ ආවා Gare du Nord ඉස්ටේසමට, ඇම්ස්ටඩෑම් යන්න. මෙදා පොටේ තිබ්බෙ  රාජකීය පෙනුමක් තියෙන කොච්චියක්. නම Thalys. එක පාරක් හැලපයත් ඔය කෝච්චිය ගැන ලියල තිබ්බා. TGV කෝච්චියෙ තිබ්බෙ නවීන පෙනුමක් වුනාට, මේ රතු පැහැති පෞරාණික කෝච්චියේ තිබ්බෙ ඒකට ආවෙනික වෙච්ච ප්‍රතාපවත්  ගතියක්. මේක දිව්වෙ ප්‍රංසෙ ඉඳලා, බෙල්ජියම හරහා නෙදර්ලන්තෙ ඇම්ස්ටඩෑම් නුවරට. වෙනම බූත් එකක්, ප්ලේන් එකේ වගේ කෑමත් දෙනවා. හැබැයි  වෙනම ඉස්ටැයිල් එකකට. කෝච්චිය යන්න ගත්තා. බස්සා අවට සිරි නරඹනවා. ඕං ඇහෙනව ටිලිං, ට්ලිං ගාලා සද්දයක්. කෑම ට්‍රොලියක් තල්ලු කරගෙන ආවෙ නැතෑ බුරුසු රැවුල් බුරුත කෝට් කාරයෙක්. අම්මපා බොරුවක්, මුසාවක් කියනවා නං අපේ හෝතම්බුවාට හෙන ගහන්න ඕනෙ, මෙන්න මේ විදිහටමයි වුනේ.

ට්‍රොලිය ගෙනත් නෑඹිලියෙන් වහල තිබ්බ කෑම ඇරල මොන, මොනවද කිව්වා මට මෙලෝ අල බෝලයක් තේරුනේ නෑ. කෑම අතර විශේෂය වුනේ ලස්සන රෝස පාට අමු මාලු පෙත්තක්. මට ඕනා වුනේ ඒක පැත්තකට කරලා අනිත් ටික කන්න. බුරුසුවා යන්නෙම නෑ, දොර ගාවට වෙලා පනාව දාගෙන මම මාළු පෙත්ත පිල්ලි යවයිද කියල ඔත්තු බලනවා. පස්සෙ අමාරුවෙන් ,වැඩිය නොහප මාලු පෙත්ත ගිල්ලාම බුරුසුගෙ කට කනේ. මට පෙනිච්ච විදිහට ඒක ප්‍රංස චාලිත්තරයක් වගෙයි.

සෙස්ස පස්සට.......